38

19:06, 31 August 2025

// ကိုးလကြာပြီးနောက် //

လောကမှာ အရေးအကြီးဆုံးအရာတွေက ဘာတွေဖြစ်မလဲလို့ မေးလာရင် ဖြေပြစရာတစ်ခုသာရှိ၏ ။ ထိုသည်က ချစ်သောသူများကို ကိုယ်အသက်ရှင်နေထိုင်စဉ်မှာ အကောင်းဆုံးချစ်ပြပေးဖို့နဲ့ အကောင်းဆုံးတွေပေးနိုင်ဖို့ပါပဲ ။ ကံကြမ္မာဆိုတာက အလှည့်အပြောင်းများလွန်းတာကို လက်တွေ့ကျကျ သိရှိခဲ့ပြီးတဲ့နောက် ဖမ်းဆွဲထားစရာ လက်ကလေးကိုပဲ မလွှတ်တမ်းဆုပ်ကိုင်ထားချင်ခဲ့တယ် ။

ဒီနေ့ မဟုတ်ရင် နောက်နေ့လား ။ ကျွန်တော်တို့ဘဝတွေဟာ မသေချာမရေရာမှုတွေနဲ့ ပြည့်နက်နေခဲ့တာမို့ တစ်စုံတစ်ယောက်က ထွက်သွားမယ်ဆိုရင် အပြီးတိုင်နှုတ်ဆက်ရလိမ့်မယ် ။ ဒါကို ကောင်းကောင်းကြီးနားလည် သိရှိခဲ့တဲ့ ကျွန်တော်က နောက်တစ်ကြိမ်များဖြစ်ဖြစ် တစ်ယောက်ယောက်နဲ့ခွဲခွါဖို့ဖြစ်လာရင် ကျွန်တော်ကသာ အရင်ထွက်သွားလိုက်ဖို့ ဆုတောင်းနေခဲ့မိတယ် ။

" အေး .... ဒယ်ဒီ့သားက လိမ္မာတယ်နော် ... ပြီးရင် Do လေးကို ဒယ်ဒီက မုန့်မုန့်ကျွေးမယ် "

ကလေးကို လက်တစ်ဖက်ဖြင့်ပွေ့ထားကာ ကျန်လက်တစ်ဖက်ကတော့ ဟင်းအိုးကို မွှေလျက် Perth အလုပ်ရှုပ်နေသည် ။

" အင့် ! .... "

" မငိုပါနဲ့ သားရယ် ... နော် ဒယ်ဒီဒါပြီးရင် သေချာချော့ပါ့မယ်ကွာ "

၉ လသားအရွယ်သားက လက်ထဲ၌ အငြိမ်မနေဘဲ ကော့လန်ထိုးကာ ငိုချင်နေသည် ။ သားငိုလျှင်လည်း ငိုချင်စရာပင် ။ အောက်ချထားရင် တွေ့သမျှအကုန်ပါးစပ်ထဲ ကောက်ထည့်တတ်လို့ လိုက်မကြည့်နိုင်ချိန်မှာ ပွေ့ထားလိုက်တာ အကောင်းဆုံးဖြစ်သည် ။ လေးဘက်ထောက်သွားနေသည့်အပြင် လမ်းလျှောက်ဖို့ပါ ခြေလှမ်းချင်နေပြီဖြစ်သည့်သားကို ဒီတိုင်းပစ်ချထားလိုက်ရန်လည်း မဖြစ်နိုင်ပေ ။ ထို့ကြောင့် ဟင်းချက်နေတုန်းမှာ လက်ထဲပွေ့ထားလိုက်သည်ကသာ အကောင်းဆုံးဟုတွေးလိုက်သည် ။ သို့သော် သားက ဒါကိုလုံးဝမကြိုက် ။ အနီးအနားကို သွားတတ်နေသည့်အရွယ်မို့ သူ့ကို ချုပ်ထားသလိုဖြစ်တာကို မကြိုက်ပုံရပါသည် ။

" ခဏလေးပါ ငါ့သားရာ ... ခဏပဲ သားက နို့ဆာပြီလား ဟုတ်လား "

ပြောနေရင်းဖြင့် အအေးခံထားသော နို့ဗူးအားယူကာ သားလက်ထဲထည့်ပေးလိုက်သည် ။ ထိုအခါမှ နို့ဗူးအား တပြွတ်ပြွတ်စို့ကာ ငြိမ်ကျသွား၏ ။

ဒီကောင်လေး ဗိုက်ဆာလို့ ဂျီတာလည်းပါမည် ။

သားငြိမ်သွားမှ သားကိုပွေ့ချီလက်ပင် ချက်လက်စဟင်းကို လက်စသတ်ရသည် ။ အင်း သူလည်း ဟင်းတစ်ခွက်ထဲနဲ့ဖြစ်သလို စားနေမိတာ ဘယ်နှစ်ရက်ရှိပြီလဲ ။

Tata ရှိရင် သေချာပေါက် အခုလောက် အခက်တွေ့မယ် မထင်ဘူး ။

ထိုသို့တွေ့မိတော့ လွမ်းလာသည့် စိတ်က တဟုန်ထိုးမြင့်တက်လာ၏ ။ သို့သော် အလွမ်းစိတ်တို့အား ခဏသိမ်းဆည်းကာ ကျက်နေပြီဖြင့်သည့်ဟင်းကြောင့် မီးကိုပိတ်လိုက်ကာ ပန်းကန်ထဲခူးထည့်ရသည် ။ ပြီးကာမှ သားကို စားပွဲရှိ သားခုံအသေးလေးမှာ ထိုင်စေလိုက်တော့ မျက်လုံးဝိုင်းလေးများဖြင့် မော့ကြည့်လာသည် ။ နို့စို့ခြင်းကိုလည်းမပျက် လက်နှစ်ဖက်ဖြင့်ပင် နို့ဗူးကို ကျစ်နေအောင် ကိုင်ထားသေးသည် ။ Perth အသဲယားစွာဖြင့် သားဆံပင်လေးကို အသာဆွဲဖွတော့ မျက်လုံးဝိုင်းလေးများဖြင့် ကြည့်နေဆဲဖြစ်၏ ။

သားရဲ့မျက်လုံးဝိုင်းလေးတွေက Tata နဲ့သိပ်တူ၏ ။

ပြီးကာမှ သားအတွက်ချက်ထားသော ဖြည့်စွတ်စာအား သားပန်ကန်လေးထဲထည့်ကာ သားရှေ့မှာချပေးရင်း ကိုယ်တိုင်လည်း ထမင်းပန်ကန်ခူးလိုက်သည် ။ ခုဏက ချက်ထားသော ဟင်းတစ်ခွက်နဲ့ဆိုရင် သူတို့သားအဖရဲ့ နေ့လယ်စာထမင်းဝိုင်းက အတော်လေးပြည့်စုံသွားပြီဖြစ်၏ ။ သားကိုခွံကျွေးလိုက် သူကိုယ်တိုင် ထမင်းတစ်ဇွန်းစားလိုက်ဖြင့် အချိန်တစ်ခုကုန်သွားသည် ။

" အာ .... ဒီတစ်ဇွန်းပဲကွာ လိမ္မာတယ် ဒယ်ဒီ့သားက "

ချော့ပြောခြင်းကို ကြိုက်တဲ့သားက ထိုသို့ချော့ကျွေးလျှင် အမြဲတမ်းကုန်အောင်စားသည် ။ ထို့ကြောင့် လုံးကစ်ကစ်နဲ့သားက အတော်လေးချစ်ဖို့ကောင်းလွန်းသည် ။

နောက်ဆုံးတော့ သားအဖနှစ်ယောက်လုံး စားလို့ဝသွားပြီဖြစ်၍ ပန်းကန်တွေဆေးကာ သိမ်းဆည်းရပြန်သည် ။ သားလက်ထဲတွင်တော့ ဖရဲသီးတစ်စိတ်ထည့်ထားပေးလိုက်တာမို့ နေရာတွင်ထိုင်ကာ လက်ကလေးတွေ လှုပ်ယမ်းလိုက် ဖရဲသီးကိုထွက်ခါစ သွားလေးတွေနှင့်ကိုက်လိုက်ဖြင့် သူ့ဘာသူအလုပ်ရှုပ်နေရှာသည် ။

အားလုံးသိမ်းပြီးချိန်တွင်တော့ သားကိုပွေ့ချီကာ အစားစားထားခြင်းကြောင့် ပေတူးနေသည့်သားကို ရေဆေးသန့်ရှင်းပေးပြီး kitchen ထဲမှ ထွက်လာခဲ့လိုက်သည် ။ ထိုအခါ ဧည့်ခန်းကိုရောက်ရောက်ချင်းပဲ သားဆီမှာ အသံသေးသေးထွက်လာ၏ ။

" Ta .... "

သားအသံလေးကြောင့် Perth ခြေလှမ်းတွေရပ်တန့်သွား၏ ။ သားက နံရံတွင်ကပ်ထားသော သူ့ပါပါးပုံကို ကြည့်ကာ ခေါ်လိုက်ခြင်းဖြစ်ပြီး လက်ကလေးကပါ ထိုပုံရှိရာဆီ ထိုးပြနေတာမို့ Perth ထိုပုံရှေ့သို့ လျှောက်သွားတော့ သားက သဘောတကျရယ်သည် ။

" ဒယ် .... ပါး "

" ဟုတ်တယ် ပါပါး .... "

သားက မျက်လုံးဝိုင်းလေးများဖြင့် သူ့ပါပါး ပုံကိုပါ တို့ထိနေတာမို့ သူနှင့်ထပ်တူ သားလည်း သူ့ပါပါးကို လွမ်းနေပုံရသည် ။

" ပါ ... ပါး .... Ta "

" သားက ပါပါးကို တွေ့ချင်လို့လား "

ထိုအခါ သားက နားလည်စွာဖြင့် ခေါင်းငြိမ့်ပြပြီး သူ့ပါပါးပုံကိုပါ ထပ်၍ကိုင်ကြည့်နေပြန်သည် ။ သူလည်း Tata ကို တွေ့ချင်လွန်းလှထက်ထိ ပိုလွန်းစွာဖြင့် လွမ်းလွန်းနေ၏ ။ သို့သော် ပြေးတွေ့လို့ရသည့် အခြေအနေလည်း မဟုတ်တာမို့ သက်ပြင်းကိုသာ တိုးငြင်းစွာချလိုက်သည် ။

" ဒယ်ဒီလည်း လွမ်းတယ် ၊ သားလိုပဲ "

အတော်ကြာတဲ့အထိ သားအဖနှစ်ယောက် ငြိမ်လျက်ရပ်နေခဲ့ကြပြီး သားခေါင်းလေး ပုခုံးပေါ်မှီတင်လာတော့မှ Perth အသိဝင်လာသည် ။

" ဒယ်ဒီသားက အိပ်ချင်ပြီလားကွ ဟမ် ! "

သားခေါင်းလေးကို နမ်းလျက်ဆိုလိုက်တော့ လက်သေးသေးလေးဖြင့်ပါ သိုင်းဖက်လာသေးတာမို့ Perth မှာ အချစ်ပိုရပြန်သည် ။ ရေချိုးထမင်းစားပြီးသည့်အပြင် ပုံမှန်အိပ်ချိန်ရောက်လာတာမို့ သားအိပ်ချင်သည်က မဆန်းပေ ။ ထို့ကြောင့် သားကိုပွေ့ချီလျက်ဖြင့် အိပ်ပေါ်သို့တက်လာလိုက်သည် ။ ပြီးကာမှ သားကို ချော့သိပ်ဖို့ပြင်ရတော့သည် ။

------

Luggage ကိုဆွဲကာ အိမ်ထဲဝင်လာသော တိတ်ဆိတ်နေသော အိမ်ကသာ စီးကြိုနေ၏ ။ လက်ကနာရီကို တစ်ချက်ငုံ့ကြည့်တော့ သားအိပ်ချိန်မှန်းသိလိုက်တာမို့ သားအဖနှစ်ယောက် ဘယ်ရောက်နေသလဲ တွေးကြည့်စရာပင်မလို ။ ထို့ကြောင့် ဧည့်ခန်းတွင် တစ်စတစ်စ ပြန့်ကျဲလျက်ရှိသော သားအရုပ်များကို လိုက်ကောက်ကာ ခြင်းထဲကောက်ထည့်ပေးလိုက်သည် ။

သူမရှိတဲ့ရက်အတွင်း phi Perth တစ်ယောက်ထဲ အလုပ်ရှုပ်နေခဲ့သည်မှာ သေချာပါ၏ ။

အရုပ်တွေလိုက်ကောက်ပြီးသည့်အခါမှ Luggage ကိုဆွဲကာ အပေါ်ထပ်က အခန်းရှိရာဆီသို့ ဦးတည်လိုက်တော့သည် ။ အခန်းထဲရောက်သည့်အချိန်တွင် ထင်သည့်အတိုင်း အိပ်မောကျနေသည့် သားအဖနှစ်ယောက်အားမြင်လိုက်ရတာမို့ လေးရက်လောက်လွမ်းနေခဲ့ရခြင်းဟာ အနည်းငယ်သက်သာလာသလိုရှိ၏ ။ ထို့ကြောင့် ကုတင်ရှိရာနားအထိ လျှောက်သွားလိုက်တော့ သားက သူ့အဖေရဲ့လည်ပင်းကို ဖက်ထားပြီး သားအဖေက သူ့သား၏ ဗိုက်လုံးလုံးလေးကို ဖက်ထား၏ ။ မြင်ကွင်းက အတော်လေးချစ်ဖို့ကောင်းနေတာမို့ Santa သဘောတကျပြုံးမိပြီး ဖုန်းထုတ်ကာ ဓာတ်ပုံရိုက်ယူထားလိုက်မိသည် ။ ပြီးကာမှ တိတ်တဆိတ်ထိုင်ကြည့်နေခဲ့ပြီး အဲ့ဒီတုန်းက အချိန်တွေကို ပြန်တွေးမိသည် ။

သတိရတစ်ချက် မရတစ်ချက် ဖြစ်နေသည့်အချိန် ။ သူ့မျက်လုံးကို ဖွင့်လို့မရခဲ့တဲ့အချိန် ။ Tata ... ! ဆိုတဲ့ စိုးရိမ်တကြီး အော်ခေါ်သံကိုပဲ ကြားနေရပြီး သူ့ခန္ဓာကိုယ်က ဘာမှမတုံ့ပြန်နိုင်တော့တဲ့အချိန် ။ အဆုံးထိ တဖြည်းဖြည်းလက်ခံလိုက်ပြီး သားဘေးကင်းဖို့ကိုပဲ မသိစိတ်က အကြိမ်ကြိမ်ရေရွက်နေခဲ့မိတဲ့အချိန် ။ ပြီးတော့ နောက်ဆုံးအနေနဲ့ ချစ်တယ်ဆိုတဲ့စကားကို မပြောခဲ့ရလို့ နောင်တရနေမိတဲ့ အချိန်ပေါ့ ။

အာလုံးအဆုံးသတ်သွားပြီထင်နေခဲ့တာ ။ phi Perth ကိုရော သားလေးကိုရော ပြီးတော့ အဖေနဲ့မေမေတို့တွေ အားလုံးကို တွေ့ခွင့်မရှိတော့ဘူးလို့ တွေးပစ်ခဲ့မိတာ ။

သို့ပေမယ့် ထင်မှတ်မထားစွာ သူ့မျက်လုံးတွေ ထပ်ဖွင့်နိုင်ခဲ့တယ် .... ။

ဟုတ်တယ် ။ သားရော သူရော ဘေးကင်းကင်းနဲ့ လွှတ်မြောက်ခွင့်ရခဲ့တယ် ။ အရေးပေါ်ခွဲစိတ်လိုက်ရချိန်မှာ သားကိုအောင်အောင်မြင်မြင် ခွဲထုတ်နိုင်ခဲ့ပေမယ့် သူကတော့ အသက်ရှင်ဖို့အခွင့်အရေးက ဟိုးအောက်ဆုံးမှာရှိခဲ့တယ်တဲ့ ။ ရုတ်တရက်အခြေအနေကြောင့် ကျောက်ကပ်အလှူရှင်ကို မရနိုင်ဘူးလို့ပြောတော့ မေမေဆိုရင် သတိပါလစ်သွားတဲ့အထိ သူအသက်ရှင်ဖို့ လမ်းကနည်းပါးနေခဲ့တဲ့ပုံပဲ ။ အလှူရှင်ရနိုင်ခဲ့လျှင်တောင် ဆေးစစ်ချက်တွေပြည့်စုံနေပြီးမှ ဒီခွဲစိတ်မှုကို ဆက်ဆောင်ရွက်လို့ရမယ် ။ အခြေအနေဟာ လုံးဝကြီးခက်ခဲခဲ့ပြီး သူ့ကိုလွှတ်ချလိုက်ဖို့သာ ရှိခဲ့တဲ့ပုံပဲ ။

ဒါပေမယ့် ... သေချာပေါက် အခုထိ သူအသက်ရှင်နေခဲ့တယ် ။

ဘာလိုဆို့ ဆေးစစ်ချက်စာရွက်ကိုကိုင်ပြီး ကျောက်ကပ်ပေးလိုက်မယ့် လူတစ်ယောက်ဟာ အဆင်သင့်ရှိနေခဲ့တယ် ။ ဘယ်သူလို့ထင်လဲ .... သေချာပေါက် Perth Tanapon ဆိုတဲ့အဲ့ဒီလူပေါ့ ။

ရူးကြောင်ကြောင်နိုင်လွန်းခဲ့ပုံက " ကျောက်ကပ်တစ်ခုလုံးကို Tata ကိုပေးမှာမို့ အခုချက်ချင်း ကျွန်တော့်ကျောက်ကပ်ကို ယူပါ " လို့ ပြောခဲ့တာတဲ့ ။

မေမေပြန်ပြောလို့ သိရချိန်က နှလုံးသားတစ်ခုလုံး ပေါက်ထွက်သွားတော့မယ့်အတိုင်းပဲ ။ဆေးစာရွက်တွေ အသင့်ရှိနေခဲ့ပုံအရ အဲ့ဒီရူးကြောင်ကြောင်နိုင်တဲ့လူက ကျောက်ကပ်တစ်ခုလုံး ထုတ်ပေးလိုက်ဖို့ကို အစကတည်းက ရည်ရွယ်ချက်ရှိခဲ့ပုံပေါ်ပါတယ် ။

တစ်ခုလုံး .... တစ်ခုလုံးပါတဲ့တစ်ခြမ်းတောင်မဟုတ်ဘဲ တစ်ခုလုံးပေးချင်ခဲ့တာတဲ့

" ကျွန်တော်သေသွားရင်တောင် ဖြစ်တာမို့Tata ကိုပဲ ကယ်ပေးပါ " လို့ ဒူးထောက်ပြီးထပ်ပြောခဲ့တဲ့အချိန်မှာ မေမေတို့တွေပါ မတားနိုင်ခဲ့ကြဘူးတဲ့လေ ။

ကဲကြည့် .... ဘယ်လောက်တောင် မိုက်ရူးရဲဆန်လွန်းခဲ့သလဲဆိုတာ ။ အဲ့ဒီနေရာမှာသာ Santa ရှိနေခဲ့ရင် သေချာပေါက် ဒီလူကို ပစ်ထိုးခဲ့မိမှာ ။

ခန္ဓာတစ်ခု အသက်တစ်ခုဆိုတဲ့အတိုင်း ဒီအသက်တစ်ချောင်ကိုယူပြီး နောက်အသက်တစ်ချောင်းကို အသက်ဆက်ရှင်ခိုင်းဖို့ဆိုတာက ဘယ်သူတွေက လုပ်နိုင်မှာတဲ့လဲ ။ ပြီးတော့ သူကရော ... အဲ့ဒီလို အသက်ရှင်သန်မှုမှာ လိပ်ပြာလုံလုံနဲ့နေသွားနိုင်မယ်ထင်လား ။ သေချာပေါက် မဖြစ်နိုင်ဘူးပေါ့ ။ ဒါပေမယ့် အခုတော့ အကောင်းဆုံးနည်းလမ်းတစ်ခုနဲ့ သူတို့နှစ်ယောက်လုံး အသက်ရှင်နိုင်ခဲ့ပါတယ် ။ သားကလည်း ၈ လကိုယ်ဝန်နဲ့မွေးဖွားခဲ့ရပေမယ့် ချို့ယွင်းချက်သေးသေးမှ မရှိဘဲ သာမာန်ကလေးတွေလို ကျန်းကျန်းမာမာပဲမို့ စိတ်ပူစရာမရှိခဲ့ဘူး ။

အခုတော့ ကိုယ့်ကိုကိုယ် မှန်ထဲပြန်ကြည့်မိတိုင်း ဒီလူပေးတဲ့ အသက်နဲ့ရှင်သန်ခွင့်ရနေခြင်းနှင့် ဒီလူရဲ့ကျောက်ကပ်တစ်ခြမ်းမှာ သူ့ခန္ဓာကိုယ်ထဲမှာ အလုပ်လုပ်နေတဲ့ဆိုအသိဟာ အရာရာပါပဲ ။ အရဲရင့်ဆုံးရင်ဆိုင်ပြီး အကောင်းဆုံးချစ်ပြချင်ခဲ့တဲ့ ဇာတ်သိမ်းလေးမှာ အလှပဆုံးဖြည့်ဆည်းပေးခဲ့ခြင်းဟာ ကျောက်ကပ်တစ်ခြမ်းပါတဲ့လေ ။

နှစ်ယောက်ပေါင်းမှ ကျောက်ကပ်တစ်စုံပါတဲ့ ။ ပြီးတော့ တစ်ယောက်အတွက်တစ်ယောက်က မရှိမဖြစ်ဆိုတာထက် ပိုနေတဲ့လူတွေ .... ။ များစွာတဲ့အခက်အခဲတွေကို ကျော်လာခဲ့ပြီးတဲ့အပြင် သားလေးကပါ အနားမှာရှိနေခဲ့ပြီ ။ ရှေ့လျှောက် ထပ်ပြီးအခက်အခဲတွေရှိလာရင်တောင် ရှေ့ကနေရပ်တည်ပေးမယ့် ခင်ပွန်းရယ် ဘေးကနေ အားလိုက်ဖြည့်ပေးမယ့်သားဘေးရယ် .... ဘဝမှာ တကယ့်ကို ဘာဆိုဘာမှ မလိုအပ်တော့သလို ခံစားနေရ၏ ။

အတွေးတို့သည် လွန့်လူးလာသည့် သားအဖေကို မြင်မှ ရပ်တန့်သွားသည် ။ မျက်လုံးကိုဖြည်းဖြည်းချင်းဖွင့်လာတဲ့ သားအဖေက သူ့ကိုမြင်တော့ ခပ်ဖွဖွပြုံးပြ၏ ။ သူလည်း ပြန်ပြုံးပြလိုက်တော့ မျက်လုံးတွေဖြည်းဖြည်းချင်းပြန်မှိတ်သွားပြီး ချက်ချင်းဆိုသလို မျက်လုံးအပြူးသားဖြစ်သွားသည့် လူကြောင့် Santa ရယ်လိုက်မိသည် ။

တကယ်ပါ အိပ်ချင်မူးတူးဖြင့် ချစ်စရာကောင်းလွန်း၏ ။

" Tata ! .... ဘယ်တုန်းကပြန်ရောက် ... "

" ရှူး .... သားနိုးသွားမယ်လေ "

ထိုအခါမှ သားကိုပြန်ကြည့်ကာ တကျွတ်ကျွတ်လုပ်နေသူက သူ့သားနိုးသွားမည်ကိုတော့ စိုးရိမ်ပုံရ၏ ။ ပြီးကာမှ ဖက်ထားသော သားလက်ကလေးကိုဖယ်ကာ အိပ်နေရာမှ ထထိုင်သည် ။ အခြေအနေသည် သားကိူကြားမှာထားပြီး မျက်နှာချင်းဆိုင်ထိုင်နေသလို ဖြစ်သွား၏ ။

" ကြိုမပြောဘူး ကိုယ်တို့လာကြိုမှပေါ့ "

" အံ့ဩသွားစေချင်လို့လေ ဘယ်လိုလဲ ၊ မလွမ်းနေဘူးပေါ့ "

" လွမ်းတာပေါ့ ၊ ကိုယ်ရော သားရော အရမ်းလွမ်းနေတာ ခါတိုင်းလိုပဲ ၁ ပတ်လောက်ကြာမယ်ထင်ထားတာ "

ကလေးတစ်ယောက်လို ချွဲသည့်ပုံဖြင့်ပြောနေတာကြောင့် မနေနိုင်တော့ပဲ သားအဖေ၏ပါးပြင်အား လက်ဖြင့်ခပ်ဖွဖွအုပ်ကိုင်ရင်း ပြုံးလိုက်မိသည် ။ သူလည်း ဒီသားအဖကို လွမ်းရလွန်းလို့ ညတောင်ကောင်းကောင်းအိပ်မပျော်ချင်ပေ ။ သားကိုမွေးဖို့ သားအိမ်ထည့်ခဲ့ရပြီး အခုတော့ ပြန်ထုတ်လိုက်ပြီဆိုပေမယ့် နှစ်လတစ်ခါတော့ UK ကို ဆေးစစ်ဖို့ ပြန်သွားနေရခြင်းဖြစ်သည် ။ ပိုပြီးစိတ်ချရဖို့အတွက် ထိုသို့စစ်ဆေးနေခြင်းက အဆင်ပြေသည်တဲ့ ။ သား ၁ နှစ်ကျော်လောက်အထိတော့ သွားစစ်နေရအုံးမည်ဖြစ်သည် ။ သားကငယ်သေးတော့ ခေါ်မသွားချင်တာရော နှစ်လပြည့်တိုင်း တစ်ခါဆိုတော့ Santa တစ်ယောက်ထဲသာ သွားလိုက်တော့၏ ။ ထိုအခါ အိမ်တွင် ထိုသားအဖနှစ်ယောက်က အလွမ်းများပြည့်လျက် ကျန်ခဲ့ကြရတတ်သည် ။

" သားလွမ်းတာထက် ကိုယ်ကပိုလွမ်းတယ်သိလား "

ခပ်တိုးတိုးအသံလေးက ချွဲနေမှန်းသိသာပြီး Santa ၏လက်ကိုပါ အုပ်ကိုင်၍ ပါးဖြင့်ဖိချထားတာမို့ phi Perth က တကယ့်ကိုချစ်စရာကြီးဖြစ်နေ၏ ။

" ချွဲနေပြန်ပြီ "

" မချွဲဘူးနော် ကိုယ်တကယ်လွမ်းနေတာ ၊ သားက ဆော့လွန်းတော့ လိုက်ထိန်းရတာ ပင်ပန်းနေတာ ၊ အားပြန်ဖြည့်ပေးဖို့လိုနေပြီသိလား "

" ပြောပါအုံး ဘယ်လိုဖြည့်ပေးရမှာလဲ "

" Tata ကွာ သိရဲ့သား ... "

စကားမဆုံးခင်ပင် ခင်ပွန်းဖြစ်သူ၏နှုတ်ခမ်းတွေကို ဖိနမ်းလိုက်တာကြောင့် အနည်းငယ်ပြုံးချင်သွားတဲ့နှုတ်ခမ်းတွေက သူ့နှုတ်ခမ်းတွေကို အလွှတ်မပေးဘဲ ချက်ချင်းကို သိမ်းပိုက်တော့၏ ။ လွမ်းနေခဲ့ရတာ လေးရက်ဆိုပေမယ့် တော်တော်ဆိုးလွန်းသည့် အလွမ်းဒဏ်ဟုဆိုရမလား ။ သားအဖေက အကြမ်းဆုံးနည်းနဲ့ကို တိုက်ခိုက်တော့တာဖြစ်သည် ။

" ပြွတ်စ် ! ... အင့် phi ! "

အသံတွေပါ ထွက်လာတဲ့အထိ စုပ်ယူနမ်းရှိုက်နေတာမို့ Santa ထိုသို့ဆိုကာ သတိပေးလိုက်ပေမယ့် အစာငတ်နေသည့်ပမာရှိသည့်လူက ဂရုမစိုက်ပါ ။ ခေါင်းကိုထိန်းကိုင်၍ အပေါ်တစ်လှည့် အောက်တစ်လှည့် ပြောင်းကာ စုပ်ယူနေသည့်အပြင် နှုတ်ခမ်းလွှာကြားကိုပါ ဝင်ခွင့်တောင်းလာသည် ။ ပထမတော့ သားနိုးသွားမည်စိုးနေပေမယ့် အချိန်ကြာလာတာနှင့်အမျှ သူ့မှ ထိန်းချုပ်နိုင်စွမ်းမရှိတော့ပေ ။ ထို့ကြောင့် လက်ဖြင့်ရင်ဘတ်အား ဆုပ်ကိုင်၍ နွေးထွေးသည့်အနမ်းတို့အားလိုက်ကာ တုံ့ပြန်ပေးနေလိုက်တော့သည် ။

ဘယ်တော့သောအခါမှ ရိုးအီသွားမှုမရှိတော့ ဒီအနမ်းတွေကို သူမှာငြင်းဆန်နိုင်ခွင့် ဘာတော့မှမရှိခဲ့ပါချေ ။

" Ta ! "

ရုတ်တရက်ဆိုသဆို ကြားလိုက်ရသည့် အသံသေးသေးလေးကြောင့် Santa မျက်လုံးတွေပြူးသွားရကာ ဆုပ်ကိုင်ထားသည့် ရင်ဘတ်အားတွန်းတော့မရ ။ ပို၍ပင် တိုးကာ နမ်းရှိုက်နေသူက သားအသံကိုလည်း ကြားပုံမပေါ် ။

" ပါး ! "

ထပ်မံ၍ကြားရချိန်တွင်တော့ ဒီအတိုင်းဆက်နေလို့မရတော့မှန်းသိတာမို့ ခံတွင်းထဲရောက်နေသည့်လျှာဖျားအား သွားဖြင့်ခပ်နာနာလေး ဖိကိုက်ပေးလိုက်သည် ။ ထိုအခါမှ လွှတ်ပေးလာသူက သားကိုတစ်လှည့် သူ့ကိုတစ်လှည့်ကြည့်ကာ မျက်နှာတော့ အတော်လေးရှုံ့မဲ့သွား၏ ။ နာသွားမည်မှန်းသိပေမယ့် မတတ်နိုင် ။ သားအသံကို မကြားရလောက်တဲ့အထိကြီးကျ မဖြစ်သင့်ဘူးလေ ။

" ပါ ... ပါး ! "

သားက အိပ်နေရာမှထကာ Santa ပေါင်ပေါ်ကိုပါ တက်လာနေပြီမို့ ချက်ချင်းကောက်ပွေ့လိုက်ကာ ဖောင်းကစ်ကစ်ပါးပြင်လေးကို နစ်နေအောင်နမ်းလိုက်သည် ။

" သားသားလေး .... အိပ်ရေးဝပြီလားခင်ဗျ "

" ပါး ... Ta .... ! "

" သားက ပါပါးကို လွမ်းနေတာလား "

ထိုအခါ ခေါင်းကိုတဆစ်ဆစ်ငြိမ့်ပြတဲ့ အတတ်ကလေးကြောင့် Santa ထပ်၍ နမ်းလိုက်တော့ တခစ်ခစ်မြည်အောင် ရယ်သည် ။ နိုးနိုးချင်း မထင်မှတ်ဘဲ သူ့ကိုမြင်လိုက်ရတော့ ပျော်နေပုံရ၏ ။ သားကိုအတော်လေး မြူပြီးကာမှ ရှေ့ကကျောက်ရုပ်လိုထိုင်နေသူကို သတိရသည် ။ ထို့ကြောင့်မော့ကြည့်လိုက်တော့ ဆူပုတ်လျက်ရှိနေသူကြောင့် Santa ခပ်တိုးတိုးလေး ရယ်လိုက်မိသေးသည် ။

" phi .... "

" ..... "

" phi လို့ "

" ဒယ် ... ! "

သားကပါ လိုက်ခေါ်နေတာမို့ စိတ်ဆိုးသွားသူက မနေနိုင်တော့ဟန်ရှိပြီး Santa နဲ့သားကို ကြည့်လာသည် ။

" နာသွားတာလား "

Santa မေးတော့ ပို၍ပင် ဆူပုတ်သွားသူက သူနာသွားပါသည်ပေါ့ ။

" သားက နိုးနေပြီကို "

" ဒယ် ... "

" ဘာဒယ်လဲ မခေါ်နဲ့ ! "

" ပါး .... "

သူ့အဖေအော်တော့ သားက တိုင်သလိုဖြင့် Santa ကိုမော့ကြည့်ကာ ခေါ်၏ ။ ထိုသားအဖနှစ်ယောက်ကြောင့် Santa မှာ အသံထွက်တဲ့အထိ ရယ်မိပါသည် ။

" ဒယ်ဒီ စိတ်ဆိုးနဲ့လို့ ပြောလိုက်လေ သားသားက "

" ဒယ် .... "

" ယောက်ျား စိတ်မဆိုးပါနဲ့ "

" Tata လက်နက်လာမထုတ်နဲ့ကွာ ! "

ထိုအခါ Santa ရင်ခွင်ထဲက သားက သိသလိုဖြင့် တခစ်ခစ်ရယ်၏ ။

" ဘာရယ်တာလဲ သားပါပါးက ဒယ်ဒီ့ကို လာချုပ်နေတာ မရယ်ရဘူး "

ပိုလို့တောင် ရယ်နေသေးသည့်သားကြောင့် Santa သားပါးကို ထပ်၍မွှေးကြူလိုက်တော့ Santa ပါးကိုပါ သားအဖေက လာနမ်း၏ ။ တစ်ဆင့်ချင်းဆီ နမ်းသလိုဖြစ်နေတာမို့ မြင်ကွင်းက တကယ်ပင် ကြည်နူးစရာကောင်းလွန်းသည် ။

" ပါ ... ပါး ! "

" ဗျာ "

" ဒယ် "

" ဗျာ ... ဗျ "

သူခေါ်တာကို အဖေတွေကလိုက်ထူးတော့ သားက ပို၍တဘောတကျ ရယ်နေပြန်၏ ။

" ဒီကလေး အတော်တတ်နေတာ ဟုတ်လား ၊ လာစမ်း Domiia ! "

Santa လက်ထဲမှ သားကိုချီလိုက်ကာ အိပ်ယာပေါ်ချလိုက်ပြီး ဗိုက်ကလေးကိုကလိထိုးတော့ သားက ရယ်ချင်ချင် ငိုချင်ချင်ဖြစ်သွားလေသည် ။ သို့ပေမယ့် သူ့ဒယ်ဒီစသည်ကို မကြိုက်တာတော့ မဟုတ်ပေ ။

" Domiia ပြီးရင် Domiia ပါပါးအလှည့်ကွာ ! "

" phi ! မလုပ်နဲ့နော် "

သို့သော် အချိန်မမှီလိုက်တော့ပါ တစ်ကိုယ်လုံးခုန်အုပ်ခံလိုက်ရပြီး ကလိထိုးခံနေရတော့သည် ။ ဒီတစ်ခါတော့ သူ့ဒယ်ဒီဘက်မှာ သားကအပြည့်အဝဝင်ပါကာ Santa ကို လက်သေးသေးလေးတွေနဲ့လာထိကာ စနေပြီး တခစ်ခစ်ရယ်နေတော့သည် ။

" ဟားဟား .... phi မလုပ်နဲ့တော့ .... သား Do !! "

သို့သော် အရပ်မပေးတဲ့သားအဖေနှစ်ယောက်ကြောင့် Santa ဟာ အရယ်မရပ်နိုင်တော့ပေ ။

ထိုနေ့က ထိုအခန်းလေးထဲတွင် ရယ်သံများပျံ့လွှင့်နေခဲ့ပြီး ကြည်နူးမှု ၊ နွေးထွေးမှု အစစအရာရာ ပြီးပြည့်စုံနေခဲ့လေသည် ။

-----

🤍( * စာလုံးပေါင်း မစစ်ထားသေးဘူးနော်ဖတ်စေချင်လို့ ပြီးတာနဲ့လာတင်တာ >< )

5К3060

Previous chapter Next chapter

There are no comments yet. Log in to be the first to leave a review!

38

Similar stories