22

Mission Failed ၍ ပြန်လာသော အယ်ဗန်နဲ့ နီခီတို့အား လေယာဉ်ဆိုက်ဆိုက်ချင်းတွင် ဆောက်နဲ့ ထွင်းလိုက်သော သတင်းမှ ဂျေးရဲ့ ကျန်းမာရေး အခြေအနေဆိုးလာ၍ ဆေးရုံတင်လိုက်ရသည် ဆိုတဲ့ သတင်းကြောင့် ဂျိတ်ခ် ပို့တဲ့ လိပ်စာအတိုင်း မောင်းလာခဲ့သည်။

တောင်ကိုရီးယား ဆိုးလ်မြို့ရဲ့ လမ်းမပေါ်တွင် အရှိန်ဖြင့် မောင်းနှင်နေသော mercedes amg suv gle 63 အဖြူတစ်စီးသည် သတ်မှတ်ထားသော အမြန်နှုန်းထက် ပိုမို မြန်ဆန်နေသော်လည်း တောင်ကိုရီးယားရဲ့ အချမ်းသာဆုံး အီသန်လီနဲ့ နီရှီမူရာ တို့ ပါဝင်နေသည်မို့ မည်သူမှ ဘာမှမပြောရဲသလို ဘယ်ယာဉ်ထိန်းရဲမှလဲ မဖမ်းရဲကြပေ။

ပို့ထားသော လိပ်စာအတိုင်း သွားတော့ ဂျေးဟာ ကုတင်ပေါ်တွင် ရုန်းကန်နေ‌ကာ သန်မာလှသည့် ဂျေး၏ ခြေထောက်အား သူနာပြုနှစ်ယောက်က ချုပ်ကိုင်ထားပြီး လက်ကိုတော့ ဂျိတ်ခ်နဲ့ ဆောနူက တစ်ယောက် တစ်ဖက်ဆီ ချုပ်ကိုင်ထားသည်။

မနိုင်တော့တဲ့ သူနာပြုနှစ်ယောက်အား ဘေးဖယ်ကာ အယ်ဗန်နဲ့ နီခီက ချုပ်ကာ ဆရာဝန်ဆေးထိုးလို့ ရအောင် ကူညီပေးလေသည်။ စိတ်ငြိမ်ဆေး အကြောထဲသို့ ဝင်သွားပြီးသည့်နောက် ဂျေးရဲ့ ခန္ဓာကိုယ်ဟာ ငြိမ်ကျသွားကာ မျက်လုံးများကလဲ မှိတ်သွားလေသည်။

" လူနာက တကယ် သန်တာပဲဗျာ "

ဆရာဝန်ရဲ့ ရယ်နှောနှော ပြောသံကို ဂျိတ်ခ်က ပြုံးရင်း ခေါင်းညိမ့်ပြ၏။ ဆောနူ ဂျိတ်ခ် အယ်ဗန်နဲ့ နီခီတို့ အပြင် ဆရာဝန်ပါ ချွေးတွေ သီးနေသည်။

" လူနာ သတိရလာရင် ဒီ‌ဆေးလေး တိုက်ပေးပါ "

ဆရာဝန်ပေးတဲ့ ဆေးကို ဆောနူက ယူရင်းဘယ်အချိန် တိုက်ရမလဲကအစ သေချာမေးလေသည် ၊ ဆရာဝန် ထွက်သွားပြီးနောက် ဆေးရုံအခန်းလေးထဲတွင် အလွမ်းသယ်နေသော နှစ်တွဲနှင့် ကုတင်ပေါ်တွင် အိပ်ပျော်နေသော လူငယ်တို့ရှိလေသည်။

" မောင် ဘာဖြစ်ခဲ့သေးလဲ "

" မောင် ဘာမှမဖြစ်ခဲ့ဘူး ကိုကိုက ဘာမှမလုပ်နဲ့လို့ မှာလို့ ဘာဒဏ်ရာမှ မရပဲ ပြန်လာခဲ့တယ် "

" ခြစ်ရာ တစ်ခုခုရော ရခဲ့သေးလား "

ထိုအခါ နီခီက သူ့ရဲ့ ခပ်ထူထူနှုတ်ခမ်းတို့အား ဆူထုတ်ရင်း ဖြေး‌ဖြေးချင်း ခေါင်းညိမ့်ပြ၏။

" ဘယ်မှာလဲ ပြပြ "

" နှလုံးသားထဲမှာ ကင်မ်ဆောနူကို ချစ်တဲ့အရာလေး "

" ဒီကောင်လေးတော့! "

ရှက်သွေးဖြာသွားတဲ့ ဆောနူရဲ့ မျက်နှာဟာ ရဲတွတ်လျက်။ နီခီကတော့ စချင်တိုင်း စလို့ပြီးသွားတော့ ဆောနူကို ရင်ခွင်ထဲ ထည့်ကာ ခပ်အုပ်အုပ် ကော်ဖီရောင်ဆံသားတို့အား တစ်ချက် နမ်းရှိုက်လိုက်လေသည်။

အခုတလော ဆောင်းဟွန်းဟျောင်း ကိစ္စတွေပဲ လိုက်နေရတော့ သူ့ company တောင် အတွင်းရေးမှူး မလေးဖြင့် လွှဲထားရပြီး ဆောနူကိုတောင် အချိန်မပေးဖြစ်ပေ ၊ ဒါပင်မဲ့ ချစ်သူလေးက နားလည်ပေးတတ်တယ်လေ။

နီခီတို့ မျက်နှာချင်းဆိုင်တွင် အယ်ဗန်နဲ့ ဂျိတ်ခ်ကတော့ တစ်ယောက် မျက်နှာတစ်ယောက်ကြည့်ကာ အကြည်စိုက်နေ၏။

" ဘာဖြစ်လို့ အဲ့လိုကြီး စိုက်ကြည့်နေတာလဲ "

" Sweetheart က အရမ်းချောနေလို့ပေါ့ ဒီမျက်နှာလေးကို သေချာမကြည့်ရတာ ဘယ်လောက်တောင် ကြာပြီလဲ "

" ‌အခုတလော ကိုကို အလုပ်တွေများနေလို့ပါ အလုပ်တွေ အကုန်ပြီးသွားရင် ကျွန်တော့်ကို ထိုင်ကြည့် အဝထိုင်ကြည့် "

" အဝရော မနမ်းခိုင်းဘူးလား "

သူတို့ရှေ့က ပေါင်ကားကာ ဆောနူအား ရင်ခွင်ထဲထည့်ပြီး ပြုံးစစဖြင့် လှမ်းစသော နီခီသည် ရင်ခွင်ထဲတွင် ဆောနူကိုသာ မထည့်ထားရင် သူဘေးနားက ကူရှင်ဖြင့် ပစ်ပေါက်မိလိမ့်မည်။

‌ခရီးပန်းလာသော နှစ်ယောက်မှာ ချစ်ရသူတို့အား ရင်ခွင်ထဲထည့်ပြီး ခနတာ အိပ်ဆက်ခဲ့လေသည်။ ရှေ့လျှောက် သူတို့တွေ ပိုပြီး ပင်ပန်းရအုံးမည်ပင်။

ဂျေးကလဲ အပူပင်ကင်းမဲ့စွာပင် ကုတင်ထက် ပင်ကွင်းအရုပ်လေးအား ပိုက်ကာ အိပ်ပျော်နေလေသည် ၊ အကယ်လို့ ဂျေးသာ စိတ်ကျန်းမာရေး ဆေးရုံတက်ရတယ်ဆိုတဲ့ သတင်းသာ ကြားရင် ဆောင်းဟွန်း ဘယ်လိုနေမလဲ။ လောကကြီးက ထွက်သွားမလား။

ဒီသတင်း ဆောင်းဟွန်းဆီ မရောက်ပါစေနဲ့လို့သာ ဂျိတ်ခ် ဆုတောင်းမိသည်။

ညနေရောက်တော့ နီခီနဲ့ ဆောနူဟာ အိမ်ပြန်သွားခဲ့ပြီး ဂျိတ်ခ်နဲ့ အယ်ဗန်သာ ဆေးရုံတွင် ကျန်ခဲ့လေသည်။ အီသန်ကတော့ အခန်းထဲက ဆိုဖာပေါ်တွင် MacBook ဖြင့် အလုပ်ရှုပ်နေကာ ဂျိတ်ခ်ကတော့ ယခုအချိန်ထိ အိပ်ပျော်နေတဲ့ ဂျေးရဲ့ လက်ဖမိုးလေးအား ရေပတ်ဝတ်တိုက်ပေးနေလေသည်။

ဆောင်းဟွန်း ပြောနေကြ ဂျေးရဲ့ လက်ကလေးက နုနုညံ့ညံ့လေးဆိုတာ အခုမှပဲ ယုံတော့သည် ၊ ကြမ်းချင်တိုင်း ကြမ်းထားတာတောင် လက်နုနုတွင် ဘာဆို ဘာမှမရှိ။ပိုးသားကဲ့သို့ နူးညံ့နေ၏။

နောက်ပြီးတော့ နီစွေးစွေး နှုတ်ခမ်းတစ်စုံ။

ဆောင်းဟွန်းမရှိ၍ ယောင်ကိုင်းခြင်း မရှိ ပေါက်ပြဲခြင်းမရှိတဲ့ နှုတ်ခမ်းလေးဟာ နကိုအတိုင်းတည်ရှိနေခြင်းကို ‌ဂျိတ်ခ် မနှစ်သက်ပါ။

တကယ်တော့ ဂျေးရဲ့ နှုတ်ခမ်းဟာ ပေါက်ပြဲနေခြင်းရှိနေမှသာ လိုက်ဖက်တာပါ။

သနားလှပြီ ဂျေးရယ် ၊ မင်းအစား ငါပင်ပန်းလှပြီ ၊ ကံကြမ္မာကို မင်းအစား မင်းနဲ့ဆောင်းဟွန်း ပြန်လည်ပေါင်းဖက်နိုင်ဖို့ ငါဆုတောင်းပေးပါတယ်။

" ဂျေးရ မင်းနေပြန်ကောင်းရင် ငါတို့တွေ မင်းနဲ့ သွားချင်တဲ့နေရာတွေ ‌သွားကြမယ် မင်းက ဆောင်းဟွန်းလက်ကိုဆွဲ ငါကတော့ ကိုကို့ လက်ကိုဆွဲမယ် "

ရေပတ်တိုက်ပေးနေသော ဂျိတ်ခ်ဟာ ခပ်ပြုံးပြုံးဖြင့် ဆိုလာသည်။ ဂျိတ်ခ်က သူ့သူငယ်ချင်းကို သိပ်ချစ်ပါသည် ၊ စတွဲတုန်းကဆိုရင် ဂျေးအကြောင်းပြောနေကြ ဂျေးမပါမရင် မဖြစ်။

ဂျိတ်ခ်ပြန်မလာခင် တစ်ပတ်လောက်အလိုထဲက ပျောက်မယ်ဟု စာပို့ထားပြီး ထိုပျောက်ရသည့် အကြောင်းအရင်းမှာ ဂျေး အရှုပ်တွေဖြေရှင်းပေးနေရလို့တဲ့လေ။

သွေးမတော် သားမဆက်ပင်မဲ့ သူဟာ ဂျေးအား ညီအကိုတစ်‌ယောက်လို ချစ်ပါသည်။

အယ်ဗန်သည်လဲ ချစ်ရသူအား ကြည့်ကာ တိတ်တဆိတ်မျက်ရည်ကျမိပြန်သည်။

အမြန်နေကောင်းပါတယ် ဂျေးရေ။

MEETING YOU

ယခုတွင်တော့ ဂျေးဆေးရုံအခန်းထဲတွင် တစ်ယောက်ထဲ ရှိနေ၏။ ဆေးရုံခန်းမှ လှမ်းမြင်နေရသော မြင်ကွင်းအား ကြည့်ကာ ထိုင်ငိုင်နေလေသည်။

ဆေးသွင်းထားရသည့် ဂျေးရဲ့ လက်ဖမိုးဖြူဖြူဟာ ညိုလျက် ရှိနေသည်။ စိတ်ဖောက်တိုင်း ဆေးထိုးကြသည်မို့ ဂျေးရဲ့ တံကောက်ကွေးဟာခဲ အပ်ရာလေးတွေ အပြည့်ပင်။

ကုတင်ထက် ထိုင်နေသော အဖြူရောင်ကိုယ်ထည်လေးသည် မှန်ပြတင်းပေါက်နား ကပ်ရင်း အပြင်လောကအား မမြင်ဖူးတဲ့ ကလေးတစ်ယောက်လို ကြည့်နေလေသည်။

" သည်းငယ် ကြည့်ပါအုံး မင်းမြို့ထဲနေချင်တယ်ဆို "

လက်ထဲက ပင်ကွင်းအရုပ်လေးအား အဆောင်အအုံများကို ထိုးပြကာ ပြုံးရွှင်စွာ ပြောနေသည့် ဂျေး။

" သည်းငယ် မြို့ပြင်မှာတုန်းက ဒီလို လူတွေမများဘူးနော် အခုတော့ အများကြီးပဲ "

လမ်းမ၌ ‌အလုပ်များနေကြသော လူအချို့အား ဂျေးက လက်ညိုးထိုးရင်း ဆိုလေသည်။

ဂျေးရဲ့ ကျန်းမာရေးအခြေအနေကို ပရိတ်သတ်တွေ သိရတုန်းကဆို တော်တော်ကို ဒေါသပုန်ထသွားခဲ့ပြီး ၊ Hotel ရှေ့ ဆန္ဒပြမှုတောင် ဖြစ်ပွားခဲ့သည်။

ဤမျှပင် စိတ်ပူနေကြသော fan တွေဟာ ဂျေးရဲ့ စိတ်ဟာ အချစ်ကြောင့် ယခုလိုဖြစ်သွားရတယ်ဆိုတာကို သိသွားတော့ အားလုံးဟာ ပို၍ပင်သနားကြလေသည်။

သူတို့ရဲ့ အလံနီကြီးဟာလဲ ဤမျှပင် အချစ်ကြောင့် စုံလုံးကန်း‌တတ်သည်ပဲ။

မြို့ပြသည် အလွန်ပင်စည်ကားလှသည် ၊ သူ့ဦးတည်ရာ နဲ့သူ သွားနေကြတဲ့ အမျိုးအစားများစွာသော ကားများနှင့် လူအချို့ဟာ မြို့ပြအား အသက်သွင်းလျက် ရှိနေ၏။

ဤမြို့ပြပေါ်တွင် ဆောင်းဟွန်း နေချင်သည်က ဒီအချက်တွေကြောင့်လား ဒါမှမဟုတ် မြို့ပြင်က လှပတဲ့ မြင်ကွင်းတွေကို ငြီးငွေ့သွားလို့လား။

" သည်းငယ် ဂယ်အူးလ် လေးက မြို့ပြကို သဘောကျလား ‌"

ဂျေးအား ပင်ကွင်းအရုပ်လေးဟာ 'ဒါပေါ့' ဟုဖြေသည်။

" ဂယ်အူးလ်လေးကို ကိုရီးယားအမြန်ခေါ်ပြီး သူသွားချင်တဲ့ နေရာအစုံလိုက်ပို့ရမယ် "

ပင်ကွင်းအရုပ်လေး၏ ခေါင်းအား ဖိကပ်စွာ နမ်းရှိုက်ရင်း ဂျေးကပြောလေသည်။

" ဂျေး ငါရောက်ပြီ "

ကားသော့နဲ့ ပါလာ‌တဲ့အထုပ်တွေကို ခုံပေါ်တင်ရင်း ဂျိတ်ခ်ဟာ ပါလာတဲ့ ဒေစီပန်းသေးသေးလေး တစ်စည်းအား ဂျေးဆီသို့ ကမ်းပေးသည်။

" မင်းကြိုက်တယ်မှတ်လား "

လက်ဖဝါးစာလောက်ရှိတဲ့ ဒေစီ ခရမ်း‌ရောင်ပန်းစည်းလေးအား ဂျေးက ယူရင်း ခပ်ပြုံးပြုံးဖြင့် ခေါင်းညိမ့်သည်။ အနည်းငယ် ရှည်နေသော ဆံသားတို့ဟာ ဂျေးရဲ့ မျက်နှာအား နှောက်ယှက်လျက် ရှိနေသည်။

သုံးနှစ်သားယောင်ဆောင်နေသော 23 နှစ်အရွယ် ဂျေး၏ ဆံနွယ်တို့ထဲ ‌ဂျိတ်ခ်က လက်လျှိုဝင်ရင်း ဆံသားတို့အား တစ်ချက်ဖွလိုက်သည်။

" ဂျေး မင်း ကလေးလေးနဲ့ တူနေတယ် "

" ငါက သည်းငယ်အတွက် အမြဲကလေးလေးလေ "

" အေးပါ ငါသိပါတယ်မင်းမပြောလဲ ဒီကောင်တကယ်ပါ "

စကားတစ်ခွန်းပြောတိုင်း သည်းငယ် မပါမဖြစ်တဲ့ ဂျေးသည် ပြုံးလျက် ပင်ကွင်းအရုပ်လေးရဲ့ ခေါင်းလေးအား ပွတ်သပ်ပေးသည်။

" ဂျေး မင်းဆံပင်တွေရှည်လာပြီ ညှပ်ချင်လား "

" ဟင့်အင်း သည်းငယ်က ပြောတယ် ငါ့ကို ဆံပင်အရှည်နဲ့ မြင်ချင်တယ်တဲ့ "

" ဘယ်တုန်းကလဲ "

" ညနေက ငါနိုးလာတော့ "

" ဒါဆိုလဲ သဘောပေါ့ကွာ "

သုံးနှစ်သား ဂျေး ရဲ့ ဆံနွယ်အနက်ရှည်ရှည်တို့ဟာ ခေါင်းအောက်သို့ ငုံ့ထားတိုင်း ကျနေသည်မှာ ချစ်ဖို့ကောင်းလှသည်။

နှမြောလိုက်တာ နိုင်ငံပေါင်းစုံက အချစ်ခံရတဲ့ model တစ်ယောက်ဟာ ဤမျှပင် အချစ်ကြောင့် ယဉ်ယဉ်လေးရူးနေတယ်သာ သိရင် non-Cornie တွေ သနားလေမလား။

ဂျိတ်ခ် တိတ်တဆိတ် မျက်ရည်ကျစေသည်။

မြန်မြန် နေကောင်းပါတော့ ဂျေးရယ် ၊ မင်းကို ကြည့်ရတာ ငါပင်ပန်းလှပြီ။

တရွေ့ရွေ့ကုန်ဆုံးသွားသော တစ်နေ့တာသည် မြန်ဆန်လွန်းလှသည် ၊ နေမင်းကြီးဟာလဲ သူ့၏ အလုပ်ပြီးဆုံး၍ ငှက်များနှင့်အတူ အိပ်တန်းတက်သွား၏။Seoul မြို့ကြီးသည် မီးရောင်စုံများဖြင့် လှပနေသော အခြေအနေသို့ ပြန်လည် ရောက်ရှိသွား၏။

ဂျေးကတော့ ထမင်းစားပြီးတော့ ဆိုဖာပေါ်ထိုင်ကာ ထုံးစံအတိုင်း ပင်ကွင်းအရုပ်လေးကို ပိုက်ထား၏။

" ဂျေး ဗိုက်ဝတာ သေချာရဲ့လား "

ထမင်းနည်းနည်းပဲ စားထားတဲ့ ဂျေးအား ဗိုက်မဝမှာ ဆိုး၍ ဂျိတ်ခ်က မေးလေသည်။

ပန်းသီးအားခွဲကာ ဂျေးအရှေ့ချပေးတော့ သုံးနှစ်သားလေးဟာ တစ်စိတ်ယူစား၏။

" Jakey ငါမင်းပေါင်ပေါ် အိပ်ချင်တယ် "

ဂျိတ်ခ်တောင် မပြောရသေးခင် ဂျိတ်ခ်ပေါင်ပေါ် လှဲလာသည့် ဂျေး။ ပြည့်ဖောင်းဖောင်း ပါးလေးသည် ပန်းသီးဝါးနေသည်မို့ ဖောင်းကာ တစ်မြုံ့မြုံ့‌နဲ့ပေ။

ဆံနွယ်ရှည်ရှည်တို့အား ပွတ်သပ်ပေးတော့ ဂျေးက ဇိမ်ခံသည် ၊ New York မှာတုန်းကသာ ‌ဂျိတ်ခ်ပေါင်ပေါ် အိပ်ဖူးပြီး ကိုရီးယားပြန်ရောက်ထဲက မအိပ်ရတော့ ဂျေးဟာ ဂျိတ်ခ်ပေါင်ပေါ် အိပ်ရသည့် ခံစားချက်ကို လွမ်းနေတယ်နဲ့ တူပါရဲ့။

" သည်းငယ်က ငါ့ကို သိပ်မချစ်သလိုပဲ "

နှုတ်ခမ်းလေးကို ဆူကာပြောနေတဲ့ ဂျေးဟာ ချစ်စရာအတိ။

" အတွေးလွန်ပြန်ပြီ ဆောင်းဟွန်းက မင်းကို သိပ်ချစ်တာ ငါသိတာပေါ့ကွ! "

" သည်းငယ်က ညတိုင်း ပိုပိုလဲမပေးဘူး ချစ်တယ်လို့လဲ မပြောဘူး "

" ကဲပါ! အခုအတွေးမလွန်နဲ့တော့ ပတ်ခ်ဆောင်းဟွန်းက မင်းကို သူ့အသက်ထက်တောင် ချစ်တာ ဟုတ်ပြီလား! မင်းအိပ်ချင်နေပြီလား "

ဆေးဒဏ်တွေကြောင့် အချိန်ပြည့် အိပ်ပဲအိပ်နေတဲ့ ဂျေးဟာ ယခုတွင်လဲ အစောကြီး သမ်းဝေလာ၏ ၊ ဂျိတ်ခ်ကုတင်ပေါ်သို့ ချပေးကာ စောင်သေချာခြုံပေးလိုက်၏။

New York မှာတုန်းကလဲ အမြဲ ဂျေးနေမကောင်းဖြစ်ရင် သူကပဲ အဖေတစ်ယောက်လို ပြုစုရစမြဲပဲလေ။

" ဘာနားထောင်ချင်လဲ "

" Bam Yang Gang "

ဂျေး၏ တောင်းဆိုသော သီချင်းအား သီဆိုရန် ဂျိတ်ခ်ဟာ ချောင်းတစ်ချက်ရှင်းလိုက်သည်။

ဂျိတ်ခ်မှာ ချိုသာတဲ့ အသံလေးနဲ့ သီချင်းဆိုနိုင်တဲ့ စွမ်းရည်ရှိတယ် ဒါကတော့ ဂျိတါခ်ရဲ့ hidden talent‌ ပေါ့။

" 떠나는 길에 네가 내게 말했지 "မင်းက အဝေးက လမ်းမ‌ပေါ်မှာ ငါ့ကိုပြောတယ်

" 너는 바라는 게 너무나 많아 "မင်းမှာ လိုချင်တဲ့ အရာတွေအများကြီးရှိတယ်

" 아냐, 내가 늘 바란 건 하나야 "ငါကတော့ မင်းလိုမဟုတ်ဘူး ငါ့မှာ လိုချင်တာ တစ်ခုပဲရှိတယ်

" 한 개뿐이야, 달디단, 밤양갱 "ချိုမြိန်တဲ့ သစ်အယ်သီး ဒိန်ချဉ်တစ်ခုထဲပါ

ချိုမြည်လှသော အသံလေးသည် ဆေးရုံးအခန်းထဲသို့ ပျံ့နှံ့သွား၌ လေထုဟာ အနည်းငယ် ချိုမြသွား၏ ၊ ဩရှရှ အသံနှင့် နူးညံ့လှသော သီချင်းစာသားတို့ ပေါင်းစပ်ခိုက် ပြီးပြည့်စုံမှုကို ခံစားရစေသည်။

သီချင်းအသံမပါပဲနဲ့ တေးသွားအား ခံစားနေဟန်ရတဲ့ ဂျိတ်ခ်ဟာ လက်ညိုးသွယ်သွယ်လေးကို ညာဘယ် ဝေ့ယိမ်းလျက်။

တေးသွားအား ညည်းနေ‌သည့် ‌ဂျိတ်ခ်ရဲ့ အသံလေးဟာလဲ ဩရှရှဖြင့် နားထောင်လို့ ကောင်းနေသည် ၊ ဂျိတ်ခ်၏ အသံချိုချိုဖြင့် သီချင်းဆို သိပ်ခံ‌ရတဲ့ ဂျေးဟာ ကံအကောင်းဆုံး ပင်ဖြစ်ပေသည်။

နှစ်နှစ်ချိုက်ချိုက် အိပ်ပျော်သွားတဲ့ ဂျေးအား စောင်သေချာခြုံပေးကာ အီသန် ပင်ပန်းမှာ စိုး၍ ဂျေးအဖေထားခဲ့တဲ့ ALOHA ရဲ့ ရှယ်ယာအား သူလက်လွှဲယူကာ ပြန်တက်အောင် ကြိုးစားရ၏။

နေအမြန်ပြန်ကောင်း ပါတော့ ဂျေးရေ။

MEETING YOU

ရက်တွေ လတွေ မိနစ်တွေ စက္ကန့်တွေဟာ အလီလီ ပြောင်းသွားတိုင်း ဂျေးရဲ့ ကျန်းမာရေးဟာ တစ်နေ့ထက် တစ်နေ့ ပိုပိုကောင်းလာလေသည်။ သို့ပင်မဲ့ ပင်ကွင်းအရုပ်လေးကိုတော့ လက်ကမချ ခဲ့ပါ။

" အယ်ဗန်ဟျောင်း ‌၊ ဟျောင်းတို့ဟိုတစ်ခေါက် အီတလီသွားပြီး ညှိနှိုင်းတယ်ဆို အဆင်ပြေခဲ့လား "

အယ်ဗန်ဟာ အားနာစွာဖြင့် ခေါင်းခါတော့ ဂျေးဟာ သက်ပြင်းချသည် ၊ အတည်ကြီး သူတို့နှစ်ယောက်က အတည်ကြီး ကွဲကွာခဲ့ရပြီပဲ။

" Kim Anna ရော "

သူ့အနား အမြဲကပ်နေကြ မိန်းကလေးသည် သူအခုလို ‌ဆေးရုံတက်ရသည်ကိုတောင် လာမကြည့်သောကြောင့် ဂျေးအနည်းငယ် အံ့ဩမိသည်။

ဂျိတ်ခ်က သက်ပြင်းချကာ ဘယ်အချိန်ထဲက သိမ်းထားမှန်းမသိတဲ့ စာကဒ်လေးအား ဂျေးလက်ထဲအား ထည့်ပေးသည်။စာကဒ်အဖြူလေးပေါ်တွင် သူမ၏ ပုလဲလုံးလေးများကဲ့သို့ လှပလွန်းသည့် လက်ရေးသည် ထင်းလျက်သား။

' သို့/ Jay Jongsung Park

အရင်ဦးဆုံး တောင်းပန်ပါတယ် ဒီကိစ္စက တောင်းပန်ရုံနဲ့ မရဘူးဆိုတာကို ညီမကောင်းကောင်းကြီး သိပါတယ် ညီမရဲ့ လူမဆန်တဲ့ လုပ်ရပ်ကြောင့် အကိုအခုလို ဖြစ်သွားခဲ့ရတာပါ အကိုဂျေး ဆောင်းဟွန်းကို မတင်းဓမ ခေါ်ထားတုန်းကလိုပဲ ပိုင်ဆိုင်ချင်တာကြောင့် ညီမလုပ်မိလုပ်ရာ လုပ်လိုက်မိတာပါ ဒါပင်မဲ့ အကို့ပေါ်ထားတဲ့ ညီမရဲ့အချစ်တွေကတော့ ဒီနှင်းဆီအဖြူတွေလို ဖြူစင်ပါတယ် နှင်းဆီအဖြူတွေကြားက အနီတစ်ပွင့်က အကို့ကို ကိုယ်စားပြုတာပါ လူတိုင်းက အတူတူပဲဆိုပင်မဲ့ ညီမအတွက်တော့ အကိုက တသီးတခြား တည်ရှိနေတဲ့ အရာလိုမျိုးပါပဲ ဒီစာကို အကိုဖတ်တဲ့အချိန် ညီမအကို့ကို မျက်နှာချင်း မဆိုင်ရဲတဲ့အတွက် အကိုနဲ့ဝေးရာ ကိုထွက်သွားပါပြီ ကောင်းကောင်းနေခဲ့ပါအကို ချစ်တယ်ဆိုတာကို သိထားပေးပါ

Kim Anna '

ဂျေးဟာ သူနဲ့အဖြစ်တူနေတာကြောင့် စာအားဖတ်ပြီးတော့ ရယ်လေသည်။ သူမသည်လဲ ဂျေးလိုမျိုးပင် အတ္တကြီးခဲ့သည်ပဲ အဖြစ်တူနေတော့ လှောင်တောင် မရယ်ရဲပေ။

ဂျေး သူမအား အနည်းငယ်သနားမိပါသည်။

" ‌သနားဖို့ကောင်းလိုက်တာ ငါတို့နှစ်ယောက်လုံးက အချစ်ဆုံးနဲ့ လွဲတာပဲ "

" မဟုတ်တာ မင်းကမှ ပြန်တွေ့လို့ရမဲ့ လမ်းရှိသေးတယ် သူကတော့ တကယ့်ကိုဝေးတာပဲ "

ဂျေးက နာကျဉ်းစွာ ဟက်ခနဲတစ်ချက် ရယ်သည်။

" ဘာပဲဖြစ်ဖြစ် အခု ဝေးနေတယ် မဟုတ်လား "

ဆောင်းအလည်ပင် ရောက်နေပြီ။

ဆောင်း၏ ချမ်းစိမ့်မှုကို ကာကွယ်ဖို့အတွက် စောင်ထူထူတွေကသာ သူ့အတွက် အဖော်ဖြစ်ခဲ့သည် ၊ အိပ်မပျော်သည့် ညတွေတိုင်း တစ်စုံတစ်ယောက်အစား ဖက်လုံးကိုသာ အားကိုးခဲ့သည် ၊ တိုက်ဆိုင်မှုတွေရှိလာတိုင်း လွမ်းတတ်တာကြောင့် အတက်နိုင်ဆုံး ရှောင်လွှဲကာ နေနေသော်လဲ ထိပ်တိုက်ပင် တိုးသည်။

ဥပမာ ညမီးမှောင်မှောင် အောက်က ဆောင်းဟွန်းရဲ့ အလှတရားကို အိပ်မပျော်တဲ့ ညတွေမှာ တွေ့နေကြသလိုမျိုးပေါ့။

အရက်နာကျရင် ရေညှိဟင်းချိုက ကယ်တင်နိုင်ပင်မဲ့ ... ၊

လွမ်းနာကျ‌ရင်ရော? ဘယ်အရာက ကယ်တင်ပေးလိမ့်မလဲ အရက်လား? ဒါမှမဟုတ် ငိုကြွေးချင်းလား။ ဒါမှမဟုတ် မေ့ပြစ်ချင်းလား ၊ အပြောသာလွယ်တာ တကယ်တော့ ခက်ခဲတယ်ရယ်။

ပတ်ခ်ဆောင်းဟွန်းကို လက်လဲ မလွှတ်နိုင်သလို မေ့လဲ မပြစ်ရက်တဲ့ အတွက်သူဟာ နှစ်ဆနာကျင်ရလေသည်။

မကြာခင် တစ်ကျော့ပြန်လာတော့မည့် နွေတွင် ချစ်ရသူဟာ ရှိမနေခဲ့ပေ။

အလုပ်ကိစ္စအချို့ကြောင့် အိမ်ပြန်သွားသော ဂျိတ်ခ်နဲ့ အယ်ဗန်ကြောင့် ဆေးရုံအခန်းဟာ ပြန်လည်တိတ်ဆိတ်သွားကာ အထီးကျန်မှုတို့ ပြည့်နှံ့နေသော လေထုက အစားဝင်၏။

ကုတင်၏ ခေါင်းရင်းအား မှီကာ နားထဲ နားကြပ်ထိုးရင်း သီချင်းတစ်ပုဒ်ဖွင့်လိုက်သည် ထိုသီချင်းလေးက တစ်ယောက်သောသူကို သတိ‌ရစေတဲ့ သီချင်းလေးဖြစ်ကာ ဂျေးရဲ့ favorite ထဲက တစ်ခုဖြစ်သည်။

About you တဲ့လေ။

သီချင်း၏ စာသားတစ်ခုစီတိုင်းတွင် ပြီးပြည့်စုံသော အဓိပ္ပာယ်တို့ရှိကာ ၊ မျက်ရည်တို့အား ဟန်မြစ်သဖွယ် စီးဆင်းစေသည်။

" Do you think I have forgottenAbout you? "

ထိုစာသားကြောင့် အဝေးမှာ ရှိတဲ့ ကလေးငယ်ဟာ သူ့အား မေ့လျော့နေပြီလို့ ထင်နေပြီလားဟု တွေးတောစေသည်။

" There was something 'bout you that now I can't remember

It's the same damn thing that made my heart surrender

And I miss you on a train, I miss you in the morning

I never know what to think about "

အဓိပ္ပာယ်ရှိလှသော စာသားတို့ကြောင့် ဂျေးရဲ့ နှလုံးသားဟာ တဆစ်ဆစ်ကိုက်ခဲကာ ငိုကြွေးလျက် ၊ မျက်ရည်‌ တွေကြားမှ  အသက်အား လုရှူနေခဲ့ရသည်မှာ ဆေးရုံအခန်းအတွင်း ပျံ့နှံ့လျက်။

ချစ်တယ် သည်းငယ် ဟူသော စကားပြီးရင် နောက်ဆက်တွဲပါလာမည့် စကားက လွမ်းတယ် သတိရတယ် ပင်ပန်းတယ် ပြန်လာခဲ့ပါ အရာအားလုံးအတွက် ခွင့်လွှတ်တယ် ဆိုသည့် စကားများပင် ဖြစ်နိုင်သည်။

ယဉ်ယဉ်လေးနဲ့ ရူးနေတာမှ ဟုတ်အုံးမယ် အခုက ခံစားနေရတော့ အတော်ကို ပင်ပန်းလှသည်။

MEETING YOU

17.4.2024

အကယ်လို့ 'အီသန်' လို့ရေးထားရင်လဲ ဖြည့်ဖတ်ပါနော် သန်ဘက်ခါမှ တွေ့ကြမယ် ><