41 ( End )

04:57, 8 September 2025

သား လေးနှစ်ထဲဝင်ချိန်တွင် မူကြိုစထားရန် ဆုံးဖြတ်လိုက်သည် ။ ပုံမှန်ဆိုလျှင် သုံးနှစ်သားအရွယ်ကတည်းက စပို့တတ်ကြပေမယ့် အိမ်ကသားအဖွားတွေက ငယ်ပါသေးတယ်ဆိုလို့ အချိန်ဆွဲမိနေခဲ့ခြင်း ။ သို့သော် ထပ်ပြီးအချိန်ဆွဲလျှင် သားကျောင်းနေနောက်ကျမည်လည်း စိုး၍ phi Perth နဲ့တိုင်ပင်ပြီး မေမေတို့ကို ရအောင်ပြောလိုက်ခြင်းပင် ။ ရွယ်တူကလေးလေးတွေ မူကြိုသွားကြသည်ကို မြင်ဖူးသည့်သားကလည်း ကျောင်းသွားချင်၍ ခဏခဏဂျီကျ၏ ။

ယနေ့တွင်တော့ သား၏ပထမဆုံး ကျောင်းသွားမည့်ရက်ဖြစ်ကာ သားကတော့ မိုးလင်းကတည်းက ပျော်ရွှင်နေလျက် ။ Santa မှာတော့ သားကိုပြင်ဆင်ပေးရင် ပျော်လည်း ပျော်မိသလို အနည်းငယ်လည်း ဝမ်းနည်းမိသည် ။ အချိန်တွေကခဏလေးကဲ့သို့ အရမ်းမြန်လွန်းသည်မဟုတ်လား ။ ဒီလိုသာ သားက မြန်မြန်အရွယ်ရောက်လာပါလျှင် တစ်နေနေ့ကျ Santa ရင်ခွင်ထဲ ဝင်ချွဲတတ်တော့မည် မဟုတ်ပေ။

" ဘာတွေ တွေးနေတာလဲ အချစ် "

သားအတွက် ထမင်းဗူးပြင်ပေးရင်း ငေးနေမိသည်မို့ phi Perth က သတိထားမိသည်ထင်သည် ။ phi Perth လက်ထဲတွင် ချီထားသည့် သားကတော့ လွယ်အိတ်အနီရောင်လေးနဲ့ ကျောင်းသွားရန် အဆင်သင့်ဖြစ်နေချေပြီ ။

" သားက မြန်မြန်အရွယ်ရောက်လာလို့ "

ဆူပုတ်ပုတ်လေးလုပ်ကာ ပြောလိုက်မိတော့ phi Perth ရဲ့လက်တစ်ဖက်က Santa ခေါင်းလေးအား ညှင်သာစွာ လာပွတ်ပေးကာ အညှင်သာဆုံးပြုံးပြလေသည် ။ သူဝမ်းနည်းနေခြင်းကိုသိ၍ အားပေးနှစ်သိမ့်ခြင်းဖြစ်မှန်း Santa သိတာမို့ ခပ်ဖွဖွလေးပြန်ပြုံးပြလိုက်သည် ။

" သား ဒယ်ဒီတို့ ပါပါးကို အာဘွားပေးကြရအောင် "

" ဟုတ်ဟုတ် "

ချက်ချင်းဆိုသလိုပဲ သားက phi Perth ကိုယ်ပေါ်မှ ခန္ဓာကိုယ်လေး ယိမ်းကာ Santa ပါးနှစ်ဖက်လုံးကို တစ်လှည့်စီနမ်းတော့သည် ။ အတတ်လေးကြောင့် Santa မှာ ပိုပြီးပင် ဝမ်းနည်းလာခဲ့၍ မျက်ရည်ပါဝဲလာမိ၏ ။

" ပါပါး ငိုနဲ့ ! "

ကျလုဆဲဆဲထိ ဖြစ်လာတော့ သားက သူ့လက်ကလေးတွေနဲ့ လာဖိသုတ်ပေး၏ ။ phi Perth ကတော့ Santa ခေါင်းလေးအား ဖိကပ်နမ်းလာသည် ။ ပြီးနောက် ဆံပင်တို့အား ခပ်ဖွဖွလေး ပွတ်သတ်ပေးကာ

" ကိုယ့်အချစ်က အရမ်းအငိုလွယ်တာပဲကွာ "

" phi နော် ! "

" ပါပါး ချစ်ရယ်နော် "

မျက်ရည်စမ်းစမ်းဖြစ်နေသည့် Santa ကို သားအဖနှစ်ယောက် ဝိုင်းချော့အပြီးတွင်တော့ သားကိုကျောင်းပို့ရန် အိမ်မှထွက်လာကြတော့သည် ။

လမ်းတစ်လျှောက်လုံးတွင်တော့ စကားတွေတတွတ်တွတ်ပြောလာသည့် သားကြောင့် Santa ဝမ်းမနည်းနိုင်ဘဲ ပျော်ရွှင်လာတော့သည် ။ သားကျောင်းရှေ့ကို ရောက်ချိန်တွင်တော့ သားငိုမည်ကို အနည်းငယ်တော့ စိုးရိမ်မိသေး၏ ။

" သားသား တီချယ်တွေစကား နားထောင်ရမယ်နော် "

" ဟုတ် "

" လိမ်လိမ်မာမာလည်း နေနော် "

" ဟုတ် "

တစ်ခုပြီးတစ်ခုမှကြားခဲ့သည်မှာ မနေ့ညကတည်းက ဖြစ်ပြီး ယခုကျောင်းထဲဝင်ခါနီးအထိပါ မှာကြားနေသေးသော ချစ်ရသူလေးက သားကို တကယ်ပင်စိုးရိမ်နေတာမို့ Perth လည်း ဘာမှမပြောရက် ။ တကယ်တမ်း Domiia ဆိုတဲ့ကလေးက Tata ကိုပါ ရောင်းစားသွားနိုင်တဲ့အထိ လည်ကာ အတတ်လွန်၏ ။ ဤသည်ကို မသိတဲ့ သားပါပါးကသာ အရမ်းစိုးရိမ်ကဲနေခြင်းဖြစ်သည် ။ Perth လည်း စိုးရိမ်မိပေမယ့် သားက သူများအနိုင်ကျင့်ခံဖြစ်မှာ မဟုတ်မှန်းတော့သိသည် ။

ပြီးတော့ တစ်ခုခုဆိုရင် လက်သီးနဲ့ထိုးထားခဲ့ ဒယ်ဒီလိုက်ရှင်းမယ်ဆိုပြီးလည်း Santa မသိအောင် မှာထားသေးသည်မို့ ပိုစိတ်ချ၏ ။ သားက Perth စကားဆိုလျှင် အမြဲနားထောင်သည်လေ ။

" သား တာ့တာ "

" တာ့တာ ပါပါး ၊ ဒယ်ဒီ တာ့တာ "

ပြီးနောက် သားက သူ့တီချယ်ခေါ်ရာ၌ ပါသွားပြီမို့ ကျောင်းအဝင်ဝလေးတွင် မျက်နှာငယ်လေးနဲ့ကျန်ရစ်သည့် ပါပါးသေးသေးလေးကိုသာ တွေ့လိုက်ရ၏ ။ သားက တစ်ချက်မှမငိုတဲ့အပြင် ပြုံးရွှင်လို့ပါသွားသည်ဖြစ်ရာ သားပါပါးကတော့ ငိုချင်သလိုလိုလေးဖြစ်နေတာမို့ Perth မှာ အူယားလွန်းနေပြီ ။ ထို့ကြောင့် ပါးအိအိလေးအား အားဖြင့်ဆွဲညှစ်လိုက်တော့ မျက်စောင်းက ဒိုင်းခနဲဝင်လာသည် ။

" ပြန်မယ် ! "

ထိုသို့သာဆိုပြီး ကားရှိရာဆီ ချက်ချင်းလှည့်ထွက်သွားသူကြောင့် Perth ပြုံးလိုက်ရင်း နောက်ကလိုက်ရတော့သည် ။ ကားပေါ်ရောက်လို့ ကားထွက်သည်သည်အထိပင် စကားမပြောဘဲ ဆူပုတ်နေဆဲဖြစ်သည့် ဘေးက ကောင်လေးကြောင့် Perth ကြာကြာ မနေသာတော့ပါ ။

" အချစ် ... "

" ... "

" Tata ... "

" ကြားတယ်ကို ပြောပါလား "

" ထူးမှမထူးတာကို "

ကားမောင်းရင်း တစ်ချက်လှည့်ကြည့်တော့ သူ့အား မျက်စောင်းလှည့်ထိုးတာနဲ့ တည့်တည့်ကြုံ၏ ။ Perth ရယ်ချင်စိတ်ကို မနည်းထိန်းလိုက်ရသည် ။ သားကို မူကြိုသွားပို့ချင်တာလည်း သူ ။ အခုပို့ပြန်တော့ စိတ်မကြည်ဘဲ အလကားကောက်ခံနေရတာက Perth ။ လောကကြီးက တရားလွန်း၏ ။

" ကိုယ်နဲ့ Company လိုက်မယ်မလား "

" ပြောပြီးပြီကို ! "

" အာ ... "

တကယ်ပင် ကောက်နေသည့်ချစ်ရသူကြောင့် Perth မနေနိုင်တော့ဘဲ မျက်နှာကိုလက်ဖြင့်အုပ်ကာ ရယ်လိုက်မိသည်အထိ ။

" Miiang က မငိုဘူး "

" အချစ်က ငိုမှာစိုးနေတာ မဟုတ်ဘူးလား "

" ဟုတ်ပေမယ့် မငိုတော့လည်း နေရခက်တယ်လေ "

" ဟောဗျာ ဘာလို့တုန်း အချစ်ရဲ့ "

ထိုသို့မေးတော့ သက်ပြင်းချသံလေးအား သိသိသာသာကြားလိုက်ရသည် ။

" သားက ကျွန်တော့်ကိုခွဲနိုင်သလို ဖြစ်နေတာကို ၊ ဒီလိုဆို အရွယ်ရောက်လာတဲ့အခါ တခြားတစ်ယောက်ကို မြန်မြန်ပိုချစ်သွားမှာပေါ့ "

" ကလေးကျနေတာပဲကွာ "

" phi နော် ! ကျွန်တော် တကယ်စိတ်မကောင်းဖြစ်နေတာကို "

" ဟုတ်ပါပြီဗျာ ၊ ကိုယ်က မင်းကို အသည်းယားလွန်းလို့ပါ ၊ ဒါပေမယ့် တစ်ချိန်ချိန်ကျရင်တော့ သားက ကိုယ်တို့ လွှတ်ပေးရမှာပဲလေ Tata ရဲ့ ၊ သားဘဝကို ကိုယ်တို့မပိုင်ဘူး ၊ ကိုယ်တို့က ဘေးကနေ အကောင်းဆုံးဖြစ်အောင် လမ်းပြပံ့ပိုးပေးဖို့ပဲ တတ်နိုင်တာ ကိုယ်ပြောတာ နားလည်လား "

ထိုအခါမှ ခေါင်းငြိမ်ပြလာသည့် ချစ်ရသူလေးကြောင့် လက်ကလေးအား ဆုပ်ကိုင်လိုက်သည် ။

" ကိုယ်ကတော့ မင်းအနားမှာ အမြဲတမ်းရှိနေမှာ Tata "

" ကျွန်တော်ရောပဲ "

ပြီးနောက် ပုခုံးတစ်ဖက်အပေါ်မှီတင်လာသည့် ခေါင်းလုံးလုံးလေးကြောင့် ခုဏက ကောက်တေးလေး မရှိတော့မှန်း Perth သိလိုက်သည် ။

တစ်နေ့တစ်ခြား ဒီကောင်လေးအပေါ် အချစ်တိုးလာရလွန်းလို့ သူ့မှာ ဘယ်လိုလုပ်ရမှန်းမသိ ။ အိမ်ထောင်သည်တွေ အချိန်ကြာလာလျှင် ရိုးအီတတ်ကြတယ်တဲ့ ။ သူ့အတွက်တော့ အဲ့ဒီစကားက မှားလွန်းသည် ။ Santa ဆိုတဲ့ ဒီကောင်လေးက သူ့အတွက် နေ့တိုင်းမရိုးမအီပဲ ထိုင်ကြည့်ချင် ၊ ထိတွေ့ချင်တဲ့ အကြည်ဓာတ်ကလေးဖြစ်၏ ။

------

Santa သည် သားလည်း ကျောင်းတက်နေပြီဖြစ်၍ အိမ်မှာအားမနေချင်တာကြောင့် phi Perth နှင့်အတူ Company မှာ အလုပ်ဝင်နေပြီဖြစ်သည် ။ Secretary အနေနဲ့မဟုတ်ဘဲ နေရာတစ်ခုတွင် ကောင်းကောင်းတာဝန်ယူထား၏ ။

ရုံးဆင်းချိန်တွင် သားကျောင်းကြိုရမည်မို့ နေ့တိုင်း Santa က နာရီဝက်စောပြီး အရင်ပြန်သည် ။ တစ်ခါတစ်လေ phi Perth ပါ လိုက်ပြန်တတ်ပေမယ့် အလုပ်များသည့် နေ့များတွင်တော့ သပ်သပ်ပြန်လာတတ်၏ ။ ယနေ့တွင်လည်း အရေးကြီးလုပ်ငန်းပါတနာတစ်ယောက်နဲ့ချိန်းထားသေးသည်မို့ Santa တစ်ယောက်သာ သားကိုသွားကြိုရသည် ။ သားကို ကြိုပြီးချိန်တွင်တော့ super market တစ်ခုကိုဝင်ကာ အိမ်တွင်လိုအပ်သည်များဝယ်ရန် တွေးလိုက်သည် ။

တွန်းလှည်းထဲ သားကိုထိုင်စေကာ လိုအပ်သည့် ပစ္စည်းများအား လိုက်ကြည့်ကာ အေးအေးဆေးဆေးဝယ်နေလိုက်သည် ။ ညစာချက်ဖို့ရန်နှင့် သားအတွက် snack တွေပါ သေချာရွေးဝယ်လိုက်၏ ။ အတော်ကြာ လှည့်ပတ်ပြီးသည့် အခါတွင်တော့ ဝယ်စရာအတော်လေး စုံနေချေပြီ ။

" ပါပါး ! "

သားက ရှေ့တွင်ထိုင်လိုက်ရင်း ခေါ်လာသည်မို့ Santa ပြန်ထူးလိုက်သည် ။ ထိုအခါသားက ထလာကာ Santa ဘေးသို့ရောက်လာ၏ ။

" ဘာကြီးလဲ Miiang "

" အရုပ်လိုချင်ရယ် .. "

သားက ခပ်လှမ်းလှမ်းက အရုပ်တန်းတွေဆီ လက်ညှိုးထိုးကာ ပြောလာသည်မို့ Santa အနည်းငယ် လက်တွန့်သွားသည် ။ မဝယ်ပေးချင်၍မဟုတ်ဘဲ အိမ်တွင်များပြားလှသော အရုပ်တွေရှိနေခြင်းကြောင့်ဖြစ်သည် ။ ပြီးရင် Domiia က အရုပ်တွေကို တန်ဖိုးသိပ်မထားတတ်မှာလည်းစိုးတယ် ။ လိုချင်တာမှန်သမျှဝယ်ပေးပြီး အရမ်းအလိုလိုက်သလို ဖြစ်နေလျှင် Doiima လေးရဲ့ စိတ်ထဲ ဘာကိုမှ အလေးအနက်မရှိတော့မှာကို မလိုလားပေ ။

" အိမ်မှာအရုပ်တွေ အများကြီးလေ သားရဲ့ "

" ဟင့်အင်း ပါပါး ဝယ်ပေး အသစ်လိုချင်ယာ "

" မရဘူး Miiang အိမ်မှာလည်း ဦးဦးတို့ဝယ်ပေးထားတဲ့ အရုပ်အသစ်အများကြီးလေ "

ထိုအခါ Santa ၏ အင်္ကျီစအားဆွဲကာ မျက်နှာလေးမဲ့ကျသွားသည် ။ သနားပေမယ့် လုံးဝ မဝယ်ပေးချင်ပါ ။

" လမ်းလျှောက်မှာလား မဟုတ်ရင် ပြန်သွားထိုင်တော့ "

ထိုအခါ ဘာမှပြန်မဖြေဘဲ ခေါင်းလေးငုံ့ချကာ ငြိမ်နေ၏ ။ ဒီဂျစ်တူးလေး စိတ်ကောက်သွားပြီမှန်းသိပေမယ့် Santa မချော့လိုက်ပါ ။ ချော့ပါလျှင် ပိုဆိုးမည်ကို သိသည် ။ Domiia က ဘယ်သူနဲ့တူလို့ အရမ်းဂျစ်တိုက်တတ်မှန်း တကယ်မသိပေ ။ ထို့ကြောင့် တွန်းလှည်းအား ဆက်တွန်းကာ ငွေရှင်းကောင်တာဆီသို့ လျှောက်လာခဲ့လိုက်သည် ။ ဘေးကိုကြည့်တော့ ခေါင်းကြီးငုံ့လျက် စိတ်ကောက်နေဆဲဖြစ်သော သားကြောင့် Santa ပြုံးကာ ခေါင်းခါလိုက်သည် ။

ပြီးနောက် ငွေရှင်းရန်တန်းစီနေချိန် သားဒယ်ဒီဆီက မက်ဆေ့ဝင်လာသည်မို့ ဖုန်းဖွင့်ဖတ်လိုက်သည် ။

*ကိုယ် အိမ်ပြန်နည်းနည်းနောက်ကျမယ်နော် Tata ၊ မမှောင်ခင်တော့ ပြန်လာမယ် ချစ်တယ် *

Santa ပြုံးလိုက်ရင်းဖြင့် စာပြန်လိုက်သည် ။

* ဟုတ်ကဲ့ဗျ ၊ ညစာကောင်းကောင်းလေးပြင်ပြီး စောင့်နေမယ် ချစ်တယ် *

ပြီးနောက် ဖုန်းကိုအင်္ကျီအိတ်ကပ်ထဲ ပြန်ထည့်လိုက်ကာ သားကိုကြည့်လိုက်သည် ။ မပြောင်းလဲသော ပုံစံလေးဖြင့် စိတ်ကောက်နေဆဲ ။

" ဒယ်ဒီ့ဆီက စာလာတယ် "

ထိုအခါမှ ဆစ်ခနဲခေါင်းမော့လာတဲ့ Domiia လေး က မျက်လုံးက အဝိုင်းသား ။ ပြီးတော့ Santa ဆက်ပြောမည့်စကားကို စောင့်နေဟန်ရှိသည် ။ စိတ်ကောက်နေတာတောင် သူ့ဒယ်ဒီဘာပြောလဲ သိချင်ပုံရှိ၏ ။

" Miiang ဆိုးနေရင် ရိုက်ပစ်လိုက်တဲ့ "

ထိုအခါ သိသိသာသာ မျက်နှာလေးက ရှုံ့မဲ့ကျသွားကာ နှုတ်ခမ်းလေးကပါ ဆူပုတ်ပုတ်ဖြစ်သွားသည်မို့ Santa တကယ်ပင် အူယားသွားမိသည် ။

ဘယ်လိုချစ်စရာကောင်းတဲ့ Domiia လေးလဲ ။

ပြီးနောက် ငွေရှင်းရန် အလှည့်ကျသည်မို့ Santa ကောင်တာတွင် ငွေးရှင်းနေလိုက်သည် ။ သို့သော် ငွေရှင်းပြီးချိန်တွင် ဘေးတွင် သားကရှိမနေတော့ပေ ။ Santa ရင်ထဲ ချက်ချင်းပူတက်သွား၏ ။ ဘေးမှာစိတ်ကောက်ပြီး ရပ်နေတယ်ထင်တာကြောင့် ခဏသတိလက်လွတ်ဖြစ်သွားခြင်းဖြစ်သည် ။ ဝယ်ထားသည့် အထုပ်တွေကိုလက်မှာဆွဲကာ သားကို အမြန်လိုက်ရှာရတော့သည် ။ ပထမဆုံးသွားမိတာက အရုပ်တန်း ။ Domiia က အရုပ်လိုချင်လို့ ပြန်သွားကြည့်တာပဲ ဖြစ်ပါစေ ။

ဆုတောင်းနှင့်အတူ ခြေလှမ်းတွေက မြန်လျက် ။

စိတ်ထဲတွင်လည်း သား စိတ်ကောက်နေသည်ကို မချော့မိခြင်းကို အတော်လေးစိတ်မကောင်းဖြစ်နေမိသည် ။

သို့သော်အရုပ်တန်းသို့ ရောက်ချိန်တွင် သားအရိပ်ကလေးကို မြင်လိုက်ရသည်မို့ Santa ရင်ထဲမှ အပူလှိုင်းကြီးသည် ချက်ချင်းလျော့ကျသွားသည် ။

" သား ... Domiia ! "

သားအနားသွားကာ ထိုင်ချလိုက်ပြီး သားကိုဆွဲဖက်လိုက်မိသည် ။ ပြီးကာမှ သားမျက်နှာလေးကို ပြန်ထုတ်ကြည့်ပြီး

" ပါပါး စိတ်ပူသွားတာပဲ သားရယ် "

" Santa ! "

သားဇောဖြင့် ဘေးပတ်ဝန်းကျင်ကို သတိမထားမိပါဘဲ ယခု နာမည်ခေါ်သံကြားမှ ဘေးရှိအမျိုးသမီးကို သတိရသွားသည် ။ သားကိုတွေ့တွေ့ချင်း သားဘေးမှာ အမျိုးသမီးတစ်ဦးက သားနဲ့စကားပြောနေခဲ့၏ ။ ထို့ကြောင့် ချက်ချင်းမော့ကြည့်လိုက်တော့ Santa မျက်ဝန်းတွေ ဝိုင်းစက်သွားရသည် ။

ထိုအမျိုးသမီးသည် ...

" phi Wan "

ဟုတ်တယ် ။အဲ့ဒီ အမျိုးသမီး ဖြစ်သည် ။

phi Wan သည်လည်း Santa ကို မထင်မှတ်ဘဲ တွေ့လိုက်ရသည်မို့ အံ့ဩနေဟန်တူ၏ ။ ချက်ချင်းဆိုသလို အတိတ်ကအဖြစ်အပျက်တွေ ခေါင်းထဲဝင်လာတော့ Santa မျက်နှာပူလာမိသည် ။ အခုအချိန်ထိ လိပ်ပြာမလုံနိုင်သေးဘူးဘဲ ။

" သူက Santa တို့ ကလေးလေးပေါ့ "

သားကို ရည်ညွှန်းပြီးမေးလာတာခြင်းဖြစ်ပြီး phi Wan ၏ မျက်နှာထက် နူးညံ့စွာပြုံးနေသည်ကို ခံစားမိသည် ။ ထိုအချင်းအရာကြောင့် Santa အနည်းငယ် မှင်သက်သွား၏ ။ ထိုအပြုံးသည် ပကတိရိုးရှင်းလှသည် ။

" ဟုတ် ... ကျွန်တော်တို့ သားပါ Domiia တဲ့ "

" ပါပါး တီတီက လှရယ် "

" အတတ်ကလေးပဲကွာ တီတီက မုန့်ဝယ်ကျွေးရမယ်ထင်တယ် "

ထင်ထားသလို လေထုက တင်းကျပ်မနေဘဲ နေရသက်သာလာ၏ ။ ပြီးနောက် သားကလည်း phi Wan အနားတိုးကပ်သွားတာမို့ Santa လွှတ်ပေးလိုက်သည် ။

" ကလေးတစ်ယောက်ထဲမို့လေ လူကွဲသွားတာလားဆိုပြီး စကားပြောပေးနေတာ ၊ တစ်ယောက်ယောက်နဲ့တူတယ်လို့ ထင်နေမိသေးတယ် Perth နဲ့ သိပ်တူနေတာကိုးး ၊ မျက်လုံးလေးကတော့ Santa နဲ့တူတယ်ထင်တယ် "

ပုံမှန်ကဲ့သို့ စကားအသွားအလာကြောင့် Santa နေရခက်ခြင်းလျော့ကျလာ၏ ။ သားကလည်း phi Wan မေးသမျှကို အသွက်လေးလုပ်ကာ ဖြေနေသေးသည် ။ ပြီးနောက် ငလည်ဂျစ်တူးလေးအတွက် သူလိုချင်နေသော အရုပ်ကို phi Wan က ဝယ်ပေးလိုက်တာလေသည် ။

ပြီးနောက် Santa တို့အား တစ်ခုခုကျွေးမည်ဟုပြောကာ အတင်းခေါ်တာမို့ မငြင်းနိုင်ဘဲ Santa လိုက်လာခဲ့ရသည် ။ သားကတော့ ရေခဲမုန့်စားမည်ဟုပြောသည်ကြောင့် Santa ကတော့ အအေးတစ်ခွက်သာ မှာလိုက်ပါသည် ။

" အချိန်တွေ အဲ့လောက်တောင် ကြာသွားပြီနော် "

ရုတ်တရက်ပြောလာသည့် စကားကြောင့် Santa မျက်နှာပျက်မိ၏ ။ အနည်းငယ်တော့ဖြင့် သူနေရခက်လာမိပြန်သည် ။

" ထိုင်းကို ပြန်မလာတော့ဘူးလို့တွေးထားခဲ့တာ "

" တောင်းပန်ပါတယ် "

Santa ထိုသို့ဆိုမိတော့ သူမက ခပ်ဖွဖွရယ်၏ ။ သို့သော် လှောင်ရယ်ခြင်းမျိုးမရှိပဲ ကြည်လင်နေပြန်သည် ။ ထိုရယ်သံသည် Santa ၏နေရခက်မှုကို လျော့ချပေးနေသယောင်ပင် ။

" မဟုတ်တာ Ta ရယ် ၊ တကယ်တောင်းပန်သင့်တာ တို့ထင်ပါတယ် "

" .... "

" အချစ်နဲ့ နှလုံးသားက လုပ်ယူလို့မရဘူးလေ ၊ တို့အယူအဆ လွဲမှားခဲ့တာပါ ၊ အခုတော့လည်း နေသားတကျပဲမို့ မင်း တို့ကို အားမနာပါနဲ့တော့ "

ထိုအခါမှ Santa လည်း ခပ်ဖွဖွလိုက်ပြုံးမိသည် ။ ဘေးက သားကတော့ ဘာမှမသိ ။ ရေခဲမုန့်ကိုသာ အေးအေးဆေးဆေးစားနေသည် ။ တစ်ချက်ချက်တော့ လူကြီးတွေဘက် အကဲခတ်သေးသည် ။

" တို့သာ မင်းနေရာမှာဆိုရင် အဲ့ဒီလောက် သတ္တိရှိပါ့မလား မသိဘူး ၊ ကလေးလေးယူလိုက်တယ်လို့ သတင်းကြားတော့ တို့တကယ် အံ့ဩမှင်သက်နေခဲ့တာ ၊ တို့ဆိုရင် အဲ့ဒီလောက် ချစ်ပေးမိမယ်မထင်ဘူးလေ ၊ ကြားထဲမှာ အနှောက်အယှက်တွေပေးခဲ့မိတဲ့အတွက်တောင် တော်တော်လေး နောင်တရနေတာ အများကြီးမှားခဲ့ပုံပဲ "

" မဟုတ်တာ ... phi Wan ဘက်က ဘာမှအနှောက်အယှက်မပေးခဲ့သလို မှားလည်း မမှားခဲ့ပါဘူး ၊ တကယ်တော့ ကျွန်တော်တို့ သုံးယောက်လုံး မမှားခဲ့ဘူး ထင်ပါတယ် "

ဟုတ်တယ် ။ သုံးယောက်လုံးမမှားခဲ့ကြပါဘူး ။ဒီတိုင်း ဖြစ်ဖို့အတွက် စီမံခဲ့တော့ နှလုံးသားတွေကို ရင်းမိခဲ့ကြရုံပါ ။

" ဘာပဲဖြစ်ဖြစ် မင်းတို့နှစ်ယောက်အတွက် တို့တကယ်ဝမ်းသာပါတယ် "

" ကျေးဇူးတင်ပါတယ် phi Wan "

" Wan ! "

စကားပြောနေတုန်းမှာပင် နာမည်ခေါ်သံတစ်ခုကြောင့် Santa ကြည့်လိုက်မိသည် ။ သို့နှင့်အတူ phi Wan သည်လည်း နောက်သို့လှည့်ကာ ထိုခေါ်သံလာရာ ပိုင်ရှင်အား အတောက်ပဆုံးပြုံးပြနေ၏ ။ ပြီးတော့ ထိုအသံပိုင်ရှင်သည် အမျိုးသမီးတစ်ယောက်ပင်ဖြစ်၏ ။

" အဆင်ပြေခဲ့ရဲ့လား "

" အင်း နောက်နေ့ထပ်လာရင် ရပြီ "

နှစ်ယောက်က ကိစ္စတစ်ခုခုအားပြောနေခြင်းဖြစ်ပေလိမ့်မည် ။ ပြီးနောက် phi Wan က တစ်ဖက်ကိုတိုးပေးလိုက်တာမို့ ထိုမိန်းကလေးက phi Wan ၏ ဘေးတွင်ဝင်ထိုင်လေသည် ။ ပြီးကာမှ Santa နဲ့ Domiia လေးအား အကဲခတ်ကြည့်လာ၏ ။

" မိတ်ဆက်ပေးရအုံးမယ် ဒါက တို့ချစ်သူလေ Chuu တဲ့ "

မိတ်ဆက်ပေးမှုကြောင့် Santa အနည်းငယ်အံ့အားသင့်မိပြီးမှ ရှေ့ကအမျိုးသမီးအား ပြုံးပြလိုက်သည် ။ ထိုအခါ လှိုက်လှိုက်လှဲလှဲပြန်ပြုံးပြလာသည့် အမျိုးသမီးအား

" Chuu သူက တို့ ပြောဖူးတဲ့ Santa လေ ဘေးက Santa တို့သားလေး Domiia တဲ့ "

" ဟုတ်ကဲ့ တွေ့ရတာဝမ်းသာပါတယ် "

" ဟုတ်ကဲ့ ကျွန်တော်လည်း ဝမ်းသာပါတယ်ဗျ "

" Do လည်း ဝမ်းသာရယ်ဂျ "

ဝင်ပြောလိုက်သည့် Domiia လေးကြောင့် လူကြီးသုံးယောက်လုံး ရယ်မိကြသည် ။ ပြီးနောက် ခဏလောက်စကားပြောမိကြပြီး ဆက်ဆံရေးတို့သည် အများကြီးပြေလည်သွား၏ ။ အတိတ်ကကိစ္စတို့ကိုပင် မေ့မေ့ပျောက်ပျောက်ဖြစ်သည် အထိပင် ။

Santa ရင်ထဲတွင်လည်း ထိုတွေ့ဆုံမှုကြောင့် ကျန်ရှိနေသေးသော အပိုင်းအစငယ်တို့သည် လုံးဝပျောက်ကင်းသွား၏ ။ phi Wan ကတော့ စနှောက်သည်လား ။ သူ့ကိုပဲ နေရမခက်စေချင်တော့လို့လား မသိ ။ အဲ့နေ့ကသာ Perth နဲ့မလွဲသွားခဲ့ရင် ချစ်စရာကောင်းတဲ့သူမ၏ချစ်သူလေးကို မတွေ့ရတော့လို့ နောင်တရမိမှာတဲ့ ။ Perth ကိုလည်း ကျေးဇူးတင်တယ် ပြောပေးပါတဲ့လေ။ phi Wan ၏ ချစ်သူကလည်း ထိုအကြောင်းတွေကို သိပုံပေါ်ပေမယ့် သေးသေးလေးမျှစိတ်ကွက်မှုရှိပုံမပေါ် ပါ။ phi Wan အတွက် တကယ်ပင်ဝမ်းသာမိပါသည် ။

ပြီးနောက်တွင်တော့ Santa သားနဲ့အတူ အိမ်သို့ပြန်ခဲ့လိုက်တော့သည် ။

-----

Santa သားကို သိပ်ပြီးနောက် သားအိပ်ပျော်သွားမှ တစ်ဖက်အခန်းကို ပြန်လာခဲ့လိုက်သည် ။ အခန်းထဲဝင်ဝင်ချင်း မြင်လိုက်ရသည်က ရေချိုးပြီးစဖြစ်သည့် phi Perth ကို ဖြစ်သည် ။ အင်္ကျီကြယ်သီးတပ်နေတာမို့ အနားသို့သွားကာ ကူတပ်ပေးရန်ပြင်လိုက်သည် ။ ထိုအခါ နဖူးပေါ်သို့ ရောက်လာသော အနမ်းခပ်နွေးနွေးကြောင့် ပြုံးလိုက်မိပါသေးသည်။

" phi .... "

" ဗျာ ... "

" ညနေက သားနဲ့စျေးဝယ်နေတုန်း ဘယ်သူနဲ့တွေ့ခဲ့တယ်ထင်လဲ "

ထိုအခါ Santa ရှေ့ဆံပင်တို့အား ခပ်ဖွဖွတို့ထိလာရင်းဖြင့်

" ဘယ်သူနဲ့တွေ့ခဲ့တာလဲဗျ "

" phi Wan ... "

Santa အဖြေအဆုံး phi Perth ရဲ့လက်တို့သည် ရပ်တန့်သွားကာ မျက်နှာက ချက်ချင်းပျက်ကျသွားပြီး စိုးရိမ်စိတ်လွှမ်းမိုးသွားသည် ။

" ဘာတွေပြောခဲ့သေးလဲ ၊ Tata ကို တစ်ခုခုပြောသေးလား "

phi Perth စိုးရိမ်နေသည်ကို Santa သိသည် ။ အရင်လို စွပ်စွဲစကားတွေ ပြောသွားပြီး Santa စိတ်ညစ်မည်ကို စိုးရိမ်ခြင်းဖြစ်မည် ။ ထို့ကြောင့် ခေါင်းကိုအသာခါရမ်းပြကာ phi Perth ၏ခါးအားဖက်ပြီး

" ပြောတော့ ပြောခဲ့တယ် ဒါပေမယ့် ... "

Santa စကားဆက်မယ်ကြံတုန်းရှိသေး လက်ကိုဆွဲကိုင်ကာ ကုတင်အထိခေါ်သွားသည် ။ ပြီးနောက် ကုတင်ပေါ်တွင် မျက်နှာချင်းဆိုင်ထိုင်ခိုင်းပြီး ရှေ့တွေအုပ်ကျနေသော Santa ဆံပင်တို့အား သပ်တင်ပေးကာ

" ဘာတွေပြောသွားတာလဲ ၊ သူပြောတာတွေကို စိတ်ထဲမထားပါနဲ့ ၊ ကိုယ် Tata ကို ထပ်ပြီး မနာကျင်စေချင်တော့ဘူး ၊ မျက်ရည်လည်း မကျစေချင်တော့ဘူး "

Santa ခပ်ယေးယေးလေးပြုံးလိုက်ကာ phi Perth ရဲ့လက်ကိုယူပြီး ဆုပ်ကိုင်ထားလိုက်သည် ။ ပြီးနောက် ဖြစ်ခဲ့သမျှကို သေချာရှင်းကာပြောလိုက်၏ ။

" သေချာရဲ့လား "

" Tata မလိမ်ပါဘူး ယောက်ျားရဲ့ "

ထိုသို့ပြောလိုက်မှ phi Perth က သက်ပြင်းဖွဖွချသည် ။ ပြီးနောက်

" ကိုယ်က အများကြီးစိုးရိမ်သွားတာ "

စကားအဆုံးတွင် Santa ကိုယ်လေးအား ဆွဲယူလိုက်တာမို့ ရင်ခွင်ထဲ လုံးလုံးလျားလျားဝင်ရောက်သွားသည် ။ ထို့ကြောင့် phi Perth ၏ ခါးကိုဖက်တွယ်လိုက်ကာ လုံခြုံလှသည့် ရင်ခွင်ကျယ်ကြီးထဲ မှီတွယ်ထားလိုက်သည် ။ phi Perth ကတော့ Santa ပုခုံးတို့အား ပွတ်သတ်ကာ ကလေးတစ်ယောက်ကို ချော့မြူသလို ပြုမူလေသည် ။

" phi Perth ... "

" အင်း ကိုယ်နားထောင်နေတယ် "

" phi Wan ရဲ့ချစ်သူက phi Wan ကို တော်တော်လေးချစ်ပုံပဲ မျက်လုံးတွေကတင် ကျွန်တော်ခံစားလို့ရတယ် "

" အင်း ... ကိုယ် Wan အတွက် ဝမ်းသာပါတယ် "

" ကျွန်တော်ရောပဲ မကြာခင်စေ့စပ်တော့မှာလို့ပြောတယ် ၊ ထိုင်းကိုက ခဏပဲပြန်လာတာတဲ့ ၊ phi Wan ရဲ့ချစ်သူက မြန်မာနိုင်ငံကလေ "

" ဟုတ်လား "

" အင်း တရုတ်မှာပဲ အခြေချမယ်လို့ ပြောတယ် ၊ ဘာပဲဖြစ်ဖြစ် အခုလို phi Wan အချစ်ခံနေရတော့ ကျေနပ်ပါတယ် ၊ ကျွန်တော့်စိတ်ထဲမှာလည်း အရာအားလုံးရှင်းလင်းသွားတယ် ၊ ဒီနေ့တွေ့ခဲ့ရတာ တကယ်ကျေးဇူးတင်ရမယ်ထင်တယ် "

ထိုသို့ပြောပြီး မော့ကြည့်လိုက်တော့ သူ့အား နူးညံ့နွေးနွေးစွာ ငုံ့ကြည့်နေသာ မျက်ဝန်းများဖြင့်ဆုံသည် ။

" ကိုယ်လည်း ကျေးဇူးတင်မိတယ် ၊ အဲ့ဒီကိစ္စတွေနဲ့ပတ်သက်ပြီး Tata စိတ်ထဲမှာ ဘာမှရှိမနေတော့တဲ့အတွက်လေ ၊ ကိုယ်မင်းကို အပြစ်ရှိသလို မခံစားရစေချင်ဘူး "

" ဒီနေ့နောက်ဆုံးပါပဲ အခုတော့ စိတ်ထဲမယ် ဝမ်းသာတာပဲရှိတယ် ၊ လူတိုင်းက အချစ်ခံသင့်တယ်မလား "

" လူတိုင်းတော့ မသိပေမယ့် Tata မင်းကတော့ အများကြီးအချစ်ခံသင့်တယ် ၊ ကိုယ်က မင်းကိုအများကြီးထပ်ချစ်ပေးမယ် "

ပြီးနောက် နှစ်ယောက်သား အကြည့်ချင်းဆုံမိကြပြီး အချိန်ကြာသည်အထိ မှင်သက်နေမိကြသည် ။ နှစ်ယောက်လုံး၏ ရင်ထဲတွင်လည်း ပြောမရတတ်အောင် ကြည်နူးမှုပြည့်နေမှာသေချာပါသည် ။

" အရင်အချိန်တွေ ပြန်ရောက်ရင်တောင် ကျွန်တော် phi Perth ကိုပဲ ထပ်ရွေးမိမယ်ထင်တယ် "

" ကိုယ်ကတော့ အရင်အချိန်တွေအတွက် အခုမင်းကို ပိုပြီး ဂရုစိုက်မယ် ၊ ချစ်ပေးမယ် ၊ အထူးသဖြင့် ကိုယ်ကြောင့်နဲ့ မင်းထပ်ပြီးမျက်ရည်မကျစေရဘူး "

" ချစ်တယ် ၊ ကျွန်တော် phi Perth ကို သိပ်ချစ်တာပဲ "

" ကိုယ်ရောပဲ ၊ ပြောမပြတတ်လောက်အောင်အထိ မင်းကိုချစ်တယ် "

ချစ်တယ်ဆိုတဲ့စကားတွေအတွက် သက်သေပြရန်မလိုတော့ပါ ။ တစ်ယောက်အတွက်တစ်ယောက် ဘယ်လောက်အရေးပါကြောင်း ၊ ဘယ်လောက်အထိ ပေးဆပ်နိုင်ကြောင်း သူတို့နှစ်ယောက်လုံး သိပြီးသားဖြစ်၏ ။

တစ်ပြိုင်နက်ဆိုသလို ထပ်တူကျသွားသည့် နှုတ်ခမ်းလွှာတို့သည် ချိုမြိန်မှုအစုစုအား လှိုက်မောဖွယ်သယ်ဆောင်လေသည် ။ နူးညံ့မှုနှင့် နွေးထွေးမှုက ဘယ်တော့သောအခါမျှ ပြောင်းလဲသွားမည်မထင် ။ ဒီတစ်ယောက်သာလျှင် လိုအပ်ချက်နဲ့ ဖြည့်တင်းနိုင်မှုဖြစ်၏ ။ တစ်ယောက်အတွက်တစ်ယောက်အသက်ရှင်ခြင်းဆိုတာထက် နှစ်ယောက်ပေါင်းမှ အသက်တစ်ခုလို ဖြစ်တည်မှုမျိုးဖြစ်သည် ။

ဒီနေ့ကစပြီးPerth Tanapon ဆိုတဲ့ကိုယ်ကSanta Pongsapak ဆိုတဲ့ မင်းရဲ့အသက်ရှင်မှုအောက်မှာ တွယ်ကပ်ပြီးရှင်သန်မယ့်ကောင်မို့မင်းက အမြဲတမ်းပြုံးနေမှ ဖြစ်မယ် ။

အဲ့တာမို့ ဘယ်တော့မှထပ်မငိုပါနဲ့ ။

No More CryMy baby Santa ..... ။

-----

The End 🤍

7.9.2025 Sunday .

6.1К2740

Previous chapter Next chapter

There are no comments yet. Log in to be the first to leave a review!

41 ( End )

Similar stories