Ep - 13

18:03, 6 January 2025

မနေ့ညကတည်းက စိတ်ကောက်ကာ တံခါးကြီးပိတ်ထားသူက မနက်မိုးလင်းလို့ နေ့လည်ရောက်သည်အထိ တံခါးဖွင့်မလာသေးပါ။ မနေ့ညကနေ အခုအထိ ဘာမှ မစားရသေးသည့် သူကြောင့် sky မှာ ဖင်ချအောင်တောင်မထိုင်နိုင်ဘဲနဲ့ အခန်းရှေ့တွင်သာ တဝဲလည်လည်ဖြစ်နေရသည်။

အခန်းရှေ့တွင်ခေါက်တုံ့ခေါက်ပြန်လမ်းလျှောက်နေရင်း မနေနိုင်သည့် အဆုံး အခန်းတံခါးကို ခေါက်လိုက်မိသည်။

"တစ်ခုခုတော့ထွက်စားပါအုံး။ အဆာလွန်ပြီးဗိုက်အောင့်နေမယ် ကိုယ်ပြောတာကိုကြားရဲ့လား။ "

အထဲမှတုံ့ပြန်လာခြင်းမရှိသည့် အခန်းအရှေ့တွင် sky တံခါးခေါက်ကာ အကြိမ်ကြိမ်ပြောနေမိတာဖြစ်သည်။

"ကိုယ်နဲ့စကားမပြောချင်ရင်တောင် တစ်ခုခုတော့ထွက်စားပါကွာနော်..."

တုံ့ပြန်လာခြင်းမရှိသည်ကြောင့် sky သက်ပြင်းချလိုက်ကာ ကြံရာမရသည့်အဆုံး....

"စကားကိုနားမထောင်ရင် ကိုယ်ဝင်လာခဲ့တော့မှာနော်..ထွက်လာပြီးတစ်ခုခုလာစား "

ခဏကြာတော့မှ အခန်းတံခါးကိုသေးသေးလေးသာဖွင့်ကာ အထဲမှ ခေါင်းလေးသာပြူထွက်လာသည်။ အခန်းအပြင်သို့ထွက်လာသည့် ခေါင်းကလေးကြောင့် sky လှုပ်လှုပ်ရှားရှုားဖြစ်သွားရသည်။...

"massaman curry နဲ့ ထမင်းစားချင်တယ် ခွန်လုပ်ပေး~~~ "

Sky အား ပြောလာသည်မှာ အသံသေးသေးလေးနှင့်ပင်။ ဒါပေမယ့် မျက်နှာကလေးမှာမနေ့က ကိစ္စ အားသိပ်ကျေနပ်သေးပုံမရသေး။

"ဟုတ်ပြီ ဟုတ်ပြီ။ ကိုယ်အခုပဲသွားချက်ပေးမယ်။ အစာပြေအောင်ဘာစားချင်လဲ အစာပြေစားရအောင်လုပ်လာပေးမယ်။ "

"ဟင့်အင်း အဲ့တာတွေ မစားချင်ဘူး။ အမြန်လုပ်ပေး nani ဗိုက်ဆာနေပြီ~~~"

"ဟုတ်ပြီ ဟုတ်ပြီ ကိုယ်အမြန်သွားလုပ်ပေးမယ်နော်။ "

Sky ပြောပြီးတာနဲ့အခန်းတံခါးလေးက ဂျန်းခနဲပိတ်သွားသည်မလို့ sky အောကျထပျသို့ပွေးဆငျးရသညျ။ အရင်ကတည်းက ဟင်းချက်တာနှင့်မစိမ်းသက်သူမလို့ ချက်ပြုတ်တတ်သည်။ ဗိုက်ဆာနေသူအား အကြာကြီးစောင့်နေရမည်ဆိုး၍ sky အမြန်ချက်ပြုတ်နေမိသည်။ ကူပေးရမလားဆိုသည့် ကြီးကြီးအား လိုအပ်သည့် လှီးချွတ်သည့် ဆေးကြောသည့် ကိစ္စများကိုသာကူခိုင်းသည်။ စိတ်ရှိတိုင်းဆိုအကုန်လုပ်ချင်ပေမယ့် အချိန်ကြာသွားမည်ဆိုး၍ပင်။

အချိန်တစ်ခုကြာတော့ sky ချက်ပြုတ်၍ပြီးစီးသွားသည်။ ချက်ပြုတ်ပြီးသည်များကို ပန်းကန်ထဲသို့ထည့်၍ လှလှပပကလေးဖြစ်အောင်ပြင်ဆင်သည်။ ထမင်းအား nani စားနေကျ ပမာဏထည့်ကာ အဆင်သင့်သောက်ရန်ရေတစ်ကွက်ပြင်ဆင်လိုက်ပြီး အပေါ်သို့ အမြန်သွားရသည်။

လက်ထဲတွင် စားစရာများကိုင်ထားသည့်မလို့ sky ကိုယ်လုံးနှင့်တွန်းကာ အခန်းတံခါးအားဖွင့်လိုက်သည်။ အဆင်သင့်စားလို့ရအောင် စားပွဲခုံအပုကလေးအပေါ်သို့ တင်ကာ ဇွန်း၊ခရင်း အားသေချာပြင်ဆင်ပေးတော့ အနီရောင်ချည်သား ဝမ်ဆက်ကလေးနှင့်ကောင်လေးမှာ မျက်လုံးတောက်တောက်ကလေးများဖြင့်လိုက်ကြည့်သည်။

အကျီအနီရောင်ကြောင့် လူကလေးမှာ နီတာရဲကလေးဖြစ်နေကာ စတော်ဘယ်ရီအသီးကလေးလိုပင်။ အကျီအရောင်ဟပ်သည်ကြောင့် ပါးပြင်ကလေးများကပါရဲနေသေးသည်။ စိတ်ရှိတိုင်းသာဆို အိပ်ယာပေါ်ဆွဲလှဲကာ တဝကြီးနမ်းပြစ်လိုက်ချင်တာဖြစ်သည်။ ဒါပေမယ့် အခုအဲ့လိုလုပ်လို့မဖြစ်သေးပေ။ တစ်မှုမပြီးသေး တစ်မှုထပ်တိုးသွားမှာဆိုး၍ဖြစ်သည်။

Nani အရှေ့တွင် ရှိသည့် အငွေ့တထောင်းထောင်း ထနေသည့် ဟင်းပန်းကန်ကိုကြည့်ကာ စားချင်စိတ်ဖြစ်လာပြီး ဗိုက်ထဲမှ အသံတွေတောင်မြည်လာတော့သည်။ မနေ့ညကတည်းက စိတ်ဆိုးကာ ဘာမှမစားရသေးသည်မလို့ ဗိုက်ထဲက အချက်ပြနေပြီဖြစ်သည်။ nani အချိန်မဆွဲတော့ဘဲ အရှေ့တွင်ရှိသည့် ဟင်းပန်းကန်ထဲမှ ဟင်းကိုခပ်ယူကာ ထမင်းနှင့်အတူရောစားလိုက်သည်။ ကောင်းလွန်းသည့်အရသာကြောင့် nani မျက်လုံးကလေးများပင်တလက်လက်ဖြစ်လာရကာ တစ်လုပ်ပြီးတလုပ်စားနေမိတော့သည်။

"ဖြေးဖြေးစားပါ နင်နေအုံးမယ်။"

Sky စကားအားမော့ပင်ကြည့်မလာကာ ခေါင်းမဖော်တမ်းသာစားနေတော့သည်။ စားလို့ပြီးကာမှ skyအဆင်သင့်ထည့်ထားပေးသည့် ရေခွက်အားယူကာသောက်သည်။ စားသောက်ပြီးတာနှင့် sky အားဂရုမစိုက်ကာ လှဲရန်ပြင်နေသည်မလို့...

"ဟိတ် ထမင်းစားပြီးပြီးချင်း မလှဲရဘူး။ အစာမကြေဖြစ်မယ်။ "

Sky ကိုလှည့်မကြည့်ပေမယ့် လှုပ်ရှားမှုတို့က ခဏတာရပ်တန့်သွားသည်။ နောက်ပြီးအရေးမစိုက်စွာ ပြန်အိပ်ဖို့လုပ်နေသည့်ကြောင့် sky ကုတင်ပေါ်သို့တက်သွားကာ အိပ်ရန်ပြင်နေသည့် ကိုယ်လေးအား ဆွဲထူလို်က်ပြီး ပြန်လှဲအိပ်မရအောင် ရင်ခွင်ထဲထည့်ထားပြစ်လိုက်သည်။

"ခွန်sky!! ဘာလုပ်တာလဲလွှတ်!! လာမထိနဲ့!! "

"ဆိုးလိုက်တာကွာ...ဘာလို့အဲ့လောက်တောင်စိတ်ကောက်တတ်ရတာလဲ "

Sky ၏စကားကြောင့် ရင်ခွင်ထဲက ရုန်းကန်နေသည့် အနီလုံးကလေးမှာ အကြည့်စူးစူးဖြင့်ကြည့်လာပြီး ပက်ခနဲပြန်ပြောလာသည်။...

"အဲ့လို ဆိုးတဲ့ လူကိုပဲ ခွန်ယူထားတာလေ... "

"ဟုတ်ပါတယ် ကိုယ်ပဲရအောင်ယူထားတာပါ။ "

"ဘာလဲ ခွန်sky က အခု nani ကို အရင်လို စိတ်မရှည်နိုင်တော့ဘူးလား..."

Sky ရင်ခွင်အားမှီထားရင်း ရင်ခွင်ထဲကနေ မျက်လုံးလေးလှန်ကြည့်ကာ ပြောနေသူကြောင့် sky မှာအသည်းတယားယားနှင့်။

"မဟုတ်ပါဘူးကွာ။ ကိုယ်ပြောတာမှားသွားတယ်နော်။ ကိုယ်တောင်းပန်ပါတယ်။ ကိုယ်ကတစ်ညလုံးလည်းဒီကိုယ်လုံးလေးကို အများကြီး လွမ်းနေတာသိလား ဘေဘီ..."

ကိုယ်လုံးလေးကိုအသာဖြစ်ညှစ်ကာပြောမိသည်မှာ အသည်းယားလွန်းလို့ပင်။

"ဘေဘီ ကိုယ့်ကို ဘယ်အချက်တွေကြောင့် အများကြီးစိတ်ကောက်နေလဲ ကိုယ်သေချာမသိပေမယ့် ကိုယ်ပဲမှားသွားပါတယ်။ ကိုယ်ကသာမှားတာမလို့တောင်းပန်ပါတယ်နော်။ "

Sky ၏စကားတို့ကို ငြိမ်ကာနားထောင်နေသူကြောင့် လက်ကလေးတစ်ဖက်ကိုဆွဲယူကာ sky ပါးတွင်အပ်လိုက်ရင်း...

"ကိုယ်က အများကြီး တောင်းပန်နေတာမလို့ ဘေဘီက ကိုယ့်ကို ခွင့်လွှတ်ပေးပါလား...ကိုယ့်ကိုမသနားဘူးလားဟင်... "

"ခွန်sky ကြောင့်ပဲလေ။ မိန်းမတွေနဲ့ရှုပ်နေတာ...."

"ဟေး ကိုယ်မရှုပ်ဘူးနော်။ ဘေဘီလဲမြင်တာပဲ သူ့ကိုယ့်ကို အတင်းလိုက်ကပ်တာလေကွာ..."

"ခွန်sky အရင်ကအခွင့်အရေးပေးခဲ့လို့..."

စိတ်ကောက်သူမှာပြောနေရင်းမျက်နှာလေးတည်တင်းလာပြန်သည်မလို့ sky မှာခေါင်းခဲရပြန်သည်။

"နောက်မဖြစ်စေရပါဘူးကွာနော်။ ကိုယ့်မှာ ဘေဘီတစ်ယောက်ပဲရှိတာပါ။ ကိုယ်အားလုံးကိုမှာထားပါ့မယ် ကိုယ့်အိမ်က အမျိုးသားလေးက မကြိုက်လို့ အနားကိုမကပ်ကြပါနဲ့လို့လေ..."

"ခွန်sky နော်!"

ရှက်သွားသည်ထင်သည်။ sky ၏ရင်ဘတ်အားလက်သေးသေးကလေးများဖြင့်ထုရိုက်လာသည်။ ထုရိုက်နေသည့်လက်ကလေးအား sky ဖမ်းဆွဲပြစ်လိုက်ရင်း..

"အဲ့ဒီ့ ခွန်sky ဆိုတာကြီး ဘယ်အချိန်အထိခေါ်နေအုံးမှာလဲ။ မနေ့ညကခေါ်သလိုလေးပြန်ခေါ်ကြည့်ပါလား ကိုယ်ကြားချင်လို့..."

"ဘာ...ဘာလဲ မခေါ်ဘူး!"

"ခေါကြည့်ပါ ကိုယ်ကြားချင်လို့... "

"မခေါ်ဘူးလို့ ခွန်....အ့...မလုပ်နဲ့ ယားတယ်လို့..."

မခေါ်မချင်း စနောက်ကာ အိပ်ယာပုံပေါ်တွင်လှဲစေပြီး ခါးသွယ်သွယ်လေးအား လက်ညိုးဖြင့်တို့ထိကာစတော့ အနီလုံးလေးဆီက သွားတန်းကလေးတွေပေါ်ရုံသာမက ရယ်သံကလေးတွေပါထွက်လာသည်။ နှစ်ယောက်သား အိပ်ယာပေါ်တွင် လုံးထွေးနေသည်မှာအချိန်အတော်ကြာပင်။ nani လုံးလုံး စိတ်ပြေအောင်ချော့ပြီးခါမှ sky မှာစိတ်အေးရတော့သည်။ သဘောတူညီမှုအနေနဲ့ကတော့ နောက်တစ်နေ့ သူကြည့်ချင်သည့်ရုပ်ရှင်လိုက်ပြပေးရမည်ဖြစ်သည်။

အလိုမလိုက်လို့မရ နောက်တစ်ခါ အခန်းပြင်မှာမအိပ်ရဖို့က sky အတွက်အရေးအကြီးဆုံးပင်ဖြစ်သည်။

~~~~~~~~~~~~~

ရုပ်ရှင်ရုံသို့ ရောက်တော့ sky အတွဲခုံ၌လက်မှတ်ဖြတ်သည်။ skyနှင့်ယူပြီးကတည်းက ရုပ်ရှင်မကြည့်ရတာ ကြာပါပြီဆိုတဲ့ ဟာလေးကြောင့် အလိုလိုက်အကြိုက်ဆောင်ကာ လိုက်ပြပေးရသည်။ ဒါတောင်မှ အရင်တုံးက sun နဲ့အတူကြည့်နေကြဆိုပြီး sun ကိုပါခေါ်ဖို့လုပ်နေသည်ကြောင့် တားယူရသေးတာဖြစ်သည်။

"ဘေဘီ မုန့်တွေထပ်ဝယ်အုံးမလား..."

လက်ထဲတွင် လက်ဆွဲပုံးနှင့် ပေါက်ပေါက်ဗူးအားကိုင်ထားသည့် nani အားကြည့်ကာမေးတော့ခေါင်းယမ်းပြသည်။ တစ်ခြားဝယ်ထားသည့် မုန့်ထုပ်တွေက sky လက်ထဲမှာပြည့်နေသည်။ဇတ်ကားပြီးတဲ့အထိ စားလိုမကုန်နိုင်သည့်မုန့်တွေကြောင့်ထပ်ဝယ်ရန်မလိုတော့ပေ။ ယူထားမိတာကလဲ ကလေးလေးကိုဆိုတော့ sky မှာကလေးလိုက်ထိန်းသလိုကိုဖြစ်နေတော့သည်။

ရုပ်ရှင်ရုံအတွင်းနေရာယူပြီးမကြာမီ ရုံအတှင်းမီးအား အမှောင်ချလိုက်ပြီဖြစ်သည်ကြောင့် ရုပ်ရှင်ပိတ်ကားထပ်မှ အလင်းရောင်ကလွဲ၍ကျန်တာကိုသဲကွဲစွာမမြင်ရပါ။

"ဘေဘီ အေးနေလား..."

အဲကွန်း ကြောင့် အေးနေမည် စိုး၍ sky, nani အားမေးမိတော့ ပေါက်ပေါက်စားနေရင်း ခေါင်းလေးငြိမ့်ပြလာသည်။ စောင်အား နှစ်ယောက်လုံးရဲ့ ကိုယ်ပေါ်သို့ လွှမ်းခြုံပြစ်လိုက်ပြီး nani ကိုယ်လေးအား ရင်ခွင်ထဲသို့ဆွဲထည့်လိုက်သည်။ရုပ်ရှင်အား အာရုံစိုက်နေသည်မလို့ skyအားမငြင်းဆန်ပဲအလိုက်သင့်ကလေးပါလာသည်။

ပေါက်ပေါက်ဝါးရင်း အာချောက်လာ၍ထင်သည်။ လက်တန်းတွင်ရှိသည့် ကိုလာဗူးအားယူသောက်သည်။ နှုတ်ခမ်းလေးအားစုချွန်ကာ သောက်နေသည်မလို့ နှုတ်ခမ်းလွှာတို့က မြင်နေရသည့်အလင်းရောက်အောက်တွင် စိုလဲ့ကာနေသည်။ စိုရဲနေသည့် နှုတ်ခမ်းလွှာတို့အားကြည့်ပြီး skyမှာ ရေငတ်လာပြီး နှုတ်ခမ်းအား ခဏခဏ သပ်နေမိသည်။ sky ဖြစ်ပျတ်နေသည့်ပုံအား ရင်ခွင်ထဲမှသူကဘာမှမသိပါ။

Sky မနေနိုင်တော့သည့်အဆုံး ရုပ်ရှင်ကိုအာရုံစိုက်နေသူအား မေးဖြားကလေးမှဆှဲမော့ကာ နမ်းမိတော့သည်။

"ပြွတ်စ်...အွန့်..ခွန် ~~~"

ရုပ်ရှင်ရုံထဲတွင်ဖြစ်သည်မလို့ nani ၏တားမြစ်သံကလေးမှာခပ်တိုးတိုးပင်။ ဒါကိုပင် sky က အခွင့်ကောင်းယူကာ အနမ်းတို့အားပိုရဲတင်းပြစ်သည်။

နှုတ်ခမ်းလွှာတို့အား စုပ်ယူပြစ်သည်မှာ ခပ်ကြမ်းကြမ်း။ နူးညံ့သည့် နှုတ်ခမ်းလွှာလေးတို့မှာ ဂျယ်လီတုံးကလေးများနှင့်ပင်တူသည်။ နမ်းလေနမ်းလေ မဝလေလေ ဖြစ်နေသည်မလို့ နှုတ်ခမ်းတို့အားပိုတိုး၍စုပ်ယူမိပြန်သည်။ နှုတ်ခမ်းအား တင်းတင်းစေ့ထားသူကြောင့် sky နမ်းရသူသည်မှာ အားမရဖြစ်လာရသည်။ အောက်နှုတ်ခမ်းထူထူကလေးအား သွားချွန်ချွန်ဖြင့် ဖိကိုက်လိုက်တော့ အော်သံသေးသေးလေးနှင့်အတူ sky ၏လျှာဖျားက nani ၏ခံတွင်းထဲသို့ဝင်ရောက်လာသည်။

"ပြွတ်စ်...အွန်း~~"

Nani ကိုယ်လေးအား သူ၏လက်တစ်ဖက်ဖြင့်ရုန်းမရအောင်သိမ်းကြုံးဖတ်ထားသည်မှာ ကျိုးကြေမတတ်ပင်။

ဝင်ရောက်လာသည့် လျှာဖြားနွေးနွေးက nani ၏လျှာဖျားကလေးကို လိုက်ဖမ်းသည်။ မရှောင်နိုင်တော့သည့် nani မှာ သူ့ထံတွင်သာ ထပ်မံကျရှုံးရပြန်သည်။ လျှာနှစ်ခုကိုရစ်ပတ်ကာ စုပ်ယူပြစ်သည်မှာ အသံပိစိကလေးများဖြင့်ထွက်လာသည်။ ဘေးကလူတွေကြားသွားမည်ဆိုးတာကြောင့် nani သူ့ပခုံးကိုတွန်းဖယ်ပြစ်ပေမယ့် ဖယ်မပေးပေ။ အဲ့ဒီ့အစား nani လက်ကလေးကို ဖိချုပ်ပြီး မွတ်မွတ်သိပ်သိပ်ကိုနမ်းပြန်သည်။

သူရော nani ပါ အသက်ရှုကြပ်လာသည့် အချိန်ကျမှ နှုတ်ခမ်းတို့်အားလွတ်မြောက်ခွင့်ပေးသည်။ အနမ်းတို့ ဖယ်ခွာသွားသည့်အချိန်တွင် nani နှင့်သူ၏အကြား အနမ်းတို့ကြောင့် ငွေရောင်အမျှင်ကလေးတန်းလို့နေသည်။ သူ့ အနမ်းတို့ကြောင့် စိုလဲ့နေသည့် အရာများအား လက်မဖြင့်ဖွဖွဖိ်သုတ်ပေးသည်။

နောက်ပြီး sky မှာ အသက်ရှုသံတို့မြန်နေကာ တစ်ခုခုအား ထိန်းချုပ်နေရသည့်ပုံပင်။

"ခွန်~~"

Sky ,မီးအလင်းရောင်သဲ့သဲ့အောက်တွင် မြင်နေရသောမျက်နှာလေးကို ရီဝေရီဝေကြည့်ကာ လည်တိုင် လေးထံသို့ထပ်မိတိုးကပ်မိပြန်သည်။

လည်တိုင်သို့တိုးကပ်လာသူက nani ကျောအောက်တွင်လက်ဝင်လျှိုကာ ကျစ်နေအောင်လည်းဖတ်ထားသေးပြန်သည်။ nani ၏လက်တွေကိုဘယ်မှာထားရမလဲမသိတာကြောင့် သူ့ပခုံးပေါ်သို့ကာ လက်ကလေးနှစ်ဖက်အားတင်ထားမိသည်။

လည်တိုင် ကြားတွင်ခေါင်းရောက်နေသူက လည်ပင်းသားနုနုတို့အားနှာခေါင်းနစ်ဝင်အောင်နမ်းသည်။ နမ်းနေရင်းပင် နှုတ်ခမ်းတို့ဖြင့်စုပ်ယူသည်။ စုပ်ယူနေရသည်ကိုပင် အားမရစွာ သွားဖြင့်ကိုက်ခဲလာသည်။

"အ့...ဟင့့်..နာတယ် ခွန်~~"

Nani အသံတိုးတိုးကလေးကိုကြားခါမှ ပိုတိုးလို့စုပ်ယူလာကာ ညှပ်ရိုးတွေပါမချန် ကိုက်ခဲစုပ်ယူပြစ်သည်။ သွားချွန်ချွန်တို့ဖြင့်အကိုက်ခံနေရသည်မလို့ နာကျင်လာရသည်။ အသံထွက်ပြီးလည်း မငြီးရဲသည်ကြောင့် သူ၏ဆံပင်တွေကြား၌သာလက်တို့လျှိုဝင်ကာ နာကျင်မှုကိုဖြေဖြောက်မိသည်။ ရုပ်ရှင်ရုံကထွက်ရင်တော့ nani ၏ လည်တိုင်တစ်ခုလုံးမှာညိုပုတ်နေတော့မှာပင်။

Sky၏ကောင်းမှုကြောင့် nani မှာ ရုပ်ရှင်တွင်လည်းအာရုံမစိုက်နိုင်တော့ပါ။ ဇတ်ကားပြီးသွားသည်အထိ nani ဘာမှမသိလိုက်ရပါ။

ဒီနေ့အပြီး nani ဆုံးဖြတ်ချက်ချလိုက်မိသည်က နောက်တစ်ခါ ခွန်sky နဲ့ရုပ်ရှင်အတူတူမကြည့်တော့ဖို့ပင်ဖြစ်သည်။

~~~~~~~~~~~~~~~~~~~~~~~~

6.12.24 (Mon)

မသနားကြနဲ့တော့ ခွန်စကူးတို့ အဝနမ်းနေရပြီ ><

6.6К3230

Previous chapter Next chapter

There are no comments yet. Log in to be the first to leave a review!

Ep - 13

Similar stories