28 ☁️

Jumping on the Cloud ☁️ EP 28

" ဂျောင်ကြီး မင့်အာကျူးရှီးက တော်တော်စိမယ့်ပုံပဲနော်?.."

ယူးဂယောင်းရဲ့ တိုးတိုးကြိတ်ကြိတ် ဝေဖန်သံကို အားလုံးက ခေါင်းတစ်ငြိမ့်ငြိမ့်နဲ့ လက်ခံကြတယ်..

အခုသူတို့ ရောက်နေတာက ဆိိုးလ်မြို့ ယောင်းဆန်းဂု ဧရိယာဘက်က နိုင်ငံတော် ထိပ်သီးတွေနဲ့ တကယ့်သူဌေးကြီးနေတဲ့ အိမ်ရာထဲမှာ..

မျက်နှာကျက်ကနေ ကြမ်းပြင်ထိ ကာရံထားတဲ့ ပြင်သစ်မှန်တွေကနေ နမ့်ဆန်းတာဝါကို လှမ်းမြင်နိုင်ပြီး အထပ်အမြင့်အရ ပေးထားရသည့် ဈေးကလည်း နည်းမည်မဟုတ်..

" ဟိုးမှာလည်း ကြည့်အုံး.. ပန်ချီးကားတွေရဲ့ တန်ဖိုးကို.."

နံရံမှာ ချိတ်ဆွဲထားတဲ့ ပန်းချီကားချပ်တွေရဲ့ အောက်မှာ လေလံဆွဲလို့အောင်ထားသည့် ဒေါ်လာကိန်းဂဏန်းတွေက နောက်မှာ သုံညအပြုံလိုက်..

" အဲ့တာကြောင့် မင်းလူကြီး မင်းကို ချေနေတာ မဆန်းပါဘူးကွာ.."

ဘန်ဘန်က သူနဲ့ အာကျူးရှီးရဲ့ ဘဝနှစ်ခု ဖြစ်စဉ်ကို ခွဲခြားပစ်လိုက်သလိုမျိုး ရေရွတ်လိုက်တာကြောင့် ရင်ဘတ်ထဲ အောင့်သွားရတယ်.. နေပါအုံး သူက ခွက်ဆွဲပြီး တောင်းစားနေရတဲ့ သူတောင်းစားဖြစ်နေလို့လား?..

" ချာတိတ်တို့ ဖြေနိုင်ခဲ့ကြလား?.."

အိပ်ခန်းထဲက ပြန်ထွက်လာတဲ့ အာကျူးရှီးကို ကြည့်ပြီး သူ အလစ်တဲတော့ ဝမ်းနည်းသွားရတယ်.. ခုမှ သေချာ စဉ်းစားကြည့်လိုက်ရင် သူနဲ့ အာကျူးရှီးက တကယ် အများကြီး ကွားခြားနေတယ်.. မြင်နေလျှက် ပိုဝေးသွားသလိုမျိုးလေ..

နံပတ်တစ် အသက်.. အဲ့တာနဲ့တင် နှစ်ယောက်ရဲ့ အယူအဆနဲ့ အမြင်သဘောတရားများက ကွဲလွဲနေပြီဖြစ်တယ်.. သူတို့နှစ်ယောက်ကြားက အသက်ကွာခြားမူက ရိုက်ခတ်မူပြင်းတယ်..

ပြီးတော့ နေထိုင်ကြီးပြင်းခဲ့ပုံ.. အာကျူးရှီးရဲ့ ပတ်ဝန်းကျင်က ဒီလိုမျိုး ခမ်းခမ်းနားနားနဲ့ သီးသီးသန့်သန့် ရှင်သန်ခဲ့တာဖြစ်ပြီး သူကတော့ အုံလိုက်ကျင်းလိုက်နဲ့ နေတတ်တဲ့ ပျားသတ္တဝါလိုပဲ.. ချိုတော့ချိုတယ် အဆိတ်ပြင်းတယ် ဆိုတာမျိုးပေါ့..

အဖေနဲ့အမေ အတင်းတုတ်တာ ကြားရသလောက် ဆိုလာအဖွဲ့အစည်းက အာကျူးရှီးရဲ့ အဖိုးပိုင်တာတဲ့.. အဲ့မှာတင် သူက တပ်ခေါက်ပြန်လ်ို့ ရနေပြီ.. သူ့မှာ အဲ့လို ဘီလီယံနဲ့ ချီပြီး ချမ်းသာနေတဲ့ အဘိုးရှိမနေဘူး..

ရှိတဲ့အဖွားကလည်း နန်းတွင်းသုံး ရိုးရာဆေးဆိုးပန်းရိုက် အဝတ်အထည်တွေလုပ်တဲ့ အိမ်.. အဖွားရဲ့ ပိတ်စတွေက ဆိုလာအဖွဲ့အစည်းရဲ့ စည်းစိမ်တွေကို ယှဉ်နိုင်မယ်တဲ့လား?..

အရေးကြီးဆုံး အချက်က အာကျူးရှီးက အလုပ်နဲ့အကိုင်နဲ့ လူဝင်ဆန့်တဲ့လူ.. သူက ခုမှ အထက်တန်းကျောင်းသား.. တက္ကသိုလ်တက်ဖို့တောင် မနည်း စာကျက်ခဲ့ရတဲ့သူက လုပ်ငန်းခွင်ထဲရောက်ရင်ရော အဆင်ပြေပါ့မလား?..

အဖေပိုင်တဲ့ ဆေးရုံကို သူ အုပ်စိုးဖို့ဆိုတာ ဘယ်လိုမှ မဖြစ်န်ိုင်.. အဖေမျှော်မှန်းသလို ဆရာဝန်တစ်ယောက် ဖြစ်လာဖို့ ဆိုတာလည်း ဝေလာဝေး.. ဒီလိုနဲ့ သူ့ဘဝက မြောင်းထဲ ရောက်ရတော့မှာလား?..

သူ အားကိုးတကြီးနဲ့ အာကျူးရှီးကို မော့ကြည့်လိုက်တယ်.. အာကျူးရှီးက ဟိုကောင်တွေ စပ်စုသမျှ အိမ်ထဲရှိတဲ့ ပရိဘောဂတွေအကြောင်း ရှင်းပြနေတယ်.. ဖြစ်တည်နေမူလေးက ဆန်းကြယ်လိုက်တာ..

အကြံတစ်ခုကို လေးလေးနက်နက်တွေးပြီး သူ ဆုံးဖြတ်ချက်ချလ်ိုက်တော့တယ်.. ဟုတ်တယ်.. သူ သူ့ဘဝကိုတော့ နွံထဲ အနစ်မခံနိုင်ဘူး..

ဒီလိုမျိုး ပြည့်စုံကြွယ်၀နေတဲ့ အာကျူးရှီးကို အပိုင်ဖမ်းပြီးပဲ ချူစားတော့မယ်.. အာကျူးရှီကို စားဘဲကြီးလို သဘောထားပြီး သူ့ဘ၀လေးကို ယုံကြည်စွာ အပ်နှင်းလိုက်ပါတယ်..

သူကတော့ ပေးစာကမ်းစားလေးနဲ့ပဲ ဒူးလေး နှံ့စားတော့မယ်..

အိုကေတယ် ဟုတ်?..

...

" မင်းကိုယ်မင်း သိပ်ဟုတ်လှပြီ ထင်နေပုံပဲ.. ကင်မ်ဆော့ဂျင်က မင်းလို မိန်းမကို ပြန်လက်ခံမယ်တဲ့လား?.."

" ကျွန်မကို ဒီ စာချုပ်မှာသာ လက်မှတ်ထိုးပေးပါ.."

" ဟက်! မင်းတော်တော်ရယ်ရတဲ့ ကလေးမပဲ အီဆယ်ဝန်း.. ဟမ့်?.."

ဆယ်ဝန်း တစ်ဖက်လူရဲ့စကားများကို အရေးမစိုက်စွာ ဘောပင်န်ကောက်ကိုင်လိုက်ရင်း စာရွက်ပေါ်မှ သူမအမည်၏အောက်တွင် လက်မှတ်ထိုးလိုက်သည်..

" ပိုင်ဆိုင်မူတွေကို ရှေ့နေကတစ်ဆင့် စကားပြောမှာမလို့ ရုံးချိန်းစောင့်လိုက်ပါ.."

" အီဆယ်ဝန်း!!.."

ဒေါသတကြီး အော်ဟစ်သံနဲ့အတူ ပုခုံးကို ဆွဲဆောင့်လိုက်သောကြောင့် ဆယ်ဝန်း ထိုလူနဲ့ မျက်နှာချင်းဆိုင် ပြန်ဖြစ်သွားရသည်.. မျက်ခုံးတွေကို ကျုံ့ထားကာ နီရဲနေတဲ့ မျက်လုံးတွေက မျက်မှန်အောက်မှာ အထင်းသား..

" မင်း အကြံ ဒါအကုန်ပဲလား?.. ဆေးရုံအုပ်ကတော် ဖြစ်ချင်လို့ ငါ့ကို ကပ်ခဲ့ပြီးမှ အခုက ဘာအချိုးချိုးတာလဲ?.."

" ရှင် တစ်ခုခု အထင်မှားနေပုံပဲ.. ကျွန်မက ကျွန်မအမရဲ့ ယောက္ခထီးဆိုပြီး လေးလေးစားစား ဆက်ဆံပေးခဲ့ရုံပဲ.."

အကျဉ်းတန်လှတဲ့ အပြုံးတစ်ခုက ထိုလူ့မျက်နှာပေါ်မှာ ဖြစ်ထွန်းသွားတယ်.. ရှိရင်းစွဲ အသက်ထက် နုပြီး လုပ်ရည်ကိုင်ရည်ရှိတဲ့ သူ့ကို သူမဘဝအတွက် စိတ်ချရပြီလို့ ယူဆခဲ့တာ ကြီးမားတဲ့ အမှားတစ်ခုပဲ..

" ငါ ဆေးရုံဓာတ်ခွဲခန်းက ငွေတွေကို မင်းအတွက် သုံးပေးခဲ့တာပဲလေ.. မင်း အခုမှ ငါ့ကို ခါချချင်နေတာကတော့ မဟုတ်သေးဘူးမလား?.."

မှန်ပါသည်.. သူမစီးနေတဲ့ကား.. နေထိုင်နေတဲ့ ဆိုးလ်မြို့ပေါ်က ဇိမ်ခံတိုက်ခန်း.. သူမလို ပရော်ဖက်ရှင်နယ် တစ်ယောက်အနေနဲ့တောင် အခုလို အဆောင်အယောင်တွေ ရရှိဖို့ဆိုတာ အနှစ်နှစ်ဆယ်လောက် ကြိုးစားရအုံးမှာ.. ဒါကို ထိုလူက ဖြည့်ဆည်းပေးခဲ့တာ..

" အဟင်း~ ကျွန်မညံ့တာပါ.. အဲ့လို အလွဲသုံးစားလုပ်ပြီး ရလာတဲ့ငွေကို ကျွန်မက ရှင့်အရည်အချင်းလို့ ထင်ခဲ့မိတာ.."

" မင်း!!.."

ခနဲ့တဲ့တဲ့အပြောကြောင့် ထိုလူရဲ့လက်က လေပေါ်မြောက်တက်သွားပြီး လေထဲမှာတင် ရပ်တန့်သွားသည်.. သူမရဲ့ မျက်နှာနဲ့ ခန္ဓာကိုယ်ပေါ်ကို သက်ရောက်မလာခဲ့..

တကယ်ဆို အဲ့လက်တွေနဲ့ သူမအပေါ် တစ်ခုခု ကျူးလွန်လိုက်ရင်ကို သူမ ပိုပြီး ကျေးဇူးတင်မိအုံးမှာ..

" ကျွန်မအမရဲ့ ယောက္ခထီးမလို့ ခမည်းခမက် ဆက်ဆံရေးအနေနဲ့ပဲ ဆက်ပြီး တည်မြဲသွားချင်ပါတယ်.. ကျွန်မကို ထပ်ပြီး မနှောင့်ယှက်ပါနဲ့တော့.."

စားပွဲပေါ်မှာ ရှိနေတဲ့ အိမ်လွှဲပြောင်းစာနဲ့ သူမအမည်ပေါက် ကားကို ပြန်လွဲပြောင်းပေးခဲ့ပြီး နည်းနည်းလေးမှ မလွမ်းတော့စွာ လှည့်မကြည့်တော့ဘဲ ထိုလူ့ကို ကျောခိုင်းခဲ့လိုက်တော့သည်..

အိမ်အပြင်ရောက်သည်နှင့် လမ်းမပေါ်တွင် ငုတ်တုတ်ထိုင်လိုက်ကာ လက်ဖျံကို ကတ္တရာလမ်းဖြင့် ခပ်ဆပ်ဆပ် ပွတ်ဆွဲလိုက်တော့ သွေးများစို့တက်လာကာ လက်ဖမိုးတစ်ခုလုံး စုတ်ပြတ်သွားသည်..

ပြီးနောက် သူမ၏ စလွယ်သိုင်းပိုက်ဆံအိတ်မှာပါသည့် အလှစတီးကြိုးကို လည်ပင်းမှာ ရစ်ပတ်ချည်နှောင်လိုက်ရင်း အရှိုးရာများ ထင်အောင် ဖန်တီးလိုက်သည်..

နှာခေါင်းပေါက်အဝကို ခပ်နာနာ ဖိဆိတ်လိုက်တဲ့အခါ ချက်ခြင်းမျက်ရည်များ ဝေ့တက်လာပြီး ဝမ်းပမ်းတနည်း ငိုကြွေးမိကာ သူမရဲ့ ခြေလှမ်းများက ဂျင့်အိမ်ဆီသို့..

...

" အ~ ဟ့! အဟင့်~"

" အိုး~~ ဖာ့ခ်.. ရှစ်ဒ်.."

" အ့ အ့ ဟ့!.."

* တီ တီ တီ!!!..*

ဖုန်းစခရင်မှာ ပေါ်လာတဲ့ မျက်နှာကြောင့် ဂျောင်ဂု လန့်သွားကာ လက်ထဲမှ ဖုန်းကို ယောင်ယမ်းပြီး လွှတ်ချမိသွားသည်..

သူ မွေ့ယာထဲ လှဲရင်း ဘောင်းဘီချွတ်ကာ ယောက်ျားချင်း ခုတင်ပေါ်မှာ အပီဖြုတ်နေကြတဲ့ ပွန်းကြည့်နေတုန်း ဖုန်းဝင်လာတာ..

ဝင်လာတဲ့ ဖုန်းကလည်း သူအတွေးထဲ ညစ်ညစ်ပတ်ပတ်တွေ တွေးရင်း စ်ိတ်ဖြေနေတဲ့သူဆိုတော့ ချွေးတွေတောင် ပြန်သွားရသည်..

ဂျောင်ဂု ဖုန်းကို ချက်ခြင်း မကိုင်နိုင်သေးဘဲ တုန်ယင်နေတဲ့ ရင်ဘတ်ကို ဖိလိုက်ရသည်.. သူ့အကောင်က အရှိန်တက်နေတုန်း ဘရိတ်အုပ်လိုက်ရတော့ သိပ်တော့ ဘယ်ကျေနပ်ပါ့မလဲ..

ဖုန်းမကျသွားခင် သူဖုန်းကို ကောက်ကိုင်လို့ ဖြေလိုက်တော့ "ချာတိတ်" ဆိုတဲ့ အသံနဲ့အတူ အာကျူးရှီးရဲ့ အသံလေးက လေလှိုင်းထဲကနေ ပျံ့လွှင့်လာခဲ့တယ်.. နေပါအုံး မနက် ၁ နာရီကျော်ကြီးကို ထူးထူးဆန်းဆန်း..

" အာကျူးရှီး~"

ဂျောင်ဂုအသံက မောဟိုက်သံ ပါနေတယ်.. သူ ကြိုးစားပမ်းစားနဲ့ ပြီးမြှောက်အောင် လုပ်ဆောင်နေတာမို့ တော်တော်တော့ ပင်ပန်းနေတယ်..

အိပ်ယာဘေး စားပွဲပေါ်က ရေဗူးကို ဆွဲယူလိုက်ရင်းမော့သောက်လိုက်တယ်..

" ချာတိတ်~ ရာမြွန်း မော့ကွတ် ဂလဲ့?.."

" ဖြူး*** အဟွတ် အွတ်.. ဗျာ??.."

နားထဲမှာ ဆင်အော်သံတွေတောင် ကြားလိုက်ရသလိုပဲ.. လည်ချောင်းထဲထိတောင် မရောက်သေးတဲ့ ရေတွေက ပါးစပ်ထဲကနေ အကုန်ထွက်ကျကုန်တယ်.. အခုန်မြန်လာတဲ့ ရင်က အာကျူးရှီးရဲ့ အမေးစကားလေးအတွက်..

" အော့.. နောက်တော့ ကျနေပြီဆိုပေမယ့်.. တကယ်လို့ ဂျောင်ဂု စားချင်ရင်-"

အာကျူးရှီးဘက်က စကားသံရပ်သွားသည်.. ဆက်ပြောဖို့ စဉ်းစားနေတာမျိုး ဖြစ်နိုင်ပြီး သူ့ဘက်ကလည်း အံ့သြမူကြောင့် ချက်ခြင်းစကားပြန်မပြောနိုင်သေးပေမယ့်.. အာကျူးရှီးမမြင်နိုင်ဘူးဆိုသော်ငြား "ရာမြွန်း မော့ကွတ် ဂလဲ့" လုပ်ရန် သဘောတူညီကြောင်း ခေါင်းတစ်ဇက်ဇက် ငြိမ့်ပြလို့..

" အင်း~ ဟို ဂျောင်ဂု အိပ်ချင်နေပြီဆိုလည်း-"

" အာညီး!.. အာညီးသဲ့.. အာညီးဂျိ.. ဂျင်းဂျ ဂျင်းဂျ.."

သူ မအိပ်ချင်သေးဘူး.. တကယ် မအိပ်ချင်ဘူး.. လုံးဝမအိပ်ချင်တော့ဘူးဆို ပိုမှန်မယ်.. သူ ချက်ခြင်းပဲ ခုတင်ပေါ်က ဆင်းလို့ လာခဲ့မည်ဖြစ်ကြောင်း ပြောလိုက်ကာ ရေချိုးခန်းထဲ ပြေးဝင်လိုက်သည်..

နေစမ်းပါအုံး ဘောမွှေးတွေများ ရှည်နေလား?.. ကတ်ကြေးနဲ့ ကိုက်သွားသင့်လား?.. ဆောင်းတွင်း ချမ်းချမ်းစီးစီးကြီးကို ရေထပ်ချိုးလိုက်ရင်း ဟူဒီတစ်ထည်ကောက်စွတ်ကာ ရေမွှေးကို ဖြန်းမနေတော့ဘဲ ပုလင်းလိုက် အဖုံးလှည့်ချွတ်လို့ ကိုယ်ပေါ် လောင်းချလိုက်တော့သည်..

စက်ဘီးသော့ယူပြီး အောက်ထပ်ကို ဝရုန်းသုန်းကား ပြေးဆင်းတော့ ခုချိန်ထိ မအိပ်သေးဘဲ ဧည့်ခန်းထဲထိုင်ပြီး သူများအတင်း ထိုင်တုတ်နေသည့် နှစ်ယောက်က သူ့ကို မော့ကြည့်လာသည်..

သုံးယောက်သား ခဏအကြည့်ချင်းဆုံသွားတော့ "ရာမြွန်း မော့ကွတ် ဂလဲ့" တော့မယ့် သူ့အစီအစဉ်ကို ဝမ်းသာအားရ ထုတ်ပြောမိတော့ မတတ်..

ဒါပေမယ့် အာကျူးရှီးက ရှက်တတ်တယ်.. သူနဲ့ အာကျူးရှီးရဲ့ ဒီလို ဆောင်းတွင်းအိမ်မက်လို အချိန်မတော် ညကြီးမင်းကြီး အချစ်ဇာတ်လမ်းလေးကို အပြင်လူတွေကို မပြောသင့်သေးဘူးမလား?..

ထိုနှစ်ယောက်ဆီမှ မေးခွန်းတွေ ထွက်မလာခင် တံခါးဆွဲဖွင့်ပြီး ခြံထောင့်က စက်ဘီးဆွဲလို့ နှင်းတွေကြား သူ့ရဲ့ ခေါက်ဆွဲပြုတ်စားခြင်း အနုပညာကို ဖန်တီးဖို့ သွက်လက်နေခဲ့တော့တယ်..

ဒါပေမယ့် အာကျူးရှီး အိမ်ရောက်သွားတော့ ဆပ်ပြာပူပေါင်းလေး ဖောက်ခနဲ့ ပေါက်သွားသလိုမျိုး သူ့အသည်းက ဟက်တက်တင်မဟုတ်ဘူး ပက်လက်တွေပါ ကွဲသွားတယ်..

အော်.. သူ မေ့သွားတယ်.. ဆောင်းတွင်းအိမ်မက် ဂယောက်ဂယက်ဆိုတာ..

အခု သူ့မျက်နှာချင်းဆိုင်မှာ အာကျူးရှီးရဲ့ မယားဟောင်းက ရှိနေပြီး သူ့အနေနဲ့ တော်စပ်ပုံ ဆက်နွယ်ပြရရင်တော့ လင်လုဖက်ပေါ့..

အာကျူးရှီးက ထိုမိန်းမလက်ကို ဆေးထည့်ပေးနေပြီး သူ့ကိုတော့ ဘန်းစကားမဟုတ်တဲ့ တကယ် "ရာမြွန်း မော့ကွတ် ဂလဲ့" တွေကို နှစ်ထုပ်ပြုတ်ပြီး ကျွေးထားတာဖြစ်တယ်..

" ငါ ဒီည ဒီမှာပဲ အိပ်လိုက်တော့မယ်နော်.."

မြောင်းတင်မကဘူး တာတမံကိုပါ ဖြိုချလိုက်တာပဲ.. ဂျောင်ဂု အရှက်မရှိထွက်လာသော ရှေ့က မိန်းမစကားကြောင့် နှာခေါင်းရှုံ့လိုက်တယ်..

အမဲ့အရွဲ့လွန်ပြီး ခေါက်ဆွဲမှာပါတဲ့ ငရုတ်သီးဖက်က လည်ချောင်းထဲဆင်းနေရင်းကနေ နှာခေါင်းထဲ ရှလွှတ်ဆိုပြီး ထောင်တက် ပစ်ဝင်သွားတဲ့အခါ မွှန်ထွန်သွားပြီး ဟက်ချေးအခါခါ ထချေတော့တယ်..

အာကျူးရှီးက ရေငဲ့ပေးရင်း သူ့ကျောကို လာပွတ်ပေးကာ ဖြည်းဖြည်းစားဖို့ပြောတယ်..

" ဘယ်လိုလုပ်မလဲ ဆယ်ဝန်း?.. ဂျောင်ဂုကလည်း ဒီည ဒီမှာ အိပ်ဖို့ ရောက်လာတာဆိုတော့.."

အီဆယ်ဝန်း ညကြီးအချိန်မတော် ရောက်လာသည့် ကောင်လေးကို အလိုမကျစွာ မျက်မှောင်ကုတ်ပြီး ကြည့်လိုက်တယ်.. သူမနည်းတူစွာ သူမကို သွားခေါပြပြီး ဘောက်စပ်စပ်ပြန်ကြည့်နေတဲ့ ကောင်လေးကြောင့် ဒေါသက ထွက်သွားရတယ်..

ဘာလဲ ဒီကလေး?.. အကြည့်ကိုက သူမကို ထွက်သွားစမ်းလို့ အသံတိတ် နှင်ထုတ်နေတဲ့ ပုံစံနဲ့..

" သူက ဘယ်သူလဲ ဂျင်?.."

" ဆေးရုံအုပ်သားပါ.. ဂျောင်ဂုတဲ့.."

" အာ.. ဆေးရုံအုပ်သားလား?.. အဲ့တာကြောင့် တစ်ယောက်ယောက်နဲ့ တူပါတယ်လို့ တွေးနေတာ.. တွေ့ရတာ ဝမ်းသာပါတယ်နော် တို့က အီဆယ်ဝန်းပါ အဟင်း~ ဆော့ဂျင်ရဲ့ဘယ်လိုပြောရမလဲ~ အရင်းနှီးဆုံးမိတ်ဆွေဆိုပါတော့.."

ပြောပုံကိုက မရှင်းမရှင်းနဲ့!.. ဂျောင်ဂု စ်ိတ်ထဲ ရှိတဲ့အတိုင်းသာဆို နူးလေးယောက်ျား ဟန်ဆော့ဂျွန်းကို ခေါ်ပြီး ရှေ့က မိန်းမကို ရိုက်ခိုင်းပစ်လိုက်ပြီ..

အာကျူးရှီးကို မော့ကြည့်တော့ တော်တော် စိတ်ရှုပ်ထွေးနေဟန်.. အိမ်က နှင်ချဖို့လည်း ပြောရခက်နေပုံရပြီး သူ့ကိုလည်း အားကိုးသလို တစ်ချက်ပြန်ကြည့်လာသည်မို့ ဂျောင်ဂု ရင်ထဲ အနွေးလှိုင်းလေး ဖြတ်ပြေးသွားသည်..

ဒါဆို အခု အာကျူးရှီးက သူ့ကို အကာအကွယ်အနေနဲ့ အသုံးချပြီး အရှေ့ကမိန်းမကို မောင်းထုတ်စေချင်တာပေါ့.. တစ်နည်းဖြင့် သူနဲ့ အရှေ့က မိန်းမကို ရန်ဖြစ်ခိုင်းတာ?..

အို ဘယ်လိုပဲ သူ့ကို အသုံးချနေသည် ဖြစ်ပါစေ.. အာကျူးရှီး အခက်တွေ့နေတာကို သူဖြေရှင်းခွင့် ရတာနဲ့တင် ဒါက အလွန်ကြီးမားတဲ့ အခွင့်အရေး ဖြစ်နေပြီ မဟုတ်လား?..

ကြည့်ရတာ ဒီမိန်းမက လာကပ်နေတာ အသိသာကြီးကို.. ဘာတွေများ အီစီကလီရိုက်ပြီး အာကျူးရှီးအနား ရစ်သီရစ်သီ လာလုပ်နေပြန်တာလဲမသိဘူး.. ဒါမျိုးက သူ့ပါးစပ်နဲ့ တွေ့မှ..

" ဝမ်းမသာပါဘူးနော်.. ကျနော်က အိပ်ဖို့ လာတာ.. အာကျူးမား အနာဆေးလိမ်းပြီးပြီဆို ပြန်တော့လေ.. ယောက်ျားက မျှော်နေရော့မယ်.."

" ဘာ!.."

" အို့ ကြားထားတာတော့ အာကျူးမားက ယောက်ျားကြီးနဲ့ဆို?.. ပြီးတော့ အဲ့တာက အဖေလောက်အသက်ရွယ်ကြီးတဲ့.. အခုလည်း တရားရင်ဆိုင်နေရတယ်ဆိုပဲ.. ငွေအလွှဲသုံးစား လုပ်တာဆိုလား? ကျွတ် ကျွတ် လူတွေများ ကြောက်ဖို့ ကောင်းလိုက်တာ.. ဟို တစ်မျိုးတော့ မထင်နော် သတင်းထဲကအတိုင်း ပြောတာဆိုတော့ စိတ်မရှိဘူးမလား?.."

" မင်း!!.."

ဆယ်ဝန်း ဒေါသကြောင့် မျက်နှာတစ်ခုလုံး နီရဲလာပြီး လက်သီးကို ကျစ်ကျစ်ပါအောင် ဆုပ်မိသွားသည်.. အခု ဒီတစ်ယောက်က ဘာလဲ?.. သူမကို ဘာအချိုးချိုးတာလဲ?..

" အရင်တစ်ခေါက် မောင်းထုတ်ထားတာ မှတ်မိမယ်ထင်ပါတယ်.. အခု ကိုယ့်ဘာသာ ထပြန်ရင် ကောင်းမယ်ထင်တယ်နော်.. အာကျူးမား ဒီအချိန် ကိုယ့်ယောက်ျားအနားမှာ ရှိနေသင့်တာ မဟုတ်ဘူးလား?.."

" မင်း တို့အကြောင်းမသိဘဲ ဘာတွေ လျှောက်ပြောနေတာလဲ?.."

" လျှောက်ပြောပါဝူး.. ညကြီးအချိန်မတော် သူစိမ်းယောက်ျားလေးတစ်ယောက်အိမ်မှာ ရောက်နေတဲ့ အာကျူးမားကသာ လူမူရေး နားမလည်တာ.. သူများတွေ နှစ်ကိုယ်တူ အိပ်ချိန်ကို လာ နှောင့်ယှက်နေတယ်! နော် အာကျူးရှီး~"

ဂျောင်ဂုက ဖင်တစ်လှုပ်လှုပ် ခေါင်းတစ်ခါခါနဲ့ ပြောပြီး ဆော့ဂျင်ကိုလည်း မော့ကြည့်လို့ မခို့တခို့ အပြုံးလေးနဲ့ အထောက်စကား တောင်းသေးတယ်.. ဆော့ဂျင် လည်ချောင်းတစ်ချက်ရှင်းလိုက်ရင်း ခေါင်းငြိမ့်ပြလိုက်တယ်..

သူ့လို လူကြီးတစ်ယောက်အနေနဲ့ ပြောရဆိုရ ခက်တဲ့ စကားတွေကို ဂျောင်ဂုက ကလေးပီပီ ရှေ့ကနေ ပြောသွားတာကိုတော့ တကယ်ကျေနပ်တယ်.. သူဆိုရင် အားနာပြီး ဒီလို စကားတွေ ထွက်မှာမဟုတ်..

" ဂျင့် သူ့စကားတွေ အရမ်းလွန်နေပြီနော်.. ဂျင် ဘာမှ မပြောဘဲ ဒီလိုပဲ ထိုင်ကြည့်နေတော့မှာလား?.."

" အင်း.. မင်း ပြန်သင့်ပြီ ဆယ်ဝန်း.."

" ဂျင့်!!.."

" နားညီးလိုက်တာ.. သွား! ပြန်တော့.. နောက်လည်း မလာနဲ့ လာလည်း မနောက်တော့နဲ့.. အိပ်ရေးပျက်တယ်!.."

ဂျောင်ဂု ဆယ်ဝန်းကို ဆွဲထူကာ ပိုက်ဆံအိတ်ကိုလည်း လက်ထဲ အတင်းထိုးထည့်ပေးလိုက်ရင်း အိမ်ပေါက်ဝကို ကျောကနေတွန်းလို့ အပြင်ပို့လိုက်တယ်..

အပြင်ဘက်မှာ စွေ့စွေ့ခုန်နေတဲ့ ဆယ်ဝန်းကို ကြည့်ပြီး ဂျောင်ဂုက မီးဖိုချောင်ထဲ ပြေးဝင်သွားတယ်.. ဆော့ဂျင် ဂျောင်ဂုနောက်လိုက်သွားရင်း ဘာလုပ်တော့မယ်ဆိုတာ သိလိုက်တာမို့ တားဖို့ လုပ်လိုက်ပေမယ့် မမှီတော့.. ဆားတွေကို လက်ခုပ်ထဲ အပြည့်ထည့်လိုက်ရင်း ဆယ်ဝန်းမျက်နှာ တည့်တည့်ကို ပက်ချလိုက်ကာ တံခါးကို အသံမြည်အောင် ဂျိန်းခနဲ့ ပိတ်ချလ်ိုက်တဲ့ ဂျောင်ဂုကို သူ ပါးစပ်အဟောင်းသားနဲ့သာ ကြည့်နေမိရင်း..

....

{ "ရာမြွန်း မော့ကွတ် ဂလဲ့" ခေါက်ဆွဲပြုတ် စားကြမလား} ဆိုတဲ့ စကားက ဒီနေ့ည ငါနဲ့ အိပ်ချင်လား ဆိုတဲ့ ကိုးရီးယားဘန်းစကားပါတဲ့ရှင်..

ကဲ.. ရှင်တို့ရော "ရာမြွန် မော့ကွတ် ဂလဲ့" ချင်ကြလား?..

....