အချပ်ပို

" အာ့ ဖြည်းဖြည်း.. မင်းဒဏ်ရာက.. "

ဆော့ဂျင်လဲလျောင်းနေရင်းကနေ စိတ်ပူစွာ မြေပြင်ကို တံတောင်ဖြင့်ထောက်ကာ အားယူလိုက်ပြီး သူ့ခါးစောင်းက အလျား‌လိုက်ပြတ်ရှရာ ဒဏ်ရာကို ထကြည့်လိုက်သည်။ သူ့အထဲတွင်လည်း အလိုကြီးစွာ တိုးဝင်နေတဲ့ ထိုအရာက ရှိနေတာမလို့ ထလိုက်တဲ့အခါ သူကိုယ်တိုင်လည်း မသက်မသာဖြစ်သွားရသည်။ ဆော့ဂျင်ခြေထောက်တွေက သူ့ခါးတစ်ဖက်တစ်ချပ်စီတွင် ခွထားတာ သူ့ဒဏ်ရာနဲ့ နီးနီးလေးတွင်..

" အင့် ဖြည်းဖြည်း.. ငါ့ခြေထောက်ကိုလွှတ်လိုက်.. မင်းဒဏ်ရာကိုထိနေပြီ.. "

ခါးနဲ့ အောက်ပိုင်းလှုပ်ရှားမှုကြောင့် ခန္ဓာကိုယ်နှစ်ခုက လှုပ်ရွနေပြီး သူ့ခြေထောက်နှင့် ခါးက ပွတ်တိုက်ကာနေသည်။ ဒဏ်ရာက သွေးယိုစိမ့်မှုတွေ မဖြစ်တော့ပေမဲ့ ပတ်တီးစည်းထားရတုန်း.. ပြီးတော့ လှုပ်ရှားပွတ်တိုက်ပါများရင် ချုပ်ရိုးပြန်ပွင့်လာနိုင်သည်။

" ရပ်လို့ ရပ်လို့ ငါခြေထောက်ကိုလွှတ်ပေး "

ဆော့ဂျင်အားယူထပြီး သူ့ပခုံးတွေပေါ် ထုရိုက်ကာ သတိပေးလိုက်သည်။ ထိုအခါမှ လှုပ်ရှားမှုကို အာရုံစိုက်နေတဲ့သူက သတိပြန်ဝင်လာပြီး ဆော့ဂျင်ကို ပြန်ကြည့်လာသည်။ ဆော့ဂျင်သူ့ကိုပြန်ကြည့်လိုက်ရင်း သူ့ခါးဆီက ဒဏ်ရာကို ထိကြည့်လိုက်သည်။

" ဒဏ်ရာက ဘယ်လိုနေလဲ ငါ့ခြေထောက်နဲ့ ‌ခိုက်မိသွားသေးလား "

" ဒဏ်ရာက ဘာမှမဖြစ်ဘူး အခုစိုးရိမ်ရမှာက ကျုပ်အကောင်ကြီးကိုပဲ.. မရီးမြင်လား သူဘယ်လောက် သူ့နေရာလေးကို လွမ်းနေလဲ မခံစားမိဘူးလား ကျုပ်မရီးရဲ့အားလုံးကို ဖျက်ဆီးပစ်တော့မှာ.. "

" မရဘူး.. ဘာပဲဖြစ်ဖြစ် မင်းဒဏ်ရာချုပ်ရိုးပြန်ပွင့်လာတာဖြစ်ဖြစ် သွေးယိုစိမ့်လာတာဖြစ်ဖြစ် တခုခုဖြစ်ရင် ငါလုပ်နေတာတွေကို ရပ်ပစ်လိုက်မှာ.. "

" ကျစ်! ဘာမှမဖြစ်ပါဘူးဆိုနေ ဘာလို့လက်တွေ့မစမ်းကြည့်လဲ.. "

" ဘာလိုနေနေ ငါ့ခြေထောက်ကို ဒီမှာမထားနိုင်တော့ဘူး ငါ့ကြောင့်တခုခုမဖြစ်ချင်ဘူး "

" ကောင်းပြီလေ မထားတော့ဘူး

ဆော့ဂျင် သူ့ခါးနားကခြေထောက်ကို သူ့ဘက်ပြန်ရုတ်ပစ်လိုက်သည်။ ထိုအခါ သူကလည်း လွယ်လွယ်သဘောတူသွားသည်။ ဆော့ဂျင်သူနဲ့ ခပ်ကြာကြာလောက် ငြင်းခုံနေရလောက်အုံးမယ်လို့တောင် ထင်နေတာ..

သူက ဆော့ဂျင်ကို ပြန်လှဲချစေကာ ခြေထောက်တွေကို ကားစေလိုက်ပြီး သူ့ခြေထောက်ကြားထဲ ပြန်ဝင်လာခဲ့သည်။ သူ့ရဲ့တင်းမာထောင်မတ်နေတဲ့ ထိုအရာက ဆော့ဂျင်ကိုယ်ထဲ ပြန်နေရာယူလာခဲ့ပြီး ဖြည်းဖြည်းမှန်မှန် စတင်လှုပ်ရှားလာသည်။ ထိုအရာသူ့ကိုယ်ထဲ ထိတွေ့တိုးဝင်လာခဲ့သည်နှင့် သူ့တစ်ကိုယ်လုံး တုန်ယင်သွားပြီး လက်တွေက မြက်ခင်းပြင်ပေါ် ဆုပ်ကိုင်ထားမိသည်။ သူတွက်ဆခဲ့သလို သူတို့ခန္ဓာကိုယ်နှီးနှောခြင်းမရှိတာ လပေါင်းများစွာ ကြာပြီဖြစ်တဲ့အတိုင်း အထိအတွေ့တွေအပေါ် မခံမရပ်နိုင် ဖြစ်နေသည်။ သူပြန်လာပြီးနောက် အိမ်တော်မှာတုန်းက‌တော့ သူ့နှိုးဆွမှုကြောင့်နဲ့ ဖြေလျှော့မှုလုပ်တာတွေ ရှိခဲ့ကြပေမဲ့ အခုလိုမျိုးထိ မရောက်ခဲ့ကြသလို အခုအချိန်က နှစ်ယောက်စလုံးအတွက် အရေးအပါဆုံး အခိုက်အတန့်၊ အပျော်ရွှင်ရဆုံးအချိန်လေး ဖြစ်နေတာကြောင့် ခံစားချက်တွေက အရင်ကဆက်ဆံခဲ့ဖူးတဲ့ အချိန်တွေနဲ့ လားလားမျှမတူ။ ဆော့ဂျင်လည်း သူ့ထက်မကတဲ့ လိုအင်ဆန္ဒတွေရှိနေသည်။ ဒါပေမဲ့ သူ့အသိစိတ်ထဲမှာတော့ သူ့ဒဏ်ရာအတွက် စိုးရိမ်ပူပန်မှုတွေ ရှိနေတုန်းပဲ..

သူတို့အနေအထားကြောင့် ထိုးသွင်းလှုပ်ရှားမှုက ထင်သလောက် ထိရောက်မှုမရှိပေ။ သူကိုယ်တိုင်ပင် အားမရဖြစ်မိပေမဲ့ သူ့ဒဏ်ရာလောက်တော့ အရေးမကြီးသေး..

" ဟင်း.. "

သူက ဘေးတွင်ကားထွက်နေတဲ့ ဆော့ဂျင်ခြေထောက်တွေကို မ,ယူလိုက်ပြီး မျက်နှာနားကပ်လိုက်ကာ နှုတ်ခမ်းတွေဖြင့် ပွတ်ဆွဲနမ်းရှိုက်နေသည်။ သူခြေထောက်ကို ပြန်ဆွဲယူချင်ပေမဲ့ လှုပ်ရှားမှုကြောင့် သူ့အထဲပိုမိုရောက်ရှိလာတဲ့ထိုအရာကြောင့် ဆော့ဂျင်ညည်းညူလိုက်မိသည်။ သူက ခြေထောက်တွေကို ထိတွေ့ပွတ်သပ်လာပြီး ပခုံးပေါ်သို့ ပြောင်းတင်လိုက်သည်။ ဆော့ဂျင်ခြေထောက်တစ်ဖက်တစ်ချက်စီက သူ့ပခုံးတွေပေါ် ရောက်သွားပြီး သူ့လှုပ်ရှားမှုတွေက မြန်ဆန်လာခဲ့သည်။ ဆော့ဂျင်ကိုယ်ထဲကအရာက အကြမ်းပတမ်းထိုးသွင်းလှုံ့ဆော်လာခဲ့သည်။

" ဘယ်လိုလဲ ဒီလိုမျိုးဆိုရင်တော့ ကျုပ်ဒဏ်ရာကို မထိတော့ဘူးမလား "

" ဘာပဲဖြစ်ဖြစ် မင်း ဖြည်းဖြည်း .. ဟ့ "

" မဖြစ်နိုင်တော့ဘူး ခုနကတင် မရီးရဲ့ အားမလိုအားမရဖြစ်နေတဲ့ ပုံစံကို မြင်နေရတယ် အခုချိန်မှာ ကျုပ်ခါးတွေ အပိုင်းပိုင်းပြတ်သွားရင်တောင် ရပ်မှာမဟုတ်တော့ဘူး "

" အ့ ဟင်း.. "

သူက သူ့စကားအတိုင်း လှုပ်ရှားမှုကို အကြမ်းပတမ်းလုပ်ဆောင်နေသည်။ ဆော့ဂျင်ကိုယ်တိုင်ထဲ ခန္ဓာကိုယ်တွင်းက ပြင်းထန်တဲ့နှိုးဆွမှုကြောင့် မခံမရပ်နိုင်ဖြစ်လာကာ ခေါင်းကိုခါယမ်းရင်း ညည်းညူနေမိသည်။ သူ့ခြေထောက်တွေက သူ့မျက်နှာနား တစ်ဖက်တစ်ချပ်စီတွင် ရှိနေတဲ့မြင်ကွင်းက ရှက်ရွံ့ဖို့ကောင်းပေမဲ့ ထိုပုံစံကပင် သူ့ကိုယ်တွင်းတစ်နေရာက တောက်လောက်မှုကို အားဖြည့်ပေးနေသည်။

" အင့် ဟ့ "

" ဟား.. မရီး ဟမ်း.. စောက်ရမ်းကောင်းတယ် ဟ့ "

" မင်း ဖြည်းဖြည်း.. "

" ဘယ်သူ့ကိုလာဖြည်းခိုင်းနေတာလဲ ဒဏ်ရာလား ဂရုစိုက်မယ်ထင်နေလား ဒီနေ့မရီးကိုယ်ထဲကို ကျုပ်အရာက ထိုးသွင်းဖျက်ဆီးလိမ့်မယ် မရီးကိုယ့်ကိုယ်ကိုယ်သာ စိတ်ပူ "

သူကပြောရင်း ပိုပိုမြန်ဆန်လာတဲ့ အရှိန်ကြောင့် ဆော့ဂျင်ဘာမှမပြောနိုင်တော့ဘဲ သူ့စကားသံတွေက ညည်းညူသံအဖြစ်သာ ထွက်ကျလာသည်။

" ဟင်း.. ဟ့ မင်း အ့ အထဲကို ပိုရောက် အား.. "

သူ့ခြေထောက်နှစ်ဖက်လုံးသည် ခြေကျင်းဝတ်ကနေ ကိုင်မြှောက်ခြင်းခံထားရပြီး ဒူးခေါင်းတွေက သူ့ရင်ဘတ်ကို လာထိတော့မတတ် နောက်ပြန်တွန်းလှန်ခြင်းခံထားရကာ ထိုးသွင်းမှုက ပိုလို့အရှိန်မြန်လာခဲ့သည်။ အနေအထားကြောင့်ရော သူတို့တည်ရှိနေတဲ့ နေရာမှာကြောင့်ရော ဆော့ဂျင်ခံစားချက်တွေ ဆန်းသစ်နေပြီး မြန်မြန်ဆန်ဆန်ပဲ ထုတ်လွှတ်မိလိုက်သည်။ သူ့အထဲကအရာသည်လည်း ပိုမိုကြီးထွားလာပြီး အလိုရမ္မက်ကြီးစွာ သူ့အတွင်းသားတွေကို နေရာလပ်မကျန် ထိုးစွနေကာ ထုတ်လွှတ်တော့မည့်ဟန် ပြင်နေသည်။ သူက လှုပ်ရှားမှုတွေကို ရပ်လိုက်ပြီး ပူးကိုင်ထားတဲ့ ခြေထောက်တွေကို လွှတ်ပေးကာ ဆော့ဂျင်ကိုယ်ပေါ် ထပ်ကျလာသည်။

သူဆော့ဂျင်ကိုယ်ပေါ်ရောက်လာပြီး ဆော့ဂျင်ကိုယ်တွင်းထဲမှအရာသည်လည်း ပူနွေးတဲ့အရည်တွေ အတွင်းထဲ ပြည့်သိပ်သည်အထိ ထုတ်လွှတ်လာခဲ့သည်။ ထိုအရည်တွေက အရှိန်ပြင်းစွာ ထုတ်လွှတ်ပြီးတာတောင် အချိန်အတန်ကြာသည်အထိ နည်းနည်း နည်းနည်းဖြင့် ယိုစိမ့်ကျနေတုန်းပဲ။ ထုတ်လွှတ်မှုပြီးမြှောက်တဲ့အထိ သူတို့ကိုယ်ချင်းထပ်လျက် မလှုပ်မယှက် တိတ်ဆိတ်ငြိမ်သက်လျက် ရှိနေကြပြီး အသက်ရှူသံပြင်းပြင်းသာ ထွက်ပေါ်နေသည်။ သူ့အထဲကအရာ တဖြည်းဖြည်းမာန်ကျသွားတော့မှ သူက ဆော့ဂျင်ကိုယ်ပေါ်ကနေ အားယူထရင်း အနေအထားသိပ်မကွာတဲ့နေရာကနေ ဆော့ဂျင်ကို တစ်စိုက်မတ်မတ်ကြည့်နေသည်။ သူ့မျက်နှာပေါ်တွင် အခုထိ လိုအင်ရမ္မက်တွေကို မြင်နေရတုန်းပဲ.. ဆော့ဂျင်လည်း ထိုနည်းတူပဲ ဖြစ်လောက်မယ်။

သူတို့ ဘာစကားမှမဆိုဘဲ တစ်ယောက်မျက်နှာတစ်ယောက် ကြည့်နေကြရင်း သူကအရင် ငုံ့ကိုင်းလာကာ နှုတ်ခမ်းပေါ်သို့ ဖွဖွထိတွေ့ နမ်းရှိုက်လာသည်။ တိတ်ဆိတ်နေတဲ့နေရာက ချက်ချင်းပင် နှုတ်ခမ်းချင်းနမ်းစုပ်ခြင်းမှ ထွက်ပေါ်လာတဲ့ အသံတွေဖြင့် ပြည့်နှက်သွားပြန်သည်။ အချိန်အတန်ကြာသည်အထိ အမျှင်မပျက် နမ်းရှိုက်ပြီးမှ ဖယ်ခွာလိုက်ကြပြီး သူက ဆော့ဂျင်ကိုယ်ပေါ်မှ ထကာ ဘေးတွင် ဝင်လှဲအိပ်လိုက်သည်။ ထိုအခါ သူ့အထဲက သူ့အရာက ထွက်သွားပြီး ဆော့ဂျင်နာကျင်မှုကြောင့် မျက်မှောင်တွေကျုံ့ဝင်သွားရသည်။ ဆော့ဂျင်အမူအရာကြောင့် သူက လှဲအိပ်နေရာမှ ထကာ သူ့အောက်ပိုင်း‌ဆီသို့ အကြည့်ရောက်လာတာမလို့ ဆော့ဂျင်သူ့ကို အမြန်ဆွဲအိပ်ခိုင်းလိုက်ရသည်။ သူအဆင်မပြေဘူးဆိုရင်တောင် သူ့ကိုအဲလိုမျိုးကြည့်ခွင့်တော့ ပေးမှာမဟုတ်ဘူး။ ဆော့ဂျင်ရဲ့မြန်ဆန်တဲ့လုပ်ဆောင်ချက်ကြောင့် သူက သဘောကျရယ်နေသည်။

" ကျုပ်တို့သဘောတူထားကြတယ်မလား ကျုပ်က အိပ်ရာပေါ်မှာတာဝန်ကျေတဲ့ ခင်ပွန်းလောင်းမလို့ အတူနေပြီးတိုင်း ဇနီးသည်ရဲ့ ကိစ္စတိုင်းကို ဂရုစိုက်ပါမယ်လို့ ဟုတ်တယ်မလား.. ကျုပ်က ကူညီချင်လို့လေ "

" မလိုဘူး ငါ့ကိုဘယ်လိုပြန်ပို့မလဲ‌ဆိုတာပဲ မင်းစဉ်းစားသင့်တယ် ငါမြင်းလည်းမစီးနိုင်တော့သလို မင်းလည်းငါ့ကိုသယ်နိုင်မယ်မထင်ဘူး.. မဟုတ်ဘူး မင်းသယ်နိုင်ရင်တောင် ငါတော့အသယ်မခံနိုင်ဘူး လမ်းလည်းမလျှောက်ချင်ဘူး "

ဆော့ဂျင်သူ့ဆန္ဒအလိုလိုက်ခဲ့ပြီး ကိုယ်တိုင်လည်း လိုလိုချင်ချင် သဘောတူခဲ့ပြီးမှ ကိစ္စအဝဝတွေ ပြီးမြှောက်သွားတဲ့အခါ သူသူ့ကိုယ်သူ ရူးသွပ်တဲ့အလုပ်မျိုး လုပ်ခဲ့မိသလို အရှက်တရားတွေ စတင်လွှမ်းခြုံလာခဲ့သည်။ အခုဆိုရင် သူတို့ကိုယ်ပေါ်မှာ အဝတ်အစားဟူသမျှ တစ်ခုမှမရှိတော့သလို နှစ်ယောက်သားရဲ့ ကိုယ်ပေါ်တွင် ချွေးတွေ မြေမှုန့်မြက်နွယ်တချို့တွေနှင့် ကူးလူးရောယှက်ကာ ညစ်ပတ်ပေရေနေပြီ။ သူ့အခြေအနေက သိပ်အဆိုးအဝါးကြီးမဟုတ်သေးပေမဲ့ မြင်းနဲ့အိမ်ပြန်ဖို့က တော်တော်ဆိုးဝါးတဲ့ခရီးဖြစ်သွားလိမ့်မည်။ လမ်းလျှောက်ပြန်ဖို့ဆိုရင်လည်း သူတို့ခရီးက မြင်းဖြင့်ပင် အတော်လေးဝေးကွာ ခရီးရောက်လှသည်။ သူလုပ်ချင်ရာ လုပ်ခဲ့ပြီးမှ အပြန်ခရီးအတွက် ပူပန်သွားမိတော့သည်။ သူကတော့ ဘယ်လိုမျှပင်မနေ။ သူက ဘေးစောင်းအိပ်နေရာကနေ ခေါင်းကိုထောင်ကာ တံတောင်ဖြင့်ထောက်ထားပြီး အနားကို ပိုတိုးကပ်လာသည်။

" ပြန်မယ်လို့မပြောမိသေးပါဘူး "

သူအပြောကြောင့် ဆော့ဂျင်သူဘက်သို့ ချက်ချင်းလှည့်လိုက်သည်။

" ဘာလုပ်ချင်သေးတာလဲ ညအိပ်ဖို့ထိ စဉ်စားထားသေးတာလား "

" အင်း.. ‌ခင်ဗျားအထဲမှာ.. "

" မင်း!! "

သူက သူ့စကားနဲ့သူ သဘောကျကာ တခစ်ခစ်ရယ်နေသည်။ ဆော့ဂျင်သူနှင့် အကွာအဝေးကို ချဲ့လိုက်သည်။

" မရီး.. "

ဆော့ဂျင်နေရာချဲ့တော့ သူကလိုက်ကပ်ကာ ဖက်တွယ်လာပြီး နေရာချဲ့မခံ။ သူကိုယ်တိုင်လည်း မလှုပ်ချင်တော့တာမလို့ ထိုအတိုင်းပဲ မရွေ့တော့ဘဲ သူ့ကိုတော့ အနှောင့်အယှက်ဖြစ်စွာ ဝမ်းဗိုက်နေရာနားကို တံတောင်ဖြင့်တွန်းပစ်လိုက်ကာ,

" ဘယ်အချိန်ထိ မရီးကခေါ်နေအုံးမှာလဲ "

" ပြောပြီမလား ကျုပ်တစ်ယောက်တည်း ခေါ်ခွင့်ရှိတာမလို့ မပြင်ချင်ဘူးလို့ မဟုတ်မှ မရီးက ဇနီးလေးလို့ ပြောင်းခေါ်စေချင်တာလား "

" သွားစမ်း "

သူ့တုံ့ပြန်မှုကြောင့် ဆော့ဂျင်ကသာ အနှောင့်အယှက်ဖြစ်သွားရပြီး သူကတော့ဖြင့် တဟားဟားအော်ရယ်နေသည်။ အချိန်အားဖြင့် ညနေ‌နေဝင်ချိန်‌ ရောက်တော့မည်ဖြစ်၍ ပတ်ဝန်းကျင်က တိတ်ဆိတ်သထက် တိတ်ဆိတ်လာပြီး သူ့ရယ်သံက ပဲထင်ထပ်ကျယ်လောင်နေသည်။

" ပြန်ကြမယ် မှောင်လာတော့မယ် "

" မှောင်လာမှပြန်မယ် ဟိုမှာ နေဝင်တော့မယ် နေဝင်ချိန် အတူတူကြည့်ရအောင် "

သူက ဆော့ဂျင်ခေါင်းအောက် လက်ထည့်လာပြီး နေရာတစ်ခုဆီသို့ ညွှန်ပြလာသည်။ တောင်စောင်းနောက်တွင် နေလုံးကြီးက တဖြည်းဖြည်းဖြင့် ပျောက်ကွယ်တော့မည်။ ဆော့ဂျင် သူ့ဘဝမှာ ဒီလိုကို့ရို့ကာယားပုံစံမျိုးဖြင့် တစ်စုံတစ်ယောက်နဲ့ နေဝင်ချိန်အတူကြည့်ရမယ်လို့ စိတ်တောင်မကူးဖူးဘူး လက်တွေ့ဖြစ်လာခဲ့ပြီ။ သူ့ဘဝကြီးက သူနှင့်တွေ့မှ ကိုယ်တိုင်မစဉ်းစားကြည့်ခဲ့ဖူးတာတွေ ကိုယ်တိုင်မမျှော်လင့်ထားတဲ့ကိစ္စတွေက ဖြစ်ပေါ်လာခဲ့သည်။ ပြီးတော့ ဘယ်လိုကိစ္စပဲဖြစ်ဖြစ် သူသဘောကျနေမိတုန်းပဲ။

" မရီးသိလား ကျုပ်ဘာလို့ လက်ထပ်မင်္ဂလာပွဲကို ကြီးကြီးကျယ်ကျယ်မလုပ်ချင်ခဲ့လဲဆိုတာ.. "

" မသိဘူး မင်းရဲ့မိန်းမလှလေးတွေ မျက်ရည်ယိုပြီး မြို့တော်တစ်ခုလုံး ချောင်း‌စီးသွားမှာစိုးလို့လား "

ဆော့ဂျင်သူ့ဟာသူပြောပြီး ရယ်လိုက်မိသည်။ သူဘယ်တုန်းက ဒီလိုစကားတွေ ပြောတတ်သွားရပါလိမ့်.. ဆော့ဂျင်သူ့စကားနဲ့သူ ပြန်ရယ်နေပြီး အတန်ကြာသည်အထိ အသောမတတ်နိုင်တဲ့အခါ သူ့ခါးပေါ်မှာရှိနေတဲ့ လက်တွေက ဖိညစ်ကာ သူ့လည်ပင်းတစ်လျှောက် နှုတ်ခမ်းတွေဖြင့် ထိတွေ့လာခဲ့သည်။

" အားတွေကျန်သေးပုံရတယ် ဒါလား မြင်းမစီးနိုင်တော့တာ ထပ်စီးအုံးမလား "

" ဟုတ်ပြီ ဟုတ်ပြီ မရယ်တော့ဘူး ဘာလို့လဲပြော "

ဆော့ဂျင်မရယ်တော့ဘူးဆိုတာကိုပြောရင်း ရယ်နေမိသည်။ သူက ဆော့ဂျင်အရယ်မရပ်မချင်း နှုတ်ခမ်းတွေဖြင့် တတိတိလိုက်နမ်းပြီး လက်တွေကလည်း ခန္ဓာကိုယ်တစ်လျှောက် ပြေးလွှားပွတ်သပ်နေတာ မရပ်၍ ဆော့ဂျင်အရှိန်သပ်လိုက်ရသည်။

" ပြောလေ ဘာလို့လဲ "

ဆော့ဂျင်ပုံမှန်ပြန်ဖြစ်သွားပြီး သူ့ဘက်မော့ကာ ပြန်မေးလိုက်သည်။ သူလုံးလုံးရယ်ချင်စိတ်မရှိတော့ပေမဲ့ သူ့ရဲ့ခါးတွေကို ပွတ်သပ်ကျီစယ်ထားမှုအရှိန်ကြောင့် မောဟိုက်နေသေးသည်။ သူက ဆော့ဂျင်တည်ငြိမ်သည်အထိ စောင့်ဆိုင်းနေပြီးမှ အဝေးသို့ အကြည့်လွဲကာ စကားပြန်စလာသည်။

" မင်္ဂလာပွဲကို ကြီးကြီးကျယ်ကျယ် ကျင်းပတာက ဘာမှမကောင်းဘူး မြို့တော်မှာ ကျုပ်မျက်နှာနဲ့ စီးပွားရေးလောကမှာ ခင်ဗျားမျက်နှာက ကြီးတယ်လေ တော်‌ရုံသင့်ရုံလုပ်ရင်တောင် အကြီးအကျယ်ဖြစ်ပြီး အနည်း‌ဆုံး ရက်တစ်ပတ်လောက်က အလုပ်များနေမှာ.. ပင်ပန်းတယ် ပြီးရင် ခင်ဗျားပဲ အစအဆုံးစီစဉ်နေရမှာ "

" အင်း ဒါပဲလား "

" မဟုတ်ဘူး အဓိကအကြောင်းအရင်းကို ပြောပြမယ်.. စစ်တပ်မှာတုန်းက ကြုံခဲ့တဲ့အကြောင်း "

" အင်း "

ဆော့ဂျင်စိတ်ဝင်တစား နားစွင့်နေလိုက်သည်။ သူက ထိုအကြောင်းအရာကိုပြောဖို့ရာ ဆော့ဂျင်ကိုကြည့်ရင်း လည်ချောင်းရှင်းလိုက်ကာ ဆက်ပြောလေသည်။

" ကျုပ်တို့ ကြမ်းတမ်းတဲ့လေ့ကျင့်ရေးတွေ ဆင်းရတဲ့တစ်နေ့ကပဲ.. မြို့တော်ရဲ့ မျက်နှာဖုံးထဲက လူကြီးတစ်ယောက်.. အဟမ်း လက်ထပ်ပွဲ .. အဲဒါက သတင်းစာထဲမှာ ဖော်ပြထားတာ အဲဒီမြို့မျက်နှာဖုံးရဲ့ ဇနီးလောင်းက အချောအလှဖြစ်နေတော့ သတင်းစာကြည့်မိတဲ့သူက သဘောကျသွားပြီး ပူပူနွေးနွေးမင်္ဂလာပွဲက သူများဇနီးလောင်းပုံကို သဘောကျသိမ်းယူထားလိုက်တာ အဟမ်း.. သတို့သားပုံကိုတော့ သေချာဖြတ်ထုတ်ထားခဲ့တယ် ပြီးတော့ အဲပုံကို အားလပ်ချိန်တိုင်းမှာ ထုတ်ကြည့်နေတတ်ပြီး တစ်ကိုယ်ရည်တကာယ ဖြေလျှော့မှုတွေပါ လုပ်ခဲ့တာ "

" ဘယ်လိုတောင်.. စိတ်ရောဂါတခုခုရှိနေတာများလား ဘယ်သူက အဲလိုမျိုး ပုံလေးမြင်တာနဲ့ သဘောကျမှာလဲ "

" ရှိတယ် အဲလိုလူမျိုး.. ခင်ဗျားကိုယ်တိုင်တောင် ကြုံတွေ့ လိုက်ရ နိုင် တာမလို့ ကျုပ်ပြောပြနေတာ "

ဆော့ဂျင်ကိုယ်တိုင်လည်း သူပြောတဲ့ ထူးဆန်းတဲ့အကြောင်းအရာကြောင့် တစ်ခါမှမကြားဖူး၍ အံ့ဩနေမိပေမဲ့ သူက ကိုယ်တိုင်ကြုံတွေ့ခဲ့ရတာမလို့ထင် သူကပိုလို့ ပြောရမဝံ့ဖြစ်နေသည်။ ဆော့ဂျင်သူပြောတဲ့အကြောင်းအရာကို နားလည်လက်ခံပေးလို့ရပေမဲ့ သူဖြစ်နေတဲ့ပုံစံကိုတော့ လက်ခံပေးလို့မရ။ ဘာပဲပြောပြော သူ့အတိတ်က ဇနီးနဲ့သမီးကို ပြိုင်တူပိုးပန်းခဲ့တယ်ဆိုတဲ့ ကောလဟာလတောင် ရှိသေးတာပဲ။ ကောလဟာလဆိုပေမဲ့ တစ်ဝက်က အမှန်ပဲဆိုတာ သူကိုယ်တိုင်ထုတ်ပြောခဲ့ပြီးသားပဲလေ..

" ခင်ဗျားကျုပ်ကို ဘယ်လိုကြည့်နေတာလဲ "

" ဘယ်လိုကြည့်နေလို့လဲ "

" အဲဒါကျုပ်လို့ ထင်နေတာမလား "

" ငါထင်တာ မင်းက ဒီထက်တောင် ဆိုးခဲ့သေးတယ်မဟုတ်ဘူးလား မင်းဆိုရင် အဲလိုပုံသိမ်းရုံလေးပဲမဟုတ်ဘူး လူကိုယ်တိုင်ပါ လိုက်ပြီး အနှောင့်အယှက်ပေးနေမယ်ထင်တယ် "

" မဟုတ်တာ.. ကျုပ်အဲလို မလုပ်ခဲ့ပါဘူး "

ဆော့ဂျင်မယုံပါဘူးပုံစံနဲ့ ကြည့်လိုက်သည်။ ဘာပဲပြောပြော ဂျွန်ဂျောင်ဂုကသာ အဲလိုမျိုး သဘောကျလို့ လုပ်မယ်ဆိုရင် အဲဒီသူက အလွန်တရာချောလှလို့ပဲ ဖြစ်ရမည်။ သူက တော်ရုံအလှအပလောက်နဲ့  မခံစားတတ်ဘူး။ လှပရုံနဲ့လည်း မဖြစ်သေးဘူး။ သူ့အကြိုက်က မြင့်သည်။ တော်ရုံအလှအပလောက်နှင့် စိတ်ဝင်စားနေမည်မဟုတ်။

" ခင်ဗျားအဲဒီလူကို ဘယ်လိုမြင်လဲ သူက သူများအိမ်ထောင်ကို ဖျက်ဆီးဖို့ ကာယံကံရှင်ကို သိက္ခာချဖို့နဲ့ အဲပုံကို သိမ်းထားခဲ့တာမဟုတ်ဘူး။ ဒီအတိုင်း မထင်မှတ်ဘဲမြင်ပြီး မတော်တဆ သိမ်းထားမိရာကနေ မသိစိတ်က စွဲလမ်းသွားခဲ့တာ .. သူကိုယ်တိုင်တောင် မသိလိုက်ခင် အဲဒီပုံပိုင်ရှင်ကို တော်တော်လေးစွဲလမ်းနေခဲ့တာ.. "

" စွဲလမ်းတာက မကောင်းပါဘူး။ သက်ရှိသက်မဲ့ ဘယ်အရာမှ အစွဲအလမ်းမထားတာ ကောင်းတယ်။ ကိုယ့်စိတ်ကိုကိုယ်မထိန်းချုပ်နိုင်တဲ့အခါ မမှားသင့်တဲ့အမှားတွေ ဖြစ်လာနိုင်တယ် "

" အင်း ဟုတ်တယ် တော်သေးတာက အဲဒီလူရဲ့ပိုင်ရှင်က သိပ်မကြာခင်ဘဲ ဆုံးပါးသွားခဲ့တယ် "

" အဲတော့ ဘာဆက်ဖြစ်သွားလဲ "

ဇာတ်အပြောင်းအလဲကြောင့် ဆော့ဂျင်သိချင်စိတ်ဖြင့် သူ့ကိုမော့ကြည့်ရင်း မေးလိုက်သည်။

" ဘာဆက်ဖြစ်မယ်ထင်လဲ "

သူက ဆော့ဂျင်ကိုပြန်ကြည့်ရင်း ပြန်မေးလာသည်။ ဆော့ဂျင်ဖြစ်စဉ်ကို ပြန်‌တွေးကြည့်လိုက်သည်။ ဘယ်လိုပဲ ယုတ်တိမရှိတဲ့ စွဲလမ်းမှုဆိုပေမဲ့ တစ်ခါမှ အပြင်မှာမဆုံဖူးတဲ့သူကို အခုလိုမျိုးစွဲလမ်းဖို့ဆိုတာ အတိတ်ဘဝက ရေစက်တွေရှိတာကြောင့်လည်း ဖြစ်နိုင်တာပဲ။ သူသာဆိုရင်တော့ တစ်ခေါက်လောက်ဖြစ်ဖြစ် အပြင်မှာဆုံဖို့ရာ ကြိုးစားကြည့်ခဲ့မယ်ထင်တယ်။

" ခင်ဗျားဆိုရင်ရော ဘယ်လိုလုပ်မလဲ "

သူက ဆော့ဂျင်အတွေးကို သိသည့်အလား မေးလာခဲ့သည်။ ထိုအမေးစကားကြောင့် ဆော့ဂျင်သက်ပြင်းတစ်ချက်ချလိုက်ရင်း ကောင်းကင်ပြင်ကျယ်ကြီးကို ကြည့်ကာ အလေးအနက် တွေးတောလိုက်သည်။ တစ်ပါးသူပိုင်ဆိုင်ကြောင်း တံဆိပ်နှိပ်ပြီးတဲ့အရာကို မစွဲလမ်းသင့်ဘူးဆိုတာသိပေမဲ့ စိတ်၏အရာကိုတော့ မည်သူက လွန်ဆန်နိုင်နည်း။

" ငါကတော့ အပြင်မှာမြင်ဖူးချင်မိတယ် ဘာပဲပြောပြော နှစ်ယောက်စလုံးက လူလွတ်တွေဖြစ်နေတဲ့အခါ တစ်ခေါက်လောက်ဖြစ်ဖြစ်တော့  ကြိုးစားကြည့်ရမှာပေါ့ သဘောကျနေတာပဲ.. "

" အင်း.. ခင်ဗျားမှန်တယ် သူကြိုးစားခဲ့တယ် "

" တကယ်လား ဒါဆို ဘယ်လိုဆက်ဖြစ်သွားသေးလဲ "

သူ့အတွေးအတိုင်း မှန်နေတော့ ဆော့ဂျင်စိတ်လှုပ်ရှားသွားပြီး မြန်မြန်မေးလိုက်သည်။ ထိုအခါ သူက ငုံ့ကြည့်လာပြီး ဆော့ဂျင်မျက်ဝန်းထဲ သေချာစိုက်ကြည့်လာပြီးမှ ဘာမှဆက်မပြောဘဲ နေနေသည်။

" ဘာလို့အဲလောက်သိချင်နေရတာလဲ ကြိုးစားခဲ့တယ်ဆိုမှတော့ တချိန်ချိန်သူလုပ်နိုင်ခဲ့မှာပေါ့ ကျုပ်က သူများအကြောင်းကို ဘယ်လိုလုပ်ပြီး အစအဆုံး သိနိုင်မှာလဲ.. ကျုပ်ပြောချင်တဲ့အကြောင်းအရာက ခင်ဗျားနဲ့ လက်ထပ်ပွဲကပုံတွေ သတင်းစာထဲ ရောက်သွားတဲ့အခါ ခင်ဗျားကို မြင်ပြီး သဘောကျသွားကြမှာ မလိုချင်လို့.. အဲလိုအဖြစ်အပျက်မျိုး ထပ်မဖြစ်စေချင်တော့လို့.. တစ်ယောက်ယောက်က ခင်ဗျားပုံကိုမြင်ပြီး အဲလိုလုပ်မယ်ဆိုရင် ဘယ်လိုလုပ်မလဲ "

ဆော့ဂျင်ထိုအတွေးက ရူးနှမ်းဖွယ်ကောင်းပြီး သူ့ပါးစပ်က ထိုကြောင့်မင်္ဂလာပွဲမလုပ်ချင်ဘူး‌ဆိုတဲ့အကြောင်းအရင်းကို ကြားရတာကိုတော့ လက်ခံနိုင်ဖွယ်မရှိ။ ဘယ်လိုတောင် ရူးကြောင်ကြောင်နိုင်တဲ့ အတွေးကြီးလဲ..

" ဘာလဲ ခင်ဗျားက မယုံဘူးလား "

သူ့အကြည့်တွေကို သူက အကဲခတ်မိရင်း ပြန်မေးလာတော့ ဆော့ဂျင်ဘယ်လိုမှ ယုံနိုင်ဖွယ်မရှိကြောင်း ပြန်ပြောလိုက်သည်။

" ဘယ်လိုမှ ယုံနိုင်စရာအကြောင်းမရှိဘူး အဲဒီလူက မင်းဆိုရင်တောင် ယုံလိုက်အုံးမယ် "

ဆော့ဂျင်ရဲ့စကားကြောင့် သူက မျက်လုံးတွေမှေးစင်းပြီး ကြည့်လာသည်။

" ခင်ဗျား အဲဒီလူကို ကျုပ်လို့ ထင်နေတယ်ပေါ့ "

ဆော့ဂျင်ခပ်ပေါ့ပေါ့ပဲ ပခုံးတွန့်ပြလိုက်သည်။

" မင်းကတော့ အဲထက်တောင် ဆိုးချင်ဆိုးနိုင်တယ် "

" မရီး.. "

ဂျွန်ဂျောင်ဂုက သူ့နာမည်ကို ကြက်သီးထဖွယ်ခေါ်ရင်း ခန္ဓာကိုယ်ချင်း ဆွဲကပ်ကာ တစ်ကိုယ်လုံးကို လက်တွေဖြင့် ပွတ်သပ်လာသည်။

" မရီး အဲဒီအဆုံးသတ်ကို သိချင်လား "

ဆော့ဂျင်သူ့ခန္ဓာကိုယ်ပေါ် ပြေးလွှားနေတဲ့ လက်တွေကို ဖယ်ချနေရင်း သူ့စကားကြောင့် ဆော့ဂျင်လက်တွေ ရပ်တန့်သွားကာ သိချင်စိတ်ဖြင့် နောက်သို့ အနည်းငယ် စောင်းငဲ့ကာ နားစွင့်မိသွားသည်။

" အဲဒီကောင်က ကျုပ်ထက်ဆိုးလား မဆိုးလားဆိုတာ မရီးဆုံးဖြတ်ပေါ့ "

ဆော့ဂျင်သူ့ကိုအဖြေပေးတာမျိုးမဟုတ်ဘဲ သူ့ကိုယ်သူအဖြေပြန်ပေးသလို ခေါင်းကိုညိတ်လိုက်မိသည်။ သူက ဆက်မပြောသေးဘဲ လက်တွေက အောက်လျှောဆင်းလာပြီး သူ့အရာကို ဆုပ်ကိုင်ကာ ‌ပွတ်သပ်လာသည်။

" သူက အဲဒီ သူသဘောကျနေတယ်ဆိုတဲ့သူကို ပိုက်ဆံနဲ့မျှားပြီး အိပ်ရာပေါ်တင်ခဲ့တာ ဘယ်လောက်ဆိုးလဲ "

" အ့.. ဟမ်း.. "

ဆော့ဂျင်ပြန်တုံ့ပြန်ပြောချင်ပေမဲ့ သူ့ကိုယ်တွင်းထဲ တိုးဝင်လှုပ်ရှားလာတဲ့ လက်ချောင်းတွေကြောင့် သူလောကကြီးနဲ့ ‌ခဏမျှအဆက်အသွယ်ပြတ်သွားကာ သူ့အာရုံအတွေးထဲတွင် ထိုလက်ချောင်းကလာတဲ့ သာယာနာကျင်မှုတွေသာ ရှိနေသည်။

" အဲဒီ သူသဘောကျပါတယ်ဆိုတဲ့သူကလည်း တခြားသူမဟုတ်ဘူး သူ့အစ်ကိုရဲ့ဇနီး.. သူတို့က အကြောင်းအမျိုးမျိုးကြောင့် တွေ့ဆုံခွင့်မရခဲ့ပေမဲ့ ဒီလိုမျိုး ကံကြမ္မာက သူတို့ကို အခွင့်အရေးပေးခဲ့သေးတယ် "

" ဟ့ ဟ့ မင်း.. "

သူ့ကိုယ်ထဲ လက်ချောင်းတွေထက် ကြီးမားရှည်လျားတဲ့အရာက ချဲ့ကားတိုးဝင်လာခဲ့သည်။ ဆော့ဂျင်သူ့စကားသံတွေကို ကြားတစ်ချက် မကြားတစ်ချက်သာ..

" သူတို့တွေ့ဆုံမှုက မလှပခဲ့ပေမဲ့ အဆုံးသတ်က လှပခဲ့တယ် သူတို့က တစ်ယောက်နဲ့တစ်ယောက် သိပ်ချစ်ကြတဲ့ ချစ်သူတွေကနေ အိမ်ထောင်ဖက်အဖြစ် ပေါင်းဖက်သွားကြပြီး တစ်ယောက်မရှိရင်တစ်ယောက် အသက်မရှင်နိုင်တဲ့အထိ ချစ်မိသွားကြတယ် "

" မင်း ဟ့! ဖြည်းဖြည်း.. "

" မရီးဘယ်လိုထင်လဲ သူက ကျုပ်ထပ်ဆိုးမနေဘူးမလား "

" မင်း ဟ့ အရူးကောင် မင်းကသူ့ထက် အဆတစ်ရာဆိုးတယ် မင်းက မင်းအကြောင်းကိုများ ဟ့ ဖြည်းဖြည်းလို့!! "

ဆော့ဂျင်အခုမှ သူ့စကားတွေကို စပ်ဆက်ကြည့်ရင်း သူ့အကြောင်းသူပြောနေတယ်ဆိုတာ သဘောပေါက်လာခဲ့သည်။ ဒီထက်ယုတ်မာတဲ့လူ ရှိပါ့အုံးမလား.. သူ့အကြောင်းကိုများ ပုံပြင်တစ်ပုဒ်လိုလုပ်ကာ လူကိုအရူးလုပ်ချင်နေသေးသည်။

" မရီးသိသွားပြီလား.. ဟုတ်တယ် အဲဒါကျုပ်ပဲ ကျုပ်ဆီမှာ အခုထိ အဲဒီပုံလေး ရှိနေသေးတယ်.. ကျုပ်က ဆိုးတယ်မလား ကိုယ့်အစ်ကိုရဲ့ ဇနီးမှန်းသိလျက်နဲ့ ခင်ဗျားကို အတွေးတွေနဲ့ ပစ်မှားခဲ့ဖူးတယ် အခုလည်း ကျုပ်လိုလူတွေ ထပ်ရှိလာမှာစိုးလို့ လက်ထပ်ပွဲတောင် မလုပ်ချင်ဘူး။ ကျုပ်က‌ဆိုးတယ် ဒါပေမဲ့ ခင်ဗျားကိုတော့ သိပ်ချစ်တယ် ကျုပ်မရီး‌ဆိုတဲ့ခင်ဗျားကို သိပ်ချစ်တယ်ခင်ဗျားက ကျုပ်အပိုင်ပဲ ကျုပ်တစ်ယောက်တည်း ပိုင်တယ်! "

သူ့အပိုင်‌‌ဆိုတဲ့ ခန္ဓာကိုယ်ပေါ် မြင်မြင်သမျှ နေရာမလပ် အနမ်းတွေ ဖြန့်ကျက်ပေးမိကာ တင်းတင်းကြပ်ကြပ် ဖက်တွယ်ထားလိုက်သည်။

" ခင်ဗျားက ကျုပ်မရီး၊ ကျုပ်ဇနီး၊ ကျုပ်အပိုင် ကျုပ်ဘဝတစ်ခုလုံးပဲ ကင်မ်ဆော့ဂျင် "

          _________________________

အိတ်စထွာရယ်လို့လည်း မဆိုသာဘူး ‌သူတို့နှစ်ယောက်ကို ဆုံစည်းစေတဲ့ အကြောင်းအရင်း တစ်ခုဖြစ်တဲ့ သတင်းစာဖြတ်ပိုင်းလေးအကြောင်း ထည့်ချင်သေးတာရယ်၊ နောက်ပိုင်းအခန်းတွေ အဟုဟုမပါတော့တာရယ်ကြောင့် အချပ်ပိုအနေနဲ့ ခွဲပြီး လုပ်ဖြစ်သွားတာ အမှန်က ဒီအပိုင်းမှ ဖိုင်နယ်ရင်လည်း ရတယ် ဒါမဲ့ ရှေ့အပိုင်းကိုပဲ ဇာတ်သိမ်းခန်း လုပ်ချင်နေတာနဲ့ ဒီအပိုင်းကို အချပ်ပိုဆိုပြီး ခွဲထုတ်ပစ်လိုက်တာ ဗုတ်သုံးရာလေးရာတွေဆိုတာက သက်သက်ညစ်တာ:၃ ခ်ခ်

တကယ်တော့ အဟုဟုနဲ့ ဇာတ်မသိမ်းချင်လို့ပါ 🙄ခ်ခ် စတာ တကယ်တမ်းနော် ဖစ်က ထင်သလောက် အဟုဟုတွေ မပါဘူးနော် ယူတို့ အင်ထရိုဖတ်ပြီးတော့ ဒါတော့ တကယ်အသားတွေချည်းလို့ ထင်နေကြတယ်မား ဟုတ်တယ်မား မှန်းချက်နဲ့ နှမ်းတွက် ကိုက်ရဲ့လား စစ်ကြည့်ပြီးကြပြီလား မှန်းစမ်း အဟုဟု ဘယ်နှခန်းပါလဲ ငါးခန်းတောင် ပြည့်ရဲ့လား ဒါတော့ ယူတို့အသိဆုံး ဖြစ်မှာပါ ဗျူးကို ကြည့်လိုက်တာနဲ့တင် သိနေပြီ အဟုဟုအခန်းပါရင် ဗျူးကနှစ်ဆ 😏

ဒါဆို အားလုံးကို နှုတ်ဆက်ပါတယ် မတ်လေးနဲ့မရီးကနေပြီး အားလုံးကို နှုတ်ဆက်လိုက်ပါပြီ။ အားလုံးပဲ သတိရတိုင်း မတ်လေးနဲ့မရီးတို့ဆီ အလည်ဝင်လာခဲ့ပါလို့.. ပိုင့်ပိုင်