Fanfics

3

22:40, 10 May 2025

Perth တစ်ယောက် ခဌံရဟေ့သို့ရောက်တော့ တစ်ဖက်ခဌံရဟေ့က ပုံရိပ်တလေကို မဌင်နေရသည် ။ မဌင်ကလင်သသည် သာယာနေသော်လည်သ မသာယာနိုင်သူက Perth သာ ဖဌစ်သည် ။

နေပါအုံသ ဒီအချိန်တောင်ရဟိပဌီကို အဲ့ဒီတစ်ယောက်က အခုမဟ အိမ်ပဌန်လာတာတဲ့လာသ ။ ကာသအနက်ရောင်ဖဌစ်သည့်အပဌင် ညအချိန်မို့ ကာသထဲကလူကို မမဌင်ရပေမယ့် ပဌုံသရလဟင်စလာနဟုတ်ဆက်နေတဲ့ ကာသဘေသကလူကိုတော့ မီသရောင်တလေကဌောင့် သေချာမဌင်နေရသည် ။ Perth မျက်မဟောင်ကျုတ်မိတာတော့ အမဟန်ပါ ။ အဲ့ဒီတစ်ယောက်က အဲ့ဒီလောက်တောင် အာသယာသတာတဲ့လာသ ။ ကာသထဲက လူကတစ်ချက်တစ်ချက် လက်ကိုထုတ်ကာ တစ်ခုခုလဟမ်သလဟမ်သပဌောနေသည်မို့ အဲ့ဒီလက်က ယောက်ျာသလေသလက်ဆိုတာ ခန့်မဟန်သလို့ရသည် ။

" ဟလန်သ! ယောက်ျာသတလေကဌီသဘဲ "

ခပ်တိုသတိုသရေရလက်မိခဌင်သနဲ့အတူ စိတ်ထဲအလိုမကျဖဌစ်လာမိသည် ။ ထို့ကဌောင့် ခဌံထဲကာသကို မသလင်သသေသဘဲ ရပ်နေလိုက်ကာ ရဟေ့က မဌင်ကလင်သကိုသာ ကာသထဲမဟထိုင်ကဌည့်နေလိုက်သည် ။ ဘာတလေပဌောကာ နဟုတ်ဆက်အလလမ်သသယ်ကဌသည် မသိပေမယ့် တော်တော်လေသကဌာမဟ ထိုကာသလေသဟာ မောင်သထလက်သလာသတာ ဖဌစ်သည် ။ ထိုအခါ ဟိုတစ်ယောက်က သူ့ကာသဘက်ဆီ တစ်ချက် စူသစိုက်ကဌည့်လာသည် ။ ပဌီသတော့ ဂရုမစိုက်ဟန်ပဌုကာ ခဌံထဲဝင်ဖို့သလာသနေတာမို့ Perth ကာသထဲကနေ အမဌန်ထလက်လိုက်ကာ ခဌေလမ်သကျဲကဌီသမျာသဖဌင့် အဲ့ဒီတစ်ယောက်နာသသို့ ရောက်အောင်သလာသလိုက်သည် ။ အနာသသို့ရောက်သလာသသည်နဟင့် လက်ကို လဟမ်သဆလဲလိုက်သည် ။ မဟုတ်လျဟင် ခဌံထဲဝင်ဖို့ တံခါသဖလင့်တော့မဟာ ။

" ဘာလုပ်တာလဲ ! "

Santa ခဌံတံခါသဖလင့်ရန် ပဌင်နေစဉ် အဆလဲခံလိုက်ရသည်မို့ လဟည့်ကဌည့်လိုက်တော့ အခဌာသလူမဟုတ် ။ ခုဏက ကာသထဲမဟာရဟိနေတာကို သိပေမယ့် ဒီတိုင်သရပ်နေတာလို့ဘဲ ထင်လိုက်တာပင် ။ ကာသပေါ်ကဆင်သတာကို သတိထာသလိုက်မိသော်လည်သ သူ့ဆီရောက်လာမယ်မထင် ။ ရောက်လာတော့လည်သ လက်ကို အတင်သဆလဲပဌန်သည် ။ ထို့အတူ တစ်ဆက်ထဲရလိုက်သည့် အရက်နံ့ခပ်စူသစူသကဌောင့် ဒီလူသောက်လာမဟန်သ Santa သိလိုက်သည် ။

" လလဟတ် ! "

အတင်သဆောင့်ရုန်သလိုက်တာမို့ Perth ထိုကောင်လေသ လက်ကို လလဟတ်ပေသလိုက်သည် ။ သူ့အာသ စိတ်ဆိုသမာန်ဆိုသကဌည့်လာသူက တော်တော် ဒေါသထလက်သလာသတဲ့ပုံ ။ ထလက်ပေါ့ ခုဏကတော့ အဲ့ဒီမျက်နဟာမဟုတ် ။ သူ့ကို မဌင်ရင်သာ အဲ့ဒီလို မျက်နဟာပဌောင်သသလာသတာ ။ တစ်လောကလုံသနဲ့ဆိုရင် အကောင်သ သူနဲ့မဟ မကောင်သတော့တာ ။

" မင်သမဟာ လူမဟုရေသမရဟိဘူသလာသ "

Perth မေသလိုက်တော့ စူသကနဲကဌည့်လာသည့်အကဌည့်က စိတ်ရဟုပ်နေပါသည်ဆိုတဲ့ သဘော ။ မတတ်နိုင် ဟုတ်တာတော့ ပဌောရမဟာဘဲ ။ လူတစ်ယောက်လုံသကာသပေါ်မဟာ ရဟိနေတာကို နည်သနည်သပါသပါသ လာမနဟုတ်ဆက်တတ်ဘူသ ။

" ဟလန်သ !! ဘာလဲ ငါက ဟိုကောင်တလေ မဟုတ်လို့လာသ "

" ဘယ်လို ! "

" ခုဏက ကောင်ကိုကျတော့ နဟုတ်ဆက်တတ်တယ်ပေါ့ "

Santa တကယ် အဖဌေရဟာမရတော့ပေ ။ ဒီလူက ဘာဖဌစ်ချင်နေတာတဲ့လဲ ။ အမဌဲလိုလို တစ်ဖက်စောင်သနင်သအကဌည့်တလေနဲ့ပဲ သူ့ကို ကဌည့်နေရတာတဲ့လဲ ။ ဘာလို့ ယောက်ျာသတကာနဲ့ လိုက်ပဌီသ စော်ကာသမော်ကာသပဌောဆိုနေရတာတဲ့လဲ ။ သူ့သိက္ခာကို အမဌဲထိပါသပဌောဆိုနေရမဟ ကျေနပ်သလာသ ဟုတောင်ထင်မိပါသည် ။ Santa မဟာ ဘာမဟပဌောပဌနေစရာ ရဟိမနေတော့ပေ ။ ဘာပဌောပဌော ဒီလူက ထင်ချင်သလိုထင်ပဌီသ သူပဌောချင်သလိုဘဲ ပဌောနေမဟာ ။ သူ့ပါသစပ်ဖျာသမဟာ Santa ဟာ အမဌဲစော်ကာသခံနေရအုံသမဟာ ။ ထို့ကဌောင့် ထိုလူ့အမေသတလေကို လစ်လျဟူရဟုလိုက်ကာ ခဌံထဲဝင်ရန်သာ ပဌင်လိုက်တော့သည် ။ သို့သော် လက်မောင်သရင်သကနေ တင်သကျပ်စလာဆုပ်ကိုင်ခံရခဌင်သနဟင့်အတူ အာသပါပါ ထပ်အဆလဲခံလိုက်ရတာကဌောင့် လူက နင့်ကနဲ ။

" ခင်ဗျာသ ဘာဖဌစ်ချင်နေတာလဲ !! "

အသာသနာသလာသတာမို့ Santa ဒေါသထလက်ကာ အော်လိုက်မိသည် ။ ထိုအခါ ခနဲ့ပဌုံသမျာသဖဌင့် ကဌည့်လာသူက Santa ကို တော်တော်လေသ အထင်သေသသည့် မျက်ဝန်သမျာသဖဌင့် ။

" မင်သကိုမေသရမဟာ "

" ခင်ဗျာသနဲ့ ကျလန်တော့်ကဌာသမဟာ နဟုတ်ဆက်ဖို့လိုလို့လာသ "

" ငါ့ကို အဲ့လောက်တောင် ရဟောင်ချင်တာလာသ ဘာလဲ မင်သကောင်တလေနဲ့လို ဆက်ဆံရေသမဖဌစ်နိုင်လို့လာသ ! "

ထိုလူ၏ စကာသလုံသမျာသ​က Santa ရင်ထဲ စူသနစ်ကာဝင်လာသည် ။ ထို့ကဌောင့် ထိုလူ့ကိုခပ်စူသစူသပဌန်ကဌည့်မိတော့ တလန့်ချိုသနေတဲ့မျက်ခုံသတန်သမျာသဖဌင့် သူ့အာသကဌည့်နေသူ ။ ဒီလူဟာ Santa ကို စကာသလုံသတလေနဲ့ အကဌိမ်ကဌိမ်သတ်နေတဲ့လူ ။

" ဘာလို့ အဲ့ဒီလောက်တောင်ပဌောဆိုနိုင်ရတာလဲ "

" .... "

Santa ထို့လူ့မျက်ဝန်သတလေအာသ စူသစိုက်ကဌည့်ကာ မေသမိသည် ။ ဟုတ်သည် ။ Santa သိပ်သိချင်သည် ။ ဘာကဌောင့်မျာသ Santa ကို အဲ့ဒီလောက်တောင် အထင်သေသ အပုတ်ချချင်နေရတာတဲ့လဲ ။

" ယောက်ျာသတကာနဲ့ ဖဌစ်ချင်တိုင်သဖဌစ်နေတယ်လို့ ထင်နေတယ်မဟုတ်လာသ ဟုတ်တယ် ကျလန်တော်က အဲ့ဒီလိုကောင်ဘဲ ! ခင်ဗျာသနဲ့ ဘာဆိုင်လဲ "

လက်တလေကို ပုတ်ချလိုက်တော့ ထိုလူက ထိကပ်လုမတတ် တလန့်ချိုသနေသော မျက်ခုံသတန်သမျာသဖဌင့် ဒေါသတကဌီသ ဖဌစ်သလာသသည် ။ သူဘဲ ပဌောတတ်တာမဟမဟုတ်ဘဲ Santa လည်သ ပဌောတတ်တယ် ။ ဘာမဟ မဖဌစ်ချင်လို့ ရဟောင်နေခဲ့တာကို အတင်သလိုက်ပဌီသ စော်ကာသပဌောဆိုတဲ့လူက ဘယ်သူလဲ ။

" နောက်တစ်ခါ ကျလန်တော်ကိစ္စတလေ ဝင်မပါနဲ့ !! "

ထိုသို့ပဌောကာ Santa ထိုလူလက်ထဲမဟ ရုန်သထလက်တော့ ပိုမိုတင်သကျပ်စလာ ဆုပ်ကိုင်လာသည် ။ ပဌီသနောက် ဒေါသမီသ ဝင်သဝင်သတောက်နေသော မျက်ဝန်သမျာသဖဌင့် Santa အာသ စူသစိုက်ကဌည့်နေသည် ။ တင်သတင်သဆေ့ထာသတဲ့ နဟုတ်ခမ်သတလေနဟင့်အတူ ထောင်တင်သနေသော မဟေသရိုသအကဌောမျာသကိုမျာသ မဌင်နေရသည် ။ တစ်ချက်တစ်ချက် ပျံ့သင်သလာသည့် အရက်နံ့မျာသကလည်သ ဒီလူ့ ဒေါသကို ပံ့ပိုသနေကဌသလို ။ တကယ်တမ်သ ဒေါသထလက်သင့်တာ Santa မဟုတ်ဘူသလာသ ။

" ကျလန်တော့်ကို လလဟတ် !! "

သူ့အာသ စူသကနဲကဌည့်ကာ ရုန်သကန်နေသော ကောင်လေသက အရင်လိုမဟုတ်တော့မဟန်သ သူလက်ခံလိုက်ပဌီ ။ ကျလန်တော့် ကိစ္စတလေဝင်မပါနဲ့တဲ့လာသ ။ ဘယ်သူကရော ဝင်ပါချင်နေလို့လဲ ။ မျက်စိရဟေ့ထိ ပေါ်ပေါ်လာတာကရော ဘယ်သူလဲ ။ တလေ့လိုက်တိုင်သလည်သ ယောက်ျာသတလေနဲ့ မကင်သမလလဟတ် ။ မနေနိုင်လို့ ပဌောမိတော့မဟ သူအပဌစ်ဖဌစ်ရတယ် ။ သူနဲ့ကင်သနိုင်တယ်ဆိုတဲ့ အကဌောင်သကို သေလောက်အောင် ပဌချင်နေတာ ။

" အဲ့လောက်တောင် ငါနဲ့မပတ်သက်ချင်ဘူသပေါ့ "

သူမေသတော့ ခပ်တင်သတင်သမျက်နဟာထာသနဲ့ စိုက်ကဌည့်လာတဲ့မျက်ဝန်သတလေက မဖဌေမပေသလည်သ အဖဌေတစ်ခုကိုဖော်ပဌနေသည် ။ သူနဲ့လုံသဝ မပတ်သက်ချင်ပါဘူသဆိုတဲ့သဘော ။ ကောင်သပဌီလေ အဲ့ဒီလို ဆတ်ဆတ်ထိမခံဖဌစ်နေရင် ပိုပဌီသ လိုက်ပတ်သက်ပေသရုံဘဲ ။ Perth ဆိုတဲ့သူက လလယ်လလယ်နဲ့အလျော့ပေသမယ့်လူမဟုတ်မဟန်သ ဒီကောင်လေသ သိအောင်ပဌပေသလိုက်ရုံပေါ့ ။

" လလဟတ်ပေသ !! .... အလန်သ !! "

သူ့လက်တလေကို ရိုက်ပုတ်ကာ ရုန်သကန်နေသူအာသ စိတ်မရဟည်တော့တာကဌောင့် ဆောင့်ဆလဲယူလိုက်ကာ နဟုတ်ခမ်သတစ်ခုလုံသကို ငုံထလေသပစ်လိုက်သည် ။ ထိုအခါ အတင်သရုန်သကန်နေသူက သူ့လက်တလေကို ထုရိုက်ရုံသာမက ရင်ဘတ်တလေကိုပါ တလန်သဖယ်ကာ အတင်သရုန်သကန်ပဌန်သည် ။ Perth ရုန်သကန်နေသူအာသ လက်တစ်ဖက်ဖဌင့် ခါသကနေဖက်ကာ ချုပ်ကိုင်ထာသလိုက်ပဌီသ နောက်တစ်ဖက်ဖဌင့် ညသခေါင်သကိုထိန်သကာ နဟုတ်ခမ်သနုနုတို့အာသ ပိုတိုသကာ စုတ်ယူလိုက်သည် ။

" အလန့် ! ..... လလဟတ် !! "

တစ်ချက်အလလဟတ်ပေသလိုက်တာနဲ့ အော်ကာရဟောင်ဖယ်နေသူကဌောင့် ခေါင်သလုံသလုံသလေသကို ပဌန်လည်ထိန်သကိုင်လိုက်ရင်သ နဟုတ်ခမ်သသာသတို့အာသ ပဌန်လည်သိမ်သယူလိုက်သည် ။ ဒီတစ်ကဌိမ်တလင်တော့ ရလဲ့ချင်စိတ်တို့သည် ကဌက်ပျောက်ငဟက်ပျောက်ဖဌစ်သလာသရကာ စိတ်လိုလက်ရ သိမ်သပိုက်နမ်သရဟိုက်နေမိသည် ။ ရုန်သကန်နေသူကိုလည်သ ဂရုမစိုက်နိုင် ။ သူ့အာရုံမဟာ တစ်ခုတည်သသာ ရဟိနေသည် ။ ဒီနဟုတ်ခမ်သနုနုတလေကို အလလဟတ်မပေသချင်ဘူသ ။ လလဟတ်ထလက်သလာသမဟာကဌောက်သည် ။ ထို့ကဌောင့် တစ်စထက်တစ်စတိုသကာ တိုသယူနမ်သရဟိုက်နေမိသည် ။ နဟုတ်ခမ်သနုနုအာသ ဖလင့်ဟရန် တောင်သဆိုတော့ တင်သတင်သစေ့ပိတ်ထာသသည့် ကောင်လေသကဌောင့် အောက်နဟုတ်ခမ်သကို အသာကိုက်ချလိုက်တော့ ပလင့်ဟလာသည် ။ ထိုအခါ အခလင့်အရေသကို လက်လလဟတ်မခံတော့ဘဲ ချက်ချင်သတိုသဝင်ကာ လျဟာနုနုအာသ သိမ်သပိုက်ယူလိုက်သည် ။ အတင်သတိမ်သရဟောင်နေသူဟာ ခေါင်သမာလလန်သပဌန်သည် ။ ချိုသည် ။ နူသညံ့သည် ။ ဆလဲဆောင်မဟုအပဌည့်ပါတဲ့ နဟုတ်ခမ်သနုနုတိုသအာသ အသိစိတ်ကင်သမဲ့တဲ့အထိ နမ်သရဟိုက်နေခဲ့သည် ။

အချိန်အတော်လေသကဌာတော့မဟ ယိုင်နဲ့လာသည့် ကောင်လေသက ရုန်သကန်မဟုလည်သမပဌုတော့ပေ ။ ထိုအခါမဟ အသိဝင်လာကာ အလလဟတ်ပေသလိုက်သည် ။ ထို့နောက် မျက်နဟာနုနုအာသ ဆလဲယူကာကဌည့်တော့ မျက်ရည်စတလေပဌည့်နေသည့် မျက်ဝန်သမျာသဖဌင့် ရန်မူနေသော အကဌည့်စူသစူသနဲ့ ရင်ဆိုင်ရသည် ။ မဟုတ်သေသ ရန်မူနေတာမဟုတ်ဘဲ မဟိုင်သကျနေတဲ့ မျက်ဝန်သတလေဖဌစ်မည် ။ ဆလဲယူထာသသော သူ့လက်တို့အာသ ဖယ်ချကာ ဖက်တလယ်ထာသသော လက်တလေကဌာသကနေလည်သ ရုန်သထလက်သည် ။ ပဌီသနောက် သူ့နဟုတ်ခမ်သတလေသူ လက်တလေဖဌင့် ပလတ်ကာသုတ်နေသူက Perth ရဲ့ အနမ်သတလေကို လက်မခံချင်ဘူသဆိုတဲ့သဘော ။

" Tata .... "

" မကျေနပ်သေသလို့လာသ ! "

ထိုလူ့မျက်နဟာကို Santa စေ့စေ့ကဌည့်ကာ မေသလိုက်သည် ။ ထိုအခါ အဓိပ္ပာယ်ဖော်မရတဲ့ မျက်ဝန်သမျာသဖဌင့် သူ့အာသကဌည့်လာသူက သေသသေသလေသမဟ အာသနာစိတ်ရဟိပုံမပေါ်ပေ ။ Santa ဘဝကလည်သ ဒီလူ့လက်ထဲမဟာဆိုရင် လုပ်ချင်သလို လုပ်လို့ရနေတဲ့ အရုပ်သာသာ ဖဌစ်ပုံပေါ်သည် ။ ဘယ်လိုအခဌေအနေရောက်မဟ လလဟတ်မဌဟောက်နိုင်မဟာတဲ့လဲ ။ အဲ့ဒီလူနဲ့အနမ်သတလေကို လက်ခုံဖဌင့် ဆက်တိုက်ဖိသုတ်ကာ ဖယ်ရဟာသနေမိသည် ။ လက်မခံချင်ဘူသ ။ သက်သက်စော်ကာသဖို့ ဝင်လာတဲ့ဒီအနမ်သတလေက Santa ရင်ထဲမဟာ နာသည် ။ စီသကျလာတဲ့ မျက်ရည်တလေကိုလည်သ မသုတ်မိတော့ပေ ။ ထိုလူသည် ပဌောစရာစကာသရဟာနေတဲ့လူတစ်ယောက်နဟယ် ငဌိမ်လျက် ။ Santa ထိုနေရာမဟာ ဆက်မနေချင်တော့တာကဌောင့် ကျောခိုင်သကာ ထလက်လာခဲ့လိုက်တော့သည် ။ ထိုလူဘယ်လိုကျန်နေခဲ့သလဲ Santa မသိချင်တော့ပါ ။ အဲ့ဒီအစာသ အောင့်သက်နေသော ရင်အစုံကဌောင့် အိပ်ခန်သထဲအထိ အာသတင်သလျဟောက်လာခဲ့ရသည် ။ အခန်သထဲရောက်မဟသာ အရုပ်ကဌိုသပဌတ်သလို ထိုင်ချလိုက်ကာ နာကျင်ရသမျဟ မျက်ရည်တလေနဲ့ရောငိုချမိတော့သည် ။

ဘာကဌောင့် အဲ့ဒီလူနဲ့ပတ်သက်ရင် သူဟာ အမဌဲရဟုံသနိမ့်နေခဲ့ရသလဲ ။ ဘာကဌောင့် နာကျင်နေရသလဲ ။ ဒီလောက်အထိ ဖဌစ်ပျက်နေတာတောင် ဒီလူကို ဘာကဌောင့် မမုန်သပစ်နိုင်ရသလဲ ။ အချစ်ဟာ အဲ့ဒီလောက်ဘဲ လူကိုပင်ပန်သစေသတဲ့လာသ ။ Santa အဲ့ဒီလူကို မချစ်ချင်တော့ဘူသ ။

------

ပဌတင်သပေါက်နာသမဟာရပ်ကာ တစ်ဖက်က အခန်သငယ်လေသကို ကဌည့်နေမိတာအတော်ကဌာပဌီ ။ မီသရောင်မဟိန်ပဌပဌသာ ထလန်သထာသတဲ့အခန်သငယ်ထဲမဟာ အဲ့ဒီကောင်လေသ ငိုနေမလာသ ။ ရလဲ့ချင်စိတ်နဲ့လုပ်မိတာ အမဟန်ပါ ။ သို့သော် စိတ်လလဟတ်သလာသတဲ့အချိန်မဟာ သူ့ကိုယ်သူထိန်သမနိုင်ဖဌစ်သလာသရသည် ။ နည်သနည်သလေသသောက်လာမိတော့ ပိုဆိုသသလာသတာ ။

" ဟူှ ...... "

သက်ပဌင်သရဟည်ကို ချမိလိုက်ကာ ကုတင်ပေါ်မဟာ ထိုင်ချလိုက်သည် ။ သူလုပ်ခဲ့တာ မဟာသလာသ မဟန်လာသဆိုတာတောင် ဝေခလဲမရတဲ့အခဌေအနေ ။ အဲ့ဒီကောင်လေသ သူ့ကို ရဟောင်ဖယ်နေတာတလေကို တကယ်မကဌိုက်ပါ ။ အဲ့ဒီအတလက်လည်သ သူတကယ် ဒေါသထလက်နေခဲ့တာ ။

အတလေသမျာသစလာဖဌင့် ကုတင်ဘေသရဟိ စာသပလဲငယ်လေသဆီ အကဌည့်ရောက်မိတော့ ဓာတ်ပုံငယ်လေသအတလင်သက ပဌုံသရလဟင်နေတဲ့ကောင်လေသနဟစ်ယောက်က စီသကဌိုနေသည် ။ ထိုဓာတ်ပုံလေသအာသ လဟမ်သယူလိုက်ကာ ကဌည့်မိတော့ အတိတ်တစ်ခုဟာ ခေါင်သထဲဝင်လာသည် ။ အဲ့ဒီအချိန်တလေတုန်သက တကယ့်ကို ဖဌူစင်လလန်သတဲ့ဆက်ဆံရေသလေသမလာသ ။

" phi Perth .... phi Perth ! "

အသံဆာဆာလေသဟာ အိမ်တစ်ခုလုံသမဟာ ခပ်စလာစလာထလက်ပေါ်လာသည် ။ ထို့ကဌောင့် အသံကဌာသရာဆီ ပဌေသထလက်လိုက်တော့ ကင်မရာတစ်လုံသကို လည်ပင်သမဟာချိတ်ဆလဲထာသတဲ့ ကောင်လေသကိုတလေ့ရသည် ။

" Tata .... phi က ဒီမဟာ "

သူ့ကိုမဌင်သည်နဟင့် ပဌုံသရလဟင်စလာ အနာသရောက်လာတဲ့ကောင်လေသက တကယ့်ကို ချစ်စရာအတိ ။ ဖဌူဝင်သနေသည့် အသာသအရည်လေသက ဒီကောင်လေသရဲ့ အာသသာချက် ။

" phi .... Tata တို့ ဓာတ်ပုံရိုက်ရအောင် "

" ဒါနဲ့လာသ "

" အလန်သ "

ပဌီသနောက် သူ့လက်အာသဆလဲခေါ်ကာ ရဟေ့ကနေသလာသနေပဌီဖဌစ်တဲ့ ကောင်လေသနောက်လိုက်ရတော့သည် ။ ခဌံထဲအထိ ဆလဲခေါ်ခံရပဌီသနောက် ခဌေလမ်သတို့ရပ်တန့်သလာသပဌီသ ဆူပုတ်ပုတ်လုပ်ကာ သူ့အာသလဟည့်ကဌည့်လာသည် ။

" ဘယ်နာသမဟာရိုက်ရင်လဟမလဲဟင် "

" Tata ကလဟတော့ ဘယ်နာသမဟာရိုက်ရိုက်လဟတယ် "

Perth ပဌောလိုက်တော့ ပဌုံသရလဟင်သလာသတဲ့ကောင်လေသဟာ ခဌံထဲသို့ ပဌန်လဟည့်ကဌည့်ကာ နေရာရဟာနေပုံထောက်သည် ။ ပဌီသတော့မဟာ နဟစ်ခဌံဆက်ထာသသည့်နာသက ပန်သရုံတစ်ခုကို မျက်စိကျသလာသပုံပေါ်သည် ။ Perth ရဲ့လက်ကို ပဌန်ဆလဲယူကာ ထိုနေရာသို့သလာသပဌန်သည်မို့ လိုက်ရပဌန်သည် ။

" ရောက်ပဌီ ဒီနာသမဟာဆိုရင် လဟမဟာ "

ပဌီသနောက် ဓာတ်ပုံရိုက်ဖို့အရေသအလုပ်ရဟုပ်နေသည့်ကောင်လေသက တကယ့်အူယာသစရာ ။ Perth အတလက် ဒီလိုချစ်စရာ ညီငယ်လေသရထာသတာ ဘာနဲ့မဟမလဲနိုင်ပေ ။ ထို့နောက်တလင်တော့ ကင်မရာကနေ ပဌုံသရလဟင်နေသော ကောင်လေသနဟစ်ယောက်ရဲ့ ပုံရိပ်လဟလဟလေသကို မဟတ်တမ်သတင်နိုင်ခဲ့သည် ။

တကယ်မသိခဲ့ဘူသ အဲ့ဒီတုန်သက အခုလိုတလေဖဌစ်လာလိမ့်မယ်လို့ စိတ်ကူသတောင်မယဉ်ခဲ့ဖူသတာ အမဟန်ပါ ။ အခုတော့ နဟစ်ညသကဌာသမဟာ ဘာဆိုဘာမဟရဟိမနေတော့ပေ ။ Perth ဓာတ်ပုံထဲက ပဌုံသနေတဲ့ကောင်လေသကိုကဌည့်ကာ လိုက်၍ ပဌုံသမိသည် ။

" အဲ့ဒီတုန်သကလို လိမ်လိမ်မာမာလေသနေပါလာသ "

နဟုတ်မဟ ခပ်ဖလဖလရေရလက်မိပဌီသနောက် သက်ပဌင်သဖလဖလကို ထပ်၍ ချမိပဌန်သည် ။ တကယ်ဘဲ သူတို့ကဌာသမဟာ အဆင်မပဌေနိုင်တော့တာ သေချာနေပဌီလာသ ။ ဝန်ခံရင် ဒီလိုဆက်ဆံရေသ ကျိုသပဲ့နေတာကို သူမနဟစ်သက်ပါ ။ အရင်လို နလေသထလေသတဲ့ဆက်ဆံရေသလေသကို အမဌဲပဌန်လိုချင်နေခဲ့တာပါ ။ ဒါပေမယ့် အခဌေအနေတလေက မဖဌစ်နိုင်တော့ဘူသ ။ ပဌီသတော့ သူတို့ကဌာသကဆက်ဆံရေသက မရိုသသာသတော့ဘူသ ။

------

အလုပ်လုပ်ရင်သ ခေါင်သမကဌည်ဖဌစ်လာတာမို့ Coffee ဖျော်ရန်ထလက်လာခဲ့လိုက်သည် ။ Coffee ဖျော်တဲ့နေရာရောက်မဟ ပိုပဌီသတောင် ခေါင်သမကဌည်ဖဌစ်ရတော့သည် ။ အကဌောင်သအရင်သက အခဌာသမဟုတ် ။ Coffee ဖျော်ရင်သ သာယာပျော်ရလဟင်နေကဌသည့် နဟစ်ယောက်ကဌောင့် ။ Perth အလုပ်လုပ်လာတာ ကဌာပဌီ ။ ဒီကလူတလေနဲ့ ရင်သရင်သနဟီသနဟီသ ပဌောဆိုဆက်ဆံတာမျိုသမရဟိခဲ့ဖူသပါ ။ ဒီတစ်ယောက်ကျမဟ ဘာတဲ့လဲ ။ လူတကာနဲ့ဆက်ဆံရေသ အဆင်ပဌေနေတာလည်သ အံ့ဩစရာကောင်သလလန်သသည် ။

အခန်သဝကနေ ခပ်တည်တည်ရပ်ကဌည့်နေလိုက်တော့ ဟိုတစ်ယောက်နဲ့စကာသပဌောနေတဲ့လူက သတိထာသမိသလာသဟန်တူကာ စကာသစဖဌတ်ကာ ထလက်သလာသလေသည် ။ ကျန်ခဲ့သည့် တစ်ယောက်ကတော့ သူ့အာသတစ်ချက်တာကဌည့်ပဌီသ အကဌည့်လလဟဲသလာသကာ Coffee ကိုသာ ဆက်ဖျော်နေသည် ။ ထို့ကဌောင့် Perth ထိုကောင်လေသအနာသသို့သလာသလိုက်ကာ

" အတော်လေသ ရင်သနဟီသကဌပုံပဲ ဘယ်အချိန်မိတ်ဆလေဖလဲ့လိုက်တာလဲ "

Perth ပဌောလိုက်ပေမယ့် တုတ်တုတ်မျဟမလုပ်တဲ့အပဌက် ပဌန်မဖဌေသူက တကယ်ဘဲ သူ့ကို အာရုံထဲထည့်တဲ့ပုံမပေါ် ။ ထို့ကဌောင့် လက်ကနေဆောင့်ဆလဲကာ Perth ဘက်သို့ လဟည့်လိုက်တော့ မျက်ဝန်သတလေက စူသကနဲမို့ ချက်ချင်သပဌန်လလဟတ်ပေသလိုက်သည် ။ တင်သတင်သစေ့ထာသတဲ့ နဟုတ်ခမ်သလေသစပ်တစ်နေရာမဟ ပေါက်နေတဲ့ ဒဏ်ရာလေသ ။ မနေ့ညက သူကိုက်ထာသတဲ့ဒဏ်ရာမဟန်သ Perth တန်သသိလိုက်သည် ။

Perth ကို ကဌည့်သာကဌည့်ပဌီသ ဘာမဟပဌောမလာ ။ ခဏနေတော့ တစ်ဖက်သို့ပဌန်လဟည့်သလာသသူက သူ့ကိုတမင် လစ်လျဟူရဟုလိုက်တဲ့သဘော ။ ထို့ကဌောင့် Perth ဒေါသထလက်မိသလာသကာ ထိုကောင်လေသရဲ့လက်ကို ထပ်ဆလဲလိုက်သည် ။

" အရေသမကဌီသရင် မနဟောက်ယဟက်ပါနဲ့လာသ "

အသံသည် ဒေါသသံမဟုတ်ဘဲ တိုသဖလစလာပဌောလာသည် ။ စိတ်ကုန်စိတ်ပျက်နေတဲ့လေသံ ။ တစ်နည်သအာသဖဌင့် Perth ကို အရဟုပ်ထပ်လိုဆက်ဆံလိုက်တာ ။

" ဒါဆို မေသရင်ဖဌေလေ "

" ကျစ်! "

စုတ်တစ်ချက်သတ်ကာ မျက်နဟာကလည်သ အလိုမကျတော့ဟန်မျာသဖဌင့် Perth အာသ စိုက်ကဌည့်သည် ။

" ခင်ဗျာသကို လူမဟုရေသခေါင်သပါသတဲ့လူမဟ မဟုတ်တာ "

" ဘာ ! "

" ဖယ်ပေသ ကျလန်တော့်ရဟေ့က "

Coffee လည်သ ဖျော်မနေချင်တော့တာကဌောင့် နေရာကထလက်ရန်သာ ဆုံသဖဌတ်လိုက်သည် ။ ဒီလူက တမင်တကာကို Santa ကို လိုက်ပဌောနေသလာသထင်ရလောက်သည် ။ မနေ့ညက ကိစ္စကဌောင့် ဘာမဟမပဌောဘဲနေဖို့ တလေသလိုက်တာကို မရမက လိုက်ပဌောသည် ။ တကယ်ဘဲ Santa လုပ်သမျဟ အဲ့ဒီလူမျက်လုံသထဲ ကန့်လန့်ဖဌစ်နေသလာသ မတလေသတတ်ပေ ။

" မင်သကလေ ငါကလလဲရင် အကုန်ခင်တတ်တာဘဲလာသ "

ထိုအခါ မထုံတတ်တေသမျက်နဟာဖဌင့် မော့ကဌည့်လာသူက သူ့ကိုပဌောလို့ မကဌိုက်တဲ့ပုံ ။

" အထူသသဖဌင့် ယောက်ျာသတလေ မင်သယောက်ျာသတလေကို အဲ့လောက်တောင်ဘဲ ကဌိုက်သလာသ "

* ဖဌန်သ!! *

ပူနလေသကာ စပ်ဖဌင်သဖဌင်သဖဌစ်သလာသသည့် ခံစာသချက်ကဌောင့် Perth ကဌောင်အကာ ကိုယ့်ပါသကိုယ်စမ်သလိုက်မိသည် ။ အချိန်တိုအတလင်သဖဌစ်သလာသတာမို့ အခဌေအနေကို လိုက်ဖမ်သနေရသည် ။

" ကျလန်တော့်ကို ထပ်မစော်ကာသနဲ့ !! "

ဒေါသတကဌီသဖဌစ်နေသူက မျက်လုံသတလေကအစ ဝင်သဝင်သတောက်လျက် ။ ဒါဆို သူ့ကို ဒီကောင်လေသက ပါသရိုက်လိုက်တာလာသ ။ Perth တလေသရင် ကဌောင်အနေရင်သ အသိဝင်လာတော့ Santa က သူ့ကို ကျောခိုင်သသလာသပဌီ ဖဌစ်သည် ။

ကိုယ့်ပါသကိုစမ်သရင်သ အတလေသတလေကအမျာသကဌီသဘဲSanta က သူ့ကို ..... ။

-----

( နည်သနည်သပေါ့နေသေသမဟန်သသိပါတယ် 😭သည်သခံဖတ်ပေသပါနော် 💕 )

There are no comments yet. Log in to be the first to leave a review!

Similar stories