13

Pagdating ko sa canteen, agad kong nakita sina Sara, Jette, at Adelia sa isang mesa sa may sulok. May hawak na notebook si Jette, halatang seryoso sa ginagawa niyang notes, habang si Adelia naman ay nakasandal sa upuan, nakikinig pero parang malalim ang iniisip.

Si Sara? Aba, siya ang pinaka-animated sa lahat—kumakain ng fries habang kinukulit si Jette, na mukhang ilang segundo na lang at magro-roll eyes na.

"Oh, heto na siya!" sigaw ni Sara nang makita ako. "Grabe, Abi, feeling ko hindi ka na namin makikita!"

Umupo ako sa tabi niya, pilit na ngumiti. "Sabi ko namang pupunta ako, 'di ba?"

"Uh-huh. Pero ang tagal mong mag-reply!" taas-kilay niyang sagot bago ngumunguya ulit ng fries. "Busy ka ba? May ginawa ka ba bago pumunta dito?"

Muntik na akong mapahawak sa bag ko kung saan nakatago ang papel na iniwan ni Detective Alcaraz. Pero hindi ako nagpahalata.

"Wala naman," sagot ko, pilit pinapakalma ang sarili. "Napatagal lang sa pag-iisip."

Nagkatinginan saglit sina Jette at Adelia, pero hindi sila nagtanong. Si Sara naman, mukhang masyadong excited sa event para mapansin ang tono ko.

"Okay, so balik tayo sa school event!" sabi ni Sara, tumatalon-talon ang boses niya. "May cultural night na inoorganize ng SSG, and guess what? Kasama tayo sa program!"

Napataas ang kilay ko. "Anong ibig mong sabihin ng 'kasama tayo'?"

"I mean," ngumiti si Jette, inadjust ang salamin niya, "we're part of the main committee. Lahat tayo."

"Paano nangyari 'yon?" tanong ko, hindi sigurado kung dapat ba akong matuwa o matakot.

"Kasalanan ni Jette," sagot ni Sara, sabay turo sa kanya. "Dahil editor-in-chief siya ng The Lumina Gazette, automatic siyang naging part. Tapos si Adelia, dahil masyado siyang 'responsible'—" may air quotes pa siyang ginawa, "—eh ginawang head ng logistics."

"At ikaw?" tanong ko kay Sara.

Nag-pose siya na parang proud na proud sa sarili. "Ako ang naging host!"

"...Seryoso?"

"Hoy! Wala bang tiwala?"

Umiling ako, natatawa na. "At ako?"

Doon ako biglang nagdalawang-isip. Kasi hindi ko alam kung gusto ko pang marinig ang sagot.

"Well...," nagsimula si Sara, "ang sabi ni Saoirse, ikaw daw ang perfect na mag-head ng music performances."

Napatigil ako. "Wait, what?"

Si Jette ang sumagot. "Narinig ni Saoirse na magaling ka raw sa music. Sabi niya, ikaw na raw ang bahala sa performances ng event."

Bigla akong kinabahan. "Teka lang. Paano niya nalaman?"

Tahimik si Sara saglit bago ngumiti ng malawak. "Aba, baka may secret admirer ka, Abi!"

"Sara."

"Fine, fine. Ang sabi ni Saoirse, may nagsabi raw sa kanya na mahilig ka sa music. Hindi niya sinabi kung sino."

Tumingin ako kay Jette at Adelia, pero wala silang sinabing kahit ano.

Nagpakawala ako ng malalim na hininga. "So wala na akong choice?"

"Nope!" sagot ni Sara, sabay kuha ulit ng fries. "Tanggapin mo na, superstar ka na ngayon!"

Napailing ako, pero hindi ko maiwasang mapangiti. Kahit na may bumabagabag pa rin sa isip ko—ang pangalan sa papel na nasa bag ko—sa ngayon, mukhang wala akong kawala sa event na 'to.

At sa isang bahagi ng isip ko, may bumubulong na baka ang event na 'to ang maging dahilan para mas lalong mabuksan ang mga mata ko sa katotohanan.