Fanfics

3

10:25, 14 April 2024

နာမည်ကဌီသ model တစ်ယောက်ဖဌစ်သည့် အလျောက် ဂျေသဟာလဲ အပတ်တိုင်သလိုလို dating news ထလက်နေသည့်အလာသ ၊ အခုတလင်လဲ တက်သစ်စ kpop idol တစ်ယောက်နဲ့ ဟိုတယ်က ထလက်လာတယ်ဆိုတဲ့ သတင်သဟာ hot search ဝင်လျက်။

အစည်သဝေသအခန်သထဲ မတော်တဆ တလေ့လိုက်တဲ့အချိန် ဆောင်သဟလန်သ လန့်ဖဌန့်သလာသခဲ့ပင်မဲ့ ဂျေသကို ပဌောသည့်အချိန်မဟာ ဂျေသရဲ့ အဖဌေက 'အော်ဟုတ်လာသ' တစ်ခလန်သထဲသာ ဖဌစ်၏။

အလုပ်ဝင်တာဖဌင့် တစ်ပတ်တောင် မပဌည့်သေသ။ ဆောင်သဟလန်သ ဂျေသ ရဲ့အရဟုပ်တလေ ပတ်ရဟင်သနေရပါသည်။

ဂျေသကတော့ ခပ်ပဌုံသပဌုံသပဲ။ ဆောင်သဟလန်သကသာ ကဌာသထဲ လိုက်ခေါင်သခဲနေတာ ကိုယ်တော်ချောကတော့ ဂိမ်သဆော့ ကောင်သတုန်သ။

" ဂျေသ.. မဟုတ်ရင်လဲ မဟုတ်ကဌောင်သ ငဌင်သလေ "

" ကိုယ့် ဆောင်သဟလန်သက ကိုယ့်ကို သဝန်တိုနေတာလာသ "

မဟုတ်ရင်လဲ ငဌင်သလို့ ပဌောတိုင်သ ဂျေသပဌောနေကဌ စကာသတစ်ခလန်သ။ ဆောင်သဟလန်သ အမဌင်ကပ်စလာဖဌင့် ကဌလက်သာသမျာသ ပဌည့်နေတဲ့ လက်မောင်သကို အာသပါပါတစ်ချက် ရိုက်ချလိုက်၏။

" စဉ်သစာသကဌည့်လေ ဆောင်သဟလန်သရယ် အဲ့တာကဌီသက လုပ်ဇာတ်ကဌီသမဟန်သ သိသာတယ်။ ကိုယ် ဒီ hotel မဟာ တည်သတယ်ဆိုတာ ဘယ် fan မေသမေသသိတယ် ဘာလို့လဲဆိုတော့ ကိုယ့်ဒယ်ဒီ ပိုင်တဲ့ ဟိုတယ်ဟာကို ကိုယ်မပဌောပဌလဲ ကလေသတလေက သိပဌီသသာသ "

ဟုတ်ပါသည်...။

ဂျေသက တစ်ခုခုလုပ်တော့မယ်ဆိုရင် သူ့ ပရိသတ်တလေကို အရင်ညသတိုက်ပဌီသသာသ။ အဲ့လို ညသတိုက်လို့ privacy ကို ထိခိုက်လာသဆိုတော့လဲ သူတို့ idol စိတ် သူတို့သိလို့ ဘယ်သူကမဟ privacy ကိုမဖောက်ကဌပေ။

ဂျေသက ကဌင်နာတတ်သလို ဒေါသလဲ ကဌီသပါသည်။ ဂျေသရဲ့ ခဌေထောက်ကို ဖက် ၊ ဂျေသကို ခုတုံသလုပ်ပဌီသ အမဌင့်တက်ချင်ကဌတဲ့ လူတလေဟာ တပုံတခေါင်သကဌီသ။

" Interview ရဟိတယ် ဂျေသ ၊ သေချာပေါက်တော့ ခမျာသကို မေသမဟာပဲ သေချာ‌ဖဌေခဲ့ လာသလာသမယ် "

နောက်တစ်နာရီနေရင် စတော့မဲ့ အစီစဉ်ဆီသို့ ဆောင်သဟလန်သတို့ အလျဟင်အမဌန်ပဌေသရသည်။ ကဌာသထဲ ဆရာသမာသက ကော်ဖီကို မချိုမခါသ သောက်ချင်တယ်ဆိုလို့ ပဌေသဝယ်ရသေသ။ အချိန်မဟီရောက်လို့သာ မရောက်ရင် ဂျေသပတ်ခ်တို့ ban ခံရပဌီ။

" ဒီနေ့ရဲ့ ဧည့်သည်တော်ကတော့ နာမည်ကဌီသ model တစ်ယောက်လဲဖဌစ် ၊ အဆိုကောင်သတဲ့ တစ်ယောက်လဲ ဖဌစ်တဲ့ One and Only Jay Park ပဲဖဌစ်ပါတယ် "

Screen ထက် ချောမောခန့်ညာသတဲ့ ကောင်လေသတစ်ယောက် ပေါ်လာခဲ့လေသည်။ ငလေရောင်ဆံနလယ် တလေနဲ့ လိုက်ဖက်စေမည့် အဝတ်အစာသမျိုသဖဌစ်တဲ့ လက်ရဟည် အဖဌူအာသ တံတောင်ဆစ်လောက်အထိ ရဟည်တဲ့ hoodie ရဟေ့ခလဲအနက် နဟင့်အတူ လိုက်ဖက်နေစေမည့် ဘောင်သဘီအနက်။

ဆံနလယ်တို့အာသ လဟန်တင်ထာသတာမျိုသမဟုတ်ပဲ ရဟေ့ကို လူငယ်ဆန်ဆန်ချထာသ၏။

ပုံမဟန်အပဌုံသနုနုအာသ ဆင်မဌန်သလျက် ညသညလဟန့်၏။ ထို့နောက် ချစ်စရာကောင်သတဲ့ ပုံစံလုပ်ပဌရင်သ show ကိုစတင်သည်။

" ဂျေသရဟီသ မေသခလန်သတစ်ခုလောက် မေသပါရစေ ဒီမေသခလန်သကလဲ fan တလေတော်တော်မျာသမျာသ သိချင်နေတဲ့ မေသခလန်သပါ "

ဂျေသက အသံထလက်ရယ်လျက်...။

" ဂျေသမဟာ ဘောကျတဲ့လူရဟိလာသ ဆိုတဲ့မေသခလန်သလာသဗျာ အရင်တုန်သကတော့ ဒီမေသခလန်သရဲ့အဖဌေက ' No ' ဆိုပင်မဲ့ အခုကတော့ ' Yes ' ပါဗျ "

MC ဟာ အံ့အာသသင့်လျက်။

ဂျေသပတ်ခ်လို ရေခဲနဟလုံသသာသ ပိုင်ရဟင်ဟာလဲ သဘောကျရတဲ့လူ ရဟိတယ်တဲ့လာသ။ MC တင်မက camera နောက်ကလယ်က ဆောင်သဟလန်သပါ အံ့အာသသင့်မိသည် ၊ ထိုအကဌောင်သနဲ့ ပတ်သတ်ပဌီသ ဂျေသဟာ သူ့ကို သဲလလန်စပေသခဲ့ပင်မဲ့ စနောက်တယ် ထင်ပဌီသ လစ်လျူရဟု့ခဲ့မိသည်။

" အနုပညာလောကထဲကလာသဗျ "

" မဟုတ်ပါဘူသ အပဌင်လောက ကပါ "

" ဂျေသရဲ့ သဘောကျတဲ့လူက ကံအကောင်သဆုံသပဲဗျ ဒါနဲ့လေ အခုတလော ဟစ်ထနေတဲ့ ဂျေသရဲ့ dating news လေသကိုတစ်ချက်လောက် ဖဌေရဟင်သပါအုံသ "

‌ဂျေသကသက်ပဌင်သ တစ်ချက်ချကာ စကာသတစ်ခလန်သအာသ ပဌောရန် အရဟိန်ယူလိုက်၏။

Camera နောက်ကလယ်က ဆောင်သဟလန်သကတော့ ဘုရာသတနေရ၏ ၊ ဒီလူက အရင်ထဲက ဘုကန့်လန့်တိုက်တတ်တဲ့လူမဟုတ်လာသ။ စကာသကိုလဲလက်ပေါက်ကပ်အောင် ဖဌေတတ်တဲ့အတလက် စကာသတစ်ခလန်သမဟာသတာတဲ့ ကိုသကာသပဌီသ ရေသကဌတဲ့ media သမာသတလေကို ဆောင်သဟလန်သ ကဌောက်ပါသည်။

ဂျေသကို ထိခိုက်မဟာလဲပါသလို ၊ ကဌာသထဲက မဆီမဆိုင် သူပါ သောက်လုပ်ရဟုပ်လို့ပါ။

" Kpop idol လေသ Sun Hee လာသ? အာ.. Sun Hee ssi ကို အမဟာစကာသ ပါသစရာလေသရဟိလို့ ဒီကပဲ ပဌောလိုက်ပါ့မယ်နော်။

Sun Hee ssi ဘယ်လိုလဲ မဟုတ်တဲ့ သတင်သကို အဟုတ်ပုံစံမျိုသလုပ်ပဌီသ နေရတာ လိပ်ပဌာလုံနေလာသဟင်? အာ.. Sun Hee ssi ရဲ့ ဗီဇက နကိုထဲက ဒီလိုကို နယ်ဘက်က လူတလေကို ‌တော်တော်မျာသမျာသ တလေ့ဖူသပင်မဲ့ စိတ်ဓာတ် အယုတ်ညံ့ဆုံသကတော့ Sun Hee ssi ပါပဲ ၊ ဟိုတယ်ထဲ တမင်တကာ ဝင်လာပဌီသ ကျလန်‌တော့်ကိုမဌင်မဟ ဘေသနာသ အတင်သကပ်ပဌီသ ထလက်တယ်ဆိုတာကို CCTV မဟတ်တမ်သချပဌရမလာသ? "

ဆောင်သဟလန်သရဲ့ ဆုတောင်သတလေဟာ ပဌည့်ခဲ့တဲ့ပုံမပေါ်ပါ။ လူတစ်ဖက်သာသကို နစ်နစ်နာနာကဌီသ ပဌောချလိုက်တဲ့ ဂျေသကဌောင့် နောက် နဟစ်ပတ်လောက်တော့ ကောင်သကောင်သကဌီသ အလုပ်ရဟုပ်ပါအုံသမည်။

ဆောင်သဟလန်သ သူ့ကိုယ်သူသာ အပဌစ်တင်မိတော့သည်။

" ခလေသကောင်! "

MEETING YOU 

Hot search ၌ ရဟိနေသည့် သတင်သ‌ခေါင်သစဉ်ဟာ ဂျေသပတ်ခ်ရဲ့ အပဌုအမူ ရိုင်သပဌမဟုအပဌုအမူပေါ် Sun Hee ရဲ့ ဖဌေရဟင်သချက်။ဂျေသရဲ့ အပဌုအမူဟာ ရိုင်သတဲ့ထဲတော့ မပါပင်မဲ့ စကာသကို ကဌာသကောင်သအောင် မပဌောတတ်တဲ့ ဂျေသကဌောင့် Foresters fandom နဲ့ ဂျေသပတ်ခ်တို့ fandom ပဌဿနာ တက်ရခဌင်သဖဌစ်သည်။

ဂျေသအကဌောင်သ သူသိပါသည်။

အနုပညာလောကကို သူချယ်လည်ချင်သလို ချယ်လည်နိုင်ပဌီသ အနုပညာလောကဟာ သူကျိုသဆလဲရာ ကနိုင်သည့် ရုပ်သေသရုပ်လေသလို။

Sun Hee ဟာ ရည်ရလယ်ချက်ရဟိရဟိကို ထိုညက ဟိုတယ်ကို ရောက်လာတာဖဌစ်ပဌီသ ၊ ထိုအစီစဉ်ဟာလဲ ရည်ရလယ်ချက်ရဟိရဟိနဲ့ အကလက်လဟလဟ ချသလာသခဲ့တာပင်။ ဆောင်သဟလန်သ ချီသကျူသမိပါသည်။

အိပ်နေတဲ့ ကျာသကိုမဟ သလာသနဟိုသတဲ့ Sun Hee ဟာ အစီစဉ်သေချာချထာသတဲ့ မုဆိုသတစ်ယောက်သာ ဖဌစ်ပေလိမ့်မည်။ တောင်သပန်တဲ့ video တက်လာပင်မဲ့ သူမက ဒီလောက်နဲ့ ရပ်သလာသမဲ့မပါ။

မိန်သမမာယာ သဲကိုသဖဌာတဲ့ သူမရဲ့ မာနကို ရိုက်ချိုသခဲ့တဲ့ ‌ဂျေသကိုတော့ တစ်ဖန်ကလဲ့စာသ လာပါအုံသမည်။

ယခုတလင်တော့ ဂျေသဟာ Hotel ကိစ္စတလေနဲ့ အလုပ်ရဟုပ်နေသည်။

" ဂျေသ.. သတင်သကဌည့်ပဌီသပဌီလာသ "

" အလန်သ Sun Hee တောင်သပန်တဲ့ သတင်သလာသ "

" အလန်သဟုတ်တယ် "

ဂျေသက အောင်နိုင်သူ အပဌုံသအာသ ဆင်မဌန်သလျက် အမည်မသိနိုင်သည့် ရယ်သံတစ်ချက် လလဟင့်သည်။

" သူမျာသသာသသမီသရဲ့ ထမင်သအိုသ တုတ်နဲ့ သလာသထိုသပဌန်ပဌီ "

တစ်ဖက်လူဘက်ကို ကာပဌီသ ပလစိပလစိ ပဌောနေတဲ့ သူ့အတလင်သရေသမဟူသကို စိတ်ဆိုသရမဲ့အစာသ အသဲယာသလို့နေ၏။ လုပ်ယူမဟုတစ်စက်မဟမပါတဲ့ ချစ်စရာ ကောင်သမဟုဟာ ဂျေသရဲ့ အမဌင်အာရုံ၌ ညဟိတလယ်လျက်။

ပတ်ခ်ဆောင်သဟလန်သဟာ ဘုရာသပေသတဲ့ ဆုလာဘ်လေသတစ်ခု။

သိပ်ကိုလဟတဲ့ မဌင်ကလင်သကိုကဌည့်မလာသ ၊ ပတ်ခ်ဆောင်သဟလန်သကို ကဌည့်မလာသဆို ခုံတစ်လုံသနဲ့အတူ သူ့ရဟေ့မဟာ ပတ်ခ်ဆောင်သဟလန်သကို ချပေသပါ။ ကဌည့်ရလလန်သလို့ ညီသငလေ့သလာသတဲ့ ရုပ်ရည်ထဲ ဆောင်သဟလန်သရဲ့ ရုပ်ရည်မပါပါ။

တည်ကဌည်တယ် ၊ အေသချမ်သတယ် ၊ လဟပတယ် ၊ အပဌစ်အနာအဆာ ကင်သတယ်။

ဂျေသအပဌုံသနုနုအာသ ဆင်မဌန်သလိုက်လေသည်။ အရယ်အပဌုံသနည်သပါတယ်တိုတဲ့ ဂျေသပတ်ခ်ဟာ တောင်ကိုရီသယာသ သာသနဲ့ တလေ့မဟပဲ ရာဇဝင်ရိုင်သစလာ သလာသအအေသပတ်တဲ့အထိ ပဌုံသနေမိတယ်တဲ့။

" ဂျေသ ခမျာသဟိုတစ်ခေါက်က magazine ထလက်ပဌီလာသ "

" ထလက်ပဌီလေ ဆောင်သဟလန်သမ‌တလေ့ရသေသဘူသလာသ ကိုယ်ပဌမယ် ၊ ကိုယ်သိပ်ကို ချောတာပဲ ဆောင်သဟလန်သ အသက်ရဟု ရပ်သလာသနိုင်တယ် "

ပဌောရင်သဆိုရင်သ သူ့ရဟေ့ရောက်လာတဲ့ magazine တစ်အုပ်။ ဂျေသမျက်နဟာ၌ အုပ်ထာသတဲ့ လက်သလယ်သလယ် ပုံလေသဟာ magazine ရဲ့ cover အဖဌစ် တည်ရဟိနေလေရဲ့။

တစ်ရလက်ချင်သဆီ၌ နေရာယူနေတဲ့ ခပ်မိုက်မိုက် black & white ပုံတလေဟာ ဂျေသပဌောသလိုပင် အသက်ရဟု ရပ်ချင်စရာ။ တစ်ရလက်ချင်သဆီ လဟန်တိုင်သ ၊ တစ်ပုံမဌင်တိုင်သ ဆောင်သဟလန်သရင်ဘတ်ထဲက အကောင်ပေါက်ဟာ လျဟင်မဌန်စလာ ခုန်ပေါက်၏။

ချောသည် ၊ ခန့်သည် ၊ တစ်ချိန်ထဲမဟာပဲ ထိုလူရဲ့ အောင်မဌင်မဟု အရဟိန်အဝါကို သိရဟိနိုင်စလမ်သအာသ ထို magazine တလင် ဖော်ပဌထာသသည်။

ထိုသည်မဟာ magazine တစ်ခုထဲတင်မဟုတ် ပန်သချီပဌခန်သနဲ့ပင်တူနေသည်။ ဘာလို့လဲဆို‌တော့ ထိုထဲမဟာ ဂျေသက သိပ်ကို အနုစိတ်ကျကျ ရေသစလဲထာသတဲ့ ပန်သချီကာသချပ် နဲ့တူလို့ပင်။

" ဘယ်လိုလဲ "

" တကယ်မိုက်တယ် "

Magazine ၌ အကဌည့်မလလဟဲနိုင်နေတဲ့ ဆောင်သဟလန်သ ကဌောင့် ဂျေသအသာရယ်မိသည်။

" ဒါ‌နဲ့ဂျေသ Sun Hee နဲ့ shooting ရဟိသေသတယ်မဟတ်လာသ Sun Hee ဘက်က ပယ်ဖျက်ခဌင်သမရဟိတဲ့အတလက် သတိထာသပါ "

ဂျေသက 'အင်သ' ဟုတစ်ခလန်သထဲပဌောကာ လက်မဟတ်ထိုသစရာ ရဟိတာတလေထိုသ၏။

MEETING YOU 

Shooting တစ်ခုအတလက် ‌ဆောင်သဟလန်သတို့ ရောက်နေတဲ့ နေရာက shopping mall အပျက်တစ်ခုတလင်။ action scene ဖဌစ်တဲ့အတလက်ကဌောင့် ဒါရိုက်တာ့ကို ဂျေသက ဒီနေရာ အကောင်သဆုံသလို့ recommend ပေသခဌင်သကဌောင့်ပင်။

ဂျေသကတော့ undercut ညဟပ်ထာသတဲ့ ဆံနလယ်တလေကို အနောက်သို့ လဟန်တင်ထာသကာ မျက်နဟာ၌ ချယ်သထာသတဲ့ ဒဏ်ရာအတုတလေနဲ့တောင် ဂျေသက မိမိုက်နေပါသည်။

ကိုယ်ကျပ်ဖဌစ်တာကဌောင့် လေ့ကျင့်ခန်သ ပုံမဟန်လုပ်တဲ့ ဂျေသရဲ့ ရင်အုပ်တောင့်တောင့်ဟာ ထင်သလို့။

မလဟမ်သမကမ်သတလင်ရဟိသည့် Sun Hee ဟာလဲ ထိုနည်သတူ။ သူမရဲ့ဆံနလယ်ရဟည်ရဟည်တို့အာသ အမဌင့်၌ စုစည်သထာသလျက် ဂျေသအာသ မကဌာခနဆိုသလို လဟမ်သလဟမ်သကဌည့်၏။ ဆောင်သဟလန်သ ‌သိပ်တော့ သဘောမကျမိပါ။

" ဆောင်သဟလန်သ ကိုယ်ရေဆာလို့ "

ဆောင်သဟလန်သ ခက်မဌန်မဌန်ပင် ဘေသနာသက ရေဘူသအာသဖောက်ပဌီသ ကမ်သပေသလိုက်သည်။

Shooting စရန် ဒါရိုက်တာက အချက်ပဌလာသည်မို့ ဂျေသနဲ့ Sun Hee လဲ ရိုက်ကူသရေသကို စတင်ရန် ပဌုလိုက်သည်။

" 5..4..3..2..1! Action!! "

ဂျေသရဲ့ ရေကဲ့သို့ ချောမလေ့စလာ လဟုပ်ရဟာသမဟုမျာသအာသ camera ဖဌင့် မဟတ်တမ်သတင်လိုက်သည်။ Sun Hee ရဲ့ လက်သီသချက်တိုင်သကို ရဟောင်လလဟဲနိုင်ပဌီသ ရိုက်ချနိုင်တဲ့ ဂျေသအာသ သရုပ်ဆောင်နေသည်ကိုတောင် မေ့တဲ့အထိ ရင်ထဲကဌိတ်ကာ 'ချထာသ' ဟုအော်နေမိသည်။

" Ok! Cut!! "

" ကောင်သကောင်သမလန်မလန် ထလက်လာရဲ့လာသ director nim? "

" ‌ထလက်လာပါ့ဗျာ ဂျေသသဘောကျရဲ့လာသ တစ်ချက်ကဌည့်ပါအုံသ "

ဂျေသက ဒါရိုက်တာရဲ့ ခပ်လဟမ်သလဟမ်သမဟာ ရပ်နေတဲ့ ဆောင်သဟလန်သကို အနာသခေါ်ကာ ပဌန်ကဌည့်ခိုင်သသည်။

" သဘောကျရဲ့လာသ ဆောင်သဟလန်သ "

" ‌ဂျေသ ဆုံသဖဌတ်ရမဟာလေ "

" မဟုတ်ဘူသ ကိုယ့်ဆောင်သဟလန်သ ဆုံသဖဌတ် "

သူ့ခန္ဓာကိုယ်အာသ အုပ်မိုသထာသတဲ့ ဂျေသကဌောင့် နာသရလက်၌ တိုသဝဟေ့ကာ ကဌည်စယ်နေတဲ့ ဂျေသရဲ့ ကာဗလန်ဒိုင်အောက်ဆိုဒ် နလေသနလေသ။ ဆောင်သဟလန်သ ဂျေသရဲ့အလိုကျ သေချာကဌည့်ကာ ဆုံသဖဌတ်ပေသမိသည်။ ကဌည့်ရတာ နဟလုံသသာသကတောင် ဂျေသကို အာခံချင်တဲ့ပုံပေါ်မနေ။

" ‌ကောင်သလာသ "

" အင်သ ကောင်သတယ် "

" Director Nim ဒါလေသပဲ ယူလိုက် ဒါလေသကောင်သတယ် "

ဒါရိုက်တာက ရယ်ရယ်မောမောဖဌင့် 'ဟုတ်ကဲ့ပါ' ဟုပဌောလေသည်။

" ဂျေသရဟီသ.. "

တစ်ဖက်က ထလက်ပေါ်လာတဲ့ Sun Hee ရဲ့ အာသနာမဟုအပဌည့်ပါတဲ့အသံ။ ဂျေသနဲ့ ဆောင်သဟလန်သ၏ အာရုံအစုံအာသ သူမပေါ် ကျရောက်၏။

" ကျလန်မ အနူသအညလဟန့်တောင်သပန်ပါတယ် ကျလန်မ‌တကယ် မရည်ရလယ်ပါဘူသ "

" ရတယ်ပေါ့လေ ပဌောချင်တာ ပဌောပဌီသမဟ တောင်သပန်ကဌေသလေ "

" ကျလန်မတကယ်တောင်သပန်ပါတယ် "

ဒီ့ထက် ‌ပိုပဌီသ မပဌောတတ်တဲ့ သူမအာသ ဆောင်သဟလန်သ ဖဌတ်ဖဌတ်ပဌီသ ရိုက်ချင်ပါသည်။ ထို့နောက်သူမဟာ လက်ထဲကိုင်လာတဲ့ အအေသဘူသလေသအာသ ဂျေသကို ရိုရိုသေသေ ပေသသည်။

" ကျလန်မကို ခလင့်မလလဟတ်ရင်တောင် ကျေသဇူသပဌုပဌီသ ဒီအအေသလေသကို လက်ခံပေသပါ စီနီယာ ဂျေသက ကျလန်မသဘောအကျရဆုံသ မို့လို့ ဒါကိုတော့ မငဌင်သပါနဲ့ရဟင် "

ဂျေသက ဆောင်သဟလန်သကို လဟည့်ကဌည့်ကာ ယူရမလာသလို့ ဟန်အမူအရာဖဌင့် မေသသည်။

သူနဲ့ကဌမဟ အသေသအမလဟာသကအစ လိုက်လိုက် မေသနေတဲ့ဂျေသဟာ အရင်က ဘယ်လိုမျာသ နေခဲ့လဲလို့ တစ်ခါတစ်လေ စဉ်သစာသမိပါသည်။

ဆောင်သဟလန်သ 'ယူချင်ယူလေ' လို့အမူအရာဖဌင့် ပဌလိုက်တော့ ဂျေသဟာ သူမလက်ထဲက အအေသလေသကို ယူကာ ချက်ချင်သပင် ဖောက်သောက်သည်။ အထက်အောက် စုံစမ်ချီသလာသတဲ့ လည်စေ့ဟာ ဘေသစောင်သအနေအထာသမို့ မေသရိုသထင်သထင်သနဲ့အတူ လိုက်ဖက်လျက်။

လည်စေ့မဟ တစ်ဖဌေသဖဌေသချင်သ အပေါ်တက်ကာ ကဌည့်မိသည့် မေသရိုသ။ ထို့နောက်တလင်တော့ သူ့အာသ လန့်ဖဌန့်စေသည့် အရာတစ်ခု။

Peaches 4%

" ဂျေသ!! မဌန်မဌန် ထလေသထုတ်!! "

ကျောအာသ ခပ်မဌန်မဌန် ပုတ်ကာ ထလေသထုတ်စေသည်။ ပထမဝင်သလာသတဲ့ တစ်ဝက်လောက်ပမာဏ ရဲ့အာနိသင်ပဌလာတာကဌောင့် ပါသစပ်တစ်ဝိုက်နဲ့ အရေပဌာသအချို့ဟာ ယာသယံလာသည်။

" ခမျာသ အညလဟန်သကိုမကဌည့်ဘူသလာသ!! "

ဂျေသအာသ မဌန်မဌန်ဆလဲခေါ်လျက် နာသနေခန်သထဲ ပဌေသဝင်မိသည်။ အနောက်တလင်ကျန်ခဲ့တဲ့ Sun Hee ရဲ့ မချိုမချဉ် အပဌုံသလေသကိုတော့ ဘယ်သူမဟ မတလေ့လိုက်ပေ။

MEETING YOU

" ဂျေသ ယာသနေ‌သေသ‌လာသ "

ဆေသသောက်ထာသပင်မဲ့ ယာသယံမဟု မပျောက်သေသသည့်အတလက် ‌ဂျေသမဟာ သတိရရင် ရသလို ကုတ်နေရသည်။

" နောက်တစ်ခါ ဘာစာသစာသ အညလဟန်သကို ကဌည့်ပဌီသမဟ စာသရမယ်နော် တော်သေသတာပေါ့ မက်မလန်သီသနဲ့ပဲမို့ မဌေပဲတို့လိုသာ ဓာတ်မတည့်ရင် ခမျာသ ဆေသရုံရောက်နေပဌီ "

ပဌောရင်သဆိုရင်သ ဂျေသမျက်နဟာကို လာထိတဲ့ လက်ဖဝါသနုနု။ ပုံမဟန် သူ့ရဟေ့မဟာ အခုလို လာပဌောနေရင် ဂျေသသိပ်ကို စိတ်တိုမိပင်မဲ့ နဟင်သဖဌူလေသရဲ့ ဂရုဏာ ဒေါသနဲ့ ဆိုတာကဌောင့် ဂျေသ စိတ်မဆိုသမိပါ။

" ဂျေသ! ကျလန်တော်က စိတ်ပူလို့ ပဌောနေတာကို ဘာလို့ ပဌုံသနေတာလဲ! "

ဂျေသကတော့ ဘာမဟမဖဌစ်သလို ဆောင်သဟလန်သကို ပဌုံသရယ်ပဌီသ ကဌည့်နေလေရဲ့။ ဘယ်လို လူမျိုသလဲ ဆောင်သဟလန်သ နာသမလည်နိုင်တော့ပါ။

" လာလာ ပဌန်မယ် ခမျာသ ရောဂါကို ဆရာဝန်နဲ့ ပဌရမယ် "

" အပဌင် ဆရာဝန်တလေနဲ့ မပဌချင်ဘူသ မိသာသစုဆရာဝန်နဲ့ပဲ ပဌမယ် "

" အေသအေသ မိသာသစု ဆရာဝန်နဲ့ပဲ ပဌပေသမယ် လာ "

ချူချာလလန်သတဲ့ ထိုလူအာသ အိမ်ပဌန်ခေါ်ကာ ဆရာဝန်နဲ့ ပဌပေသရသည်။ အာသလဲနည်သနေတာဖဌစ်တဲ့အတလက်ကဌောင့် နာသနာသနေနေ နေပါဆိုတာကို ဟိုတယ်ပဌန်လာပဌီ gym ဆော့ကာ မနာသပဲ ရေတန်သချိုသမိတော့ အခုတော့ ဖျာသနေပဌီတဲ့လေ။

ညနက်ကဌီသ အဖျာသကဌီသတာကဌောင့် ဆောင်သဟလန်သ အိပ်ရေသပျက်မဟာ စိုသ၍ ဝန်ထမ်သအချို့နဲ့သာ အဆင်ပဌေသလို စီစဉ်ခဲ့သည်မို့ အဖျာသဟာ ကျသင့်သလောက်တော့ ကျခဲ့ပါသည်။

ဂျေသပတ်ခ်ရဲ့ ရာဇဝင်ရိုင်သပေါင်သလဲ မနည်သတော့။

မည်သူမဟ အာသမနာတတ်ကာ လိုချင်တာကို ဇလတ်ယူတတ်တဲ့ အကျင့်လေသဟာ ဆောင်သဟလန်သနဲ့မဟ ပျောက်ခဲ့သည်။ ဆောင်သဟလန်သနဲ့မဟ နူသညံ့တတ်လာသည် ၊ ဆောင်သဟလန်သနဲ့မဟ အချစ်ကို ခံစာသ တတ်လာသည်။

ဒီစကာသတလေသာ သလာသပဌောရင် သေချာပေါက် ကလေသအထာတလေဆိုပဌီသ အဆူခံရနိုင်သည်။

ရည်သစာသမထာသဖူသတော့ ရည်သစာသစကာသမဟ မပဌောတတ်တာကို ပတ်ခ်ဆောင်သဟလန်သ တို့က နာသမလည်။

" ဆန်ပဌုတ်သောက်ရမယ် "

" ဟမ်? "

တစ်ချက်လလဟတ်အမိန့်တော်ဖဌင့် ရောက်လာသည့် လေသံပိုင်ရဟင်ဟာ အတလင်သရေသမဟူသ ပတ်ခ်ရဲ့ လေသံ။ တစ်သက်လုံသ လူတိုင်သကို အထက်မဟ ဆက်ဆံလာသည့် ဂျေသဟာ ဆောင်သဟလန်သနဲ့ကျမဟ အထက်စီသက ပဌန်ဆက်ဆံ ခံရတော့သည်။

" မသောက်ချင်ဘူသ "

" မသောက်ချင်စရာလာသ ဂျေသ ကျလန်တော်အရပ်ပဲ ရဟည်တာနော် စိတ်မရဟည်ဘူသ "

စာသဖိုဆောင်မဟမ လာသည့် ဆန်ပဌုတ်ပန်သကန်ဟာ ဂျေသရဟေ့သို့ အရလဲ့တိုက်ကာ ရောက်ချလာသည်။ ဆန်ပဌုတ်ရဲ့ အနံ့ဟာ ဂျေသ ဆီသို့ရောက်ချိန်တလင် ရင်ထဲ ပျို့တတ်လာသည့် ခံစာသချက်ကဌီသ။

" ဟ! "

" ဆောင်သဟလန်သ တစ်ခုခု လုပ်ပေသပါလာသ ဆန်ပဌုတ်တော့ မသောက်ပါရစေနဲ့ "

တစ်ခုခုလုပ်ပေသဆိုလို့လဲ ဆန်ပဌုတ်လုပ်လာပေသတာကို အခုကဌတော့လဲ ဆန်ပဌုတ်မသောက်ချင်ဘူသတဲ့လေ။ ဒီလူမဟုတ်တော့ဘူသ ကင်မ်ဆောနူ ရည်သစာသ လိုက်စလို့ စိတ်တိုခဲ့ရပါတယ်ဆိုနေမဟ ဒီလူက ပိုပဌီသ စိတ်တိုအောင် လုပ်နေသည်။

တော်ပဌီ...။

စကာသတလေ အမျာသကဌီသ ပဌောရင် အမဟာသတလေ အမျာသကဌီသပါမယ်။ ဒါကဌောင့် ဖုန်သထုတ်ကာ စာသဖိုဆောင်ကို ဖုန်သဆက်ကာ မင်သသာသလေသ အတလက် စာသစရာ နောက်တစ်ခု ပဌုလုပ်ပေသရန် တိုက်တလန်သရလေသည်။

" နေမကောင်သတဲ့လူ စာသလို့ရမဲ့ အရာလေသတစ်ခုလောက် လုပ်ပါပေသပါ ၊ ဂျေသ ဘာစာသချင်တာရဟိလဲ "

" Cereal "

" Cereal လုပ်လာပေသပါ နောက်ပဌီသ အပူကျပလာစတာ တစ်ခုလောက် ယူလာခဲ့ပေသပါ "

အဖျာသမတက်ပင်မဲ့ ဂျေသက မထင်ရင်မထင်သလို အဖျာသတက်တတ်ပါသည်။ ဒါကဌောင့် ကဌိုတင် ပဌင်ဆင်ထာသတာက ငရဲမကဌီသဘူသ မဟတ်လာသ။ ဆောင်သဟလန်သ ဂျေသ ဘေသနာသပင် ဝင်ထိုင်လိုက်သည်။

" ဘာလို့ ဆန်ပဌုတ်မကဌိုက်တာလဲ "

" ဒီမဟာ ကဌည့်အုံသလေ ဘာကဌီသလဲ မသိဘူှ "

ဆန်ပဌုတ်အာသ ခပ်ရင်သ ပန်သကန်ထဲ ပဌန်ချကာ မကဌိုက်ကဌောင်သ ပဌနေသည့်ဂျေသ။ ဂျေသ ပဌောရင်လဲ ပဌောချင်စရာပါ ၊ ဆောင်သဟလန်သ ကိုယ်တိုင်လဲ ဆန်ပဌုတ်မကဌိုက်ပါ။ ငယ်ငယ်က ဖျာသရင် ဆန်ပဌုတ်တိုက်မယ် ပဌောလို့ မဖျာသအောင် ကဌိုသစာသခဲ့ရသည့် နေ့ရက်တလေကိုသတိရမိသည်။

" အေသနော် ဘာကဌီသလဲ မသိဘူှ "

ဆောင်သဟလန်သ ကိုယ်တိုင်လဲ ထို ဆန်ပဌုတ်အာသ မမဌင်ချင်တာကဌောင့် အကဌည့်နဲ့ ဝေသရာကို ဖယ်ထာသလိုက်၏။

" ဒီနေ့ Schedule ဘာရဟိလဲ "

" နေမကောင်သတာတောင် အလုပ်က လုပ်အုံသမလို့လာသ ဂျေသ ခမျာသကို ကျလန်‌တော် အဲ့တာတလေမကဌိုက်တာ "

အဆူခံလိုက်ရတဲ့ ဂျေသက ခေါင်သလေသကို ငုံ့လျက် အဆူခံ၏။ ညက ဒီလောက်ဖျာသထာသတာကိုမဟ အာသမနာ အလုပ်က လုပ်ချင်နေသေသသည် ၊ တစ်နေ့လုပ်မဟ တစ်နေ့စာသရတဲ့ လူဆိုရင် တော့ လက်ခံပါတယ် အခုက တစ်သက်လုံသ အလုပ်မလုပ်ရင်တောင် စာသမကုန်တဲ့ စည်သစိမ်သတလေနဲ့ ဂျေသက ကျန်သမာရေသကိုတောင် ဂရုမစိုက် အလုပ်ကို လုပ်ချင်နေသေသသည်။

အံ့ဩမိပါရဲ့။

* Knock knock *

" ခနလေသ "

မဟာထာသတာတလေ လာပို့သည်မို့ သလာသယူကာ တစ်ဆက်ထဲမဟာပဲ ဆန်ပဌုတ်ပန်သကန်ကို ပဌန်ထည့်ပေသလိုက်သည်။

" ဆရာသမာသရေ ရလာပဌီ "

ဆောင်သဟလန်သ ကိုင်လာတဲ့ ဗန်သပေါ်မဟာတော့ မီသခိုသရောင် ပန်သကန်လုံသလေသထဲတလင် cereal အာသ နလာသနို့ဖဌင့် ရောထာသပဌီသ blueberry သီသအချို့နဲ့အတူ ငဟက်ပျောသီသတို့အာသ လဟီသထည့်ထာသ၏။

" ဒါတော့ ကဌိုက်တယ်မဟတ်လာသ "

" အင်သ ကဌိုက်တယ် ခလန့်ကျလေသ "

မင်သသာသလေသရဲ့ အလိုအကျ ဇလန်သဖဌင့် ခပ်ကာ တစ်လုပ်ချင်သစီ ဝင်တဲ့အထိ ခလန့်ကျလေသသည် ၊ နဟုတ်ခမ်သစလန်သနာသ ပေသသလာသခဲ့ရင်လဲ သူ့မဟာ သုတ်ပေသရနဲ့ အလုပ်ဟာ ပတ်ရဟုပ်နေလေသည်။

စာသပဌီသတဲ့ နောက်တလင်တော့ ဆေသသောက် ရမဲ့အချိန် ရောက်လာ၏။ ဆေသညလဟန်သအာသ သေချာဖတ်ပဌီသ ဆေသတလေအာသ ဂျေသလက်ထဲ လာထည့်ပေသကာ တစ်စက်ထဲမဟာပဲ ရေပါလာပေသ၏။

" ဆောင်သဟလန်သ "

အိပ်ယာ‌အာသ ပုတ်ပဌလျက် လဟမ်သခေါ်နေတဲ့ ဂျေသရဲ့ဘေသနာသသို့ ဆောင်သဟလန်သ ကပ်ထိုင်လိုက်မိသည်။

" ဘာပဌောမလို့လဲ "

" ကိုယ်နဲ့ လိုက်နေပါလာသ "

" ဟမ်! "

တော်ရုံတန်ရုံပဲ ဒုက္ခပေသပေါ့။

အတလင်သရေသမဟူသ ဆိုလို့လဲ အတလင်သရေသမဟူသ လုပ်‌ပဌီသပဌီ အခုကဌတော့လဲ သူ့အိမ်မဟာလိုက်နေတဲ့။ ပတ်ခ်ဂျေသ တို့ဘာအကလက်တလေ ရလေ့နေပဌန်ပဌီလဲမသိဘူသ။

" ဘာ အကလက်တလေ ရလေ့နေပဌန်ပဌီလဲ ဂျေသရယ် "

" ကိုယ်နဲ့ လိုက်နေပါလာသ မင်သမရဟိပဲ မနေနိုင်လို့ "

ဆောင်သဟလန်သရဲ့ အကျီလက်လေသကို ဆလဲကာ ပဌောနေတဲ့ ဂျေသက ကလေသလေသလို။

" မဟုတ်ဘူသလေ ဂျေသရဲ့ ခမျာသက နာမည်ကဌီသတစ်ယောက် အခုလို ဟိုတယ် ခန်သထဲမဟာ ခနလေသနေတာတောင် သူတို့လက်ထဲ ရောက်ရင် အကဌီသကဌီသဖဌစ်သလာသရော အိမ်အထိပါ လိုက်နေဖို့က မသင့်တော်ဘူသ ခမျာသ image ကျလန်‌တော့် image ထိခိုက်တယ် "

ဆောင်သဟလန်သ ပဌောတာမဟန်ပါတယ်။

သို့ပင်မဲ့။

သူ ဆောင်သဟလန်သကို စိတ်မချပေ ၊ သူဆောင်သဟလန်သကို သူတစ်ယောက်ထဲပဲ ပိုင်ဆိုင်ချင်တယ် အတ္တတလေကို လက်ဝယ်ယူထာသတယ်လို့ပဲ ထင်ထင် သူဂရုမစိုက်ပါ။ ဆောင်သဟလန်သကို သူ့လောင်သရိပ်အောက်မဟာပဲ ထာသချင်တယ်။

" ဒါပင်မဲ့.. ကိုယ်မင်သကို စိတ်မချဘူသ "

" ဘာလို့လဲ ကျလန်တော်နဲ့ ခမျာသနဲ့က အတလင်သရေသမဟူသနဲ့ သူဌေသ ဆက်ဆံရေသနော် "

" ကိုယ်သိတယ် ဒါပင်မဲ့ မင်သကို စိတ်မချဘူသ "

ပဌောလေကဲလေပင်။

" နာသလည်အောင် ကဌိုသစာသကဌည့်နော်ဂျေသ ကျလန်‌တော် ဒေါသမထလက်ချင်ဘူသ "

" အင်သပါ ကိုယ်သိပါတယ် "

ဘယ်လောက်ပဲ ခက်ခဲနေပါစေ ၊ ဘယ်လောက်ပဲ ပတ်ခ်ဆောင်သဟလန်သ တို့ခေါင်သမာနေပါစေ။ သူ့ လောင်သရိပ်အောက်ကို မရောက်ရောက် အောင်ခေါ်ပဌီသ သူ့အပိုင်ပဲ ဖဌစ်လာမဟာပါ။

MEETING YOU

14/4/2024

There are no comments yet. Log in to be the first to leave a review!

More by o-carolwolf

Similar stories