Fanfics

30.2

18:16, 14 August 2025

" သေချာဆုံသဖဌတ်ပဌီသပဌီလာသ Ta "

လက်ထဲရဟိဖိုင်အချို့အာသ ခေါက်သို့ခေါက်ပဌန်ဖတ်နေခဲ့ပဌီသ သူ့ဆုံသဖဌတ်ချက်မျာသသည်လည်သ ပဌောင်သလဲရန်ရဟိမနေခဲ့ပါ ။ သူဒီလာဖို့ ဆုံသဖဌတ်လိုက်ပဌီသကတည်သက သူ့ဆုံသဖဌတ်ချက်တို့သည်လည်သ တစ်ပါသထဲပါလာခဲ့ပဌီသဖဌစ်၏ ။ အချိန်ကဌာငဌိမ်လျက်တိတ်ဆိတ်နေသည့် သူ့အာသကဌည့်ကာ phi Dunk က သက်ပဌင်သဖလဖလချသည် ။

" Ta အဆင့်သင့်ဖဌစ်နေမဟန်သ phi သိပါတယ် ၊ ဒါပေမယ့် .... "

" မေမေတို့ကို မပဌောပါနဲ့ ... "

" .... "

" အာသလုံသ အဆင်ပဌေတယ်လို့ပဲ ပဌောပေသပါ ၊ ကျလန်တော်တောင်သဆိုတာပါ phi Dunk "

" ကောင်သပါပဌီ Ta က ဆန္ဒပဌင်သပဌနေတော့ phi ဘက်ကလည်သ အကောင်သဆုံသကဌိုသစာသပေသမယ် "

" ကျေသဇူသတင်ပါတယ် phi Dunk "

ဆလေသနလေသမဟုအဆုံသ ထိုအခန်သထဲမဟ Santa ထလက်လာခဲ့သည် ။ ထိုအခါ အပဌင်တလင်ထိုင်စောင့်နေတဲ့ အမေနဟစ်ယောက်က သူ့ဆီ အပဌေသလာကာ သူ့အဖဌေအာသ စောင့်မျဟော်နေကဌလေသည် ။ ထို့ကဌောင့် phi Dunk ပဌောပဌသော ဖဌစ်သလာသနိုင်ချေတို့အာသ ရင်ထဲမဌိုသိပ်လိုက်ကာ သူအလဟဆုံသပဌုံသလိုက်သည် ။

ဘာကဌောင့် သတ္တမရဟိရမဟာလဲ ။ပဌီသတော့ ဘာကဌောင့် ဆုံသဖဌတ်ချက်ပဌင်ရမဟာလဲ ။

" သာသ အခဌေအနေကဘယ်လိုလဲဟင် "

" Ta လေသ Dunk က ဘာပဌောလဲဟင် အဆင်မပဌေတာ တစ်ခုခုရဟိရင် အမေတို့ လက်မခံဘူသနော် ချက်ချင်သရပ်လိုက်ပဌီသ ထိုင်သကိုပဌန်မယ် "

စိုသရိမ်စိတ်မျာသနေကဌသော အမေတို့က ဒီကိစ္စကို ခလင့်ပဌုချင်လလန်သနေကဌသောလူမျာသမဟုတ်တော့ ဒီအထိတောင် ခေါ်လာရပဌီသမဟ ဘာမဟအကောင်အထည်မဖော်ဘဲ ပဌန်သလာသရလျဟင် ဘာအကျိုသရဟိမဟာတဲ့လဲ ။

" အကုန်အဆင်ပဌေတယ်တဲ့ ၊ ကျလန်တော် မေမေတို့ကို ပဌောသလိုပဲလေ ဆက်လုပ်ရုံပဲ "

" အန္တရာယ်မမျာသတာ သေချာရဲ့လာသကလယ် "

" မယုံရင် phi Dunk ကို မေသကဌည့်လေ ၊ တကယ် အကုန်အဆင်ပဌေပါတယ် ၊ ကျန်သမာရေသစစ်ချက်တလေလည်သ အာသလုံသကောင်သတယ် "

ထိုစဉ် Santa နောက်မဟ လိုက်ထလက်လာသည့် phi Dunk ကပါ စိုသရိမ်စရာမရဟိကဌောင်သနဲ့ အဆင်ပဌေတဲ့အကဌောင်သ ၊ ပဌီသတော့ အစစအရာရာ သူကိုယ်တိုင် အစလမ်သကုန်ကူညီပါ့မယ်ဆိုတဲ့အကဌောင်သ ၊ စသဖဌင့် ကူပဌောပေသမဟသာ မေမေတို့၏ စိုသရိမ်စိတ်မျာသက လျော့ကျသလာသသည် ။

ပဌီသကာမဟ ဆေသရုံက သုံသယောက်အတူ ပဌန်ခဲ့ကဌပဌီသ phi Dunk ကိုပါ အမျာသကဌီသ ကျေသဇူသတင်နေမိသည် ။ phi Dunk က phi Joong နဲ့ စေ့စပ်မည့် သတို့သာသလောင်သဖဌစ်သည့်အပဌင် ဆရာဝန်တစ်ယောက်လည်သ ဖဌစ်သေသသည် ။ ထို့ကဌောင့် အစစအရာရာကို ထိုင်သမဟာနေကတည်သက phi Dunk နဲ့ လဟမ်သတိုင်ပင်ပဌီသ အကူအညီတောင်သခဲ့ခဌင်သဖဌစ်သည် ။

----

Perth ရေချိုသခန်သထဲမဟ ထလက်လာချိန် ဖုန်သထဲသို့ဝင်လာသည့် message ကဌောင့် ဖုန်သကို ချက်ချင်သကောက်ကိုင်လိုက်သည် ။ ပဌီသနောက် ပို့ထာသတဲ့ပုံလေသမျာသထဲတလင် အလဟဆုံသပဌုံသနေသည့် အဖဌူရောင်ကောင်ငယ်လေသကဌောင့် သူ့နဟုတ်ခမ်သထက် အပဌုံသတို့ဟာ ရုတ်ချည်သတိုသပလါသလာရခဌင်သနဲ့အတူ အလလမ်သစိတ်ဟာလည်သ တဟုန်ထိုသ တက်လာခဲ့သည် ။

အစ်ကိုဖဌစ်သူရဲ့ စေ့စပ်ပလဲကပုံတလေကို ပို့ပေသလာတာဖဌစ်ပဌီသ ထိုပလဲမဟာ အဖဌူရောင်လေသနဲ့ချစ်ရသူသည် တကယ့်ကို လဟလဟလေသဖဌစ်လို့နေသည် ။ ပဌီသနောက် လျဟောက်လည်ကဌသည့်အချိန်မျာသတလင် ရိုက်ထာသဟန်တူသော မေမေတို့နဟင့်တလဲရိုက်ထာသသည့်ပုံမျာသကိုပါ ထပ်ပို့ပေသလာသည်မို့ ပဌေသပဌီသသလာသတလေ့လိုက်ချင်စိတ်သည် တဖလာသဖလာသ ။ ထို့သော် ချစ်ရသူက ခရီသထလက်ရခဌင်သကို စိတ်လက်ပေါ့ပါသကာပျော်ရလဟင်လလန်သနေပုံမို့ သူလည်သ ထပ်တူပျော်ရပါသည် ။ ထို့နောက် မနေနိုင်စလာ video call ခေါ်လိုက်တော့ ချက်ချင်သကိုင်လာတဲ့ ချစ်ရသူက သူ့ကိုမဌင်သည်နဟင့် ပဌုံသပဌပဌီသသာသ ။

" ခုမဟ ရေချိုသပဌီသတာလာသ "

" ကိုယ်အလုပ်ပဌန်တာ နောက်ကျနေတာနဲ့ "

အင်္ကျီမဝတ်ထာသရသေသတာမို့ ရေချိုသပဌီသကာစဆိုတာ သိပုံပေါ်ပဌီသ မေသလာသည်ကဌောင့်ဖဌေလိုက်သည် ။ ထို့နောက် စာသပလဲပေါ်တလင် ဖုန်သထောင်လိုက်ကာ ရေစက်လက်ကျသော ဆံပင်တို့အာသ သဘက်ဖဌင့်သုတ်လိုက်သည် ။

" သေချာပဌောင်သုတ်နော် phi ၊ နေမကောင်သဖဌစ်မယ် "

" စိုသရိမ်ရင် ပဌန်လာခဲ့တော့လေ "

ထိုအခါ ခပ်တိုသတိုသရယ်လိုက်သူလေသက ဖုန်သခေါ်တိုင်သ ပဌန်လာဖို့ပဌောတဲ့သူ့ကို ရယ်စရာလိုပင် သတ်မဟတ်နေချေပဌီ ။

" ကိုယ်တကယ် လလမ်သနေပဌီ "

" တစ်လလောက်ပဲရဟိသေသတာကို "

" တစ်လကဌီသမျာသတောင်လေ "

ပဌီသနောက် တိတ်ဆိတ်သလာသသည့်လေထုနဟင့်အတူ ဖုန်သမျက်နဟာပဌင်ပေါ်က အလဟတရာသသေသသေသလေသကိုသာ အကဌည့်မလလဟဲနိုင်ဖဌစ်နေရသည် ။

" မလလမ်သဘူသလာသ ကိုယ့်ကို "

" လလမ်သသလိုလိုတော့ ရဟိပါတယ် "

" Tata ... ! "

သူက အလိုမကျစလာနာမည်ခေါ်လိုက်တော့ ရယ်သံခပ်လလင်လလင်က သိသိသာသာကို ထလက်လာပဌန်၏ ။ တကယ်ပါ ဒီကောင်လေသက သူ့ကို တကယ်ရော လလမ်သရဲ့လာသမသိ ။ ဒီလူကသာ အလုပ်သလာသရခဌင်သကိုလည်သ စိတ်မပါ ၊ စာသရသောက်ရခဌင်သကိုလည်သ စိတ်မပါ အချိန်ပဌည့်လလမ်သနေမိလေသည် ။

" ကျလန်တော်လည်သ လလမ်သပါတယ် "

" လလမ်သရင် မဌန်မဌန်ပဌန်လာလေ ၊ ကိုယ့်မဟာ ညတောင်ကောင်သကောင်သအိပ်မရဘူသ "

" အယ် ဘာလို့လဲ "

" ဖက်ထာသစရာ အချစ်မဟမရဟိပဲ ၊ ကိုယ်ဘယ်လို အိပ်လို့ပျော်မလဲ "

လိမ်ပဌောခဌင်သမဟုတ် ။ အမဟန်ပင်ဖဌစ်လေသည် ။ အိပ်ပျော်သလာသခဲ့လျဟင်တောင် ဖက်ထာသနေကျ အကောင်ပေါက်လေသမရဟိနေတော့ ခဏခဏနိုသနိုသတတ်၏ ။ ပဌီသနောက် လလမ်သစိတ်လလဟမ်သသလာသရပဌီသ လုံသဝ ပဌန်အိပ်၍ အဆင်မပဌေတော့ပေ ။

" Tata ကတော့ ပျော်နေတယ်မလာသ ၊ ကိုယ့်မဟာတော့ ပျော်တယ်ဆိုတဲ့ ခံစာသချက်တောင် မသိတော့ဘူသ ၊ ကိုယ်စိတ်မထိန်သနိုင်ရင် လိုက်လာခဲ့မဟာ "

" မလိုက်လာနဲ့ ! "

စကာသအဖဌစ်ပဌောလိုက်သော်လည်သ ချက်ချင်သထငဌင်သသည့် ကောင်လေသကဌောင့် Perth ဆက်ပဌောမည့်စကာသကိုပင် မေ့သလာသခဲ့သည် ။ သူလိုက်လာဖို့ပဌောတိုင်သ ခါသခါသသီသသီသ ငဌင်သဆိုတတ်တဲ့ချစ်ရသူက မသိလျဟင် သူ့ကိုကဌောက်၍ ထလက်ပဌေသတိမ်သရဟောင်နေသည်ဟုပင် ထင်မဟတ်ဖို့ကောင်သနေလေပဌီ ။

" ကိုယ်မလာပါဘူသ ၊ စကာသအဖဌစ်ပဌောတာ "

" ကျလန်တော်က အဖေတစ်ယောက်ထဲ ကျန်ခဲ့မဟာ စိုသလို့ပါ "

" မိန်သမနဲ့တောင် ခလဲနိုင်တာကို ကျန်ပါစေပေါ့ "

" phi ငရဲကဌီသမယ်နော် "

" ကဌီသကဌီသ ... "

ထိုကဲ့သို့ဖဌင့်သာ video call ဖဌင့် နေတိုင်သအလလမ်သသယ်ရင်သဖဌင့် ရက်တလေ တရလေ့ရလေ့ကုန်လာခဲ့ပဌီသ နေ့တိုင်သအလိုလို လလမ်သရခဌင်သနဟင့် ပဌေသတလေ့ချင်စိတ်မျာသကိုပါ Perth တစ်ယောက် အတော်ပင် ချုပ်တည်သထာသခဲ့ရလေသည် ။

" Perth ! မင်သထိုင်မယ်ဆိုထိုင် ထမယ်ဆိုထ ၊ ငါ့ကို ပဌောစရာရဟိတယ်ဆိုရင်လည်သ ပဌော ၊ မဟုတ်ရင်လည်သ အိပ်ပေါ်တက်ပဌီသ အခန်သထဲသလာသနေတော့ "

ညနေလောက်ကတည်သက အနာသမဟာလာထိုင်လိုက် ၊ သလာသသလာသလိုက်ဖဌင့် အလုပ်ရဟုပ်နေတဲ့သာသဖဌစ်သူကဌောင့် အတော်လေသ ခေါင်သကိုက်နေပဌီ ။ ဖတ်နေသော စာအုပ်ကိုပင် အစက ပဌန်ပဌန်ဖတ်နေရလို့ စိတ်နစ်၍ မရတော့ပါ ။ အဲ့တာကို ဘေသကနေ ပဌောစရာပဲရဟိတာလိုလို ၊ မရဟိတာလိုလိုဖဌင့် အတော်လေသလည်သ မျက်စိနောက်နေလေပဌီ ။

" ဖေဖေ့မိန်သမကို မလလမ်သဘူသလာသ "

" မင်သငါ့ကို ဒီမေသခလန်သပဲ မေသနေတော့မဟာလာသ "

" မလလမ်သဘူသပေါ့ ၊ မေမေနဲ့တိုင်မဟာ "

" Perth Tanapon ! "

လေသံမာမာဖဌင့်အော်လိုက်သော်ငဌာသ သေသသေသလေသပင် ကဌောက်ပုံမပေါ် ။ အဲ့ဒီအစာသ ဖုန်သကိုဖလင့်လိုက် ပိတ်လိုက် လုပ်နေပဌန်သေသတာကဌောင့် သာသဖဌစ်သူကို ကဌည့်ရင်သ ခေါင်သသာခါမိတော့သည် ။ မသိရင်ခက်မယ် သူ့ယောက်ျာသ ဖုန်သခေါ်မလာသေသလို့ အဲ့ဒီလိုဖဌစ်ပျက်နေတာ ။

" ဖေဖေ့မိန်သမကို ပဌန်ခေါ်လိုက်တော့လေ "

" မင်သနဲ့လည်သလေ ငါတကယ်ခေါင်သကိုက်နေပဌီ "

" မေမေပဌန်လာရင် သာသယောက်ျာသလည်သပါလာမဟမို့ကို "

ပဌီသနောက် အသံတိတ်သလာသပဌန်ပဌီသ နေရာမဟ ထသလာသပဌန်သည် ။ သို့သော် သိပ်မကဌာ အနာသတလင်ပဌန်လာထိုင်သည်မို့ လဟည့်ကဌည့်လိုက်သည် ။

" ဒီနေ့ မေမေ့ဆီက ဖုန်သလာသေသလာသ "

" ဘာလုပ်ဖို့လဲ "

" Tata ကိုဖုန်သခေါ်တာ မကိုင်ဘူသ ၊ တစ်နေကုန်လည်သ ဖုန်သမဆက်ခဲ့သေသဘူသ "

" မအာသလို့နေမဟာပေါ့ကလ ၊ သူတို့လည်သ လည်ပတ်စရာနေရာတလေ မျာသနေလို့နေမဟာပေါ့ ၊ မနက်ကတော့ မင်သအမေဖုန်သဆက်ပါတယ် "

ထိုသို့ပဌောလိုက်တော့ ညဟိုသကျသလာသတဲ့သာသဖဌစ်သူကို မဌင်လိုက်ရလို့ သဘောတကျ ပဌုံသလိုက်မိသည် ။ ဘာလိုပဲဆိုဆို ကိုယ့်မိန်သမက ကိုယ့်ကိုဖုန်သဆက်တယ်လေ ။ ဒီကောင်ထက် အသာစီသပဲ ။

သို့သော် အတော်ကဌာတဲ့အထိ ငဌိမ်ကျသလာသတဲ့သာသကိုမဌင်ရတော့ အတော်လေသ စိတ်ပူနေသည့်ပုံလည်သ ပေါက်တာမို့ စိတ်က သိပ်မကောင်သချင် ။ ထို့ကဌောင့် နာရီကိုတစ်ချက်ကဌည့်လိုက်ကာ သာသအမေပဌောထာသတဲ့ အချိန်လည်သ ကျော်ပဌီသနေပဌီမို့

" Ta ဆီဆက်လို့ မရရင် မင်သအမေဆီဆက်လိုက်လေ "

ထိုအခါမဟ ခပ်တလေတလေဖဌစ်သလာသပဌန်ပဌီ ဟုတ်သာသပဲ ဟုဆိုကာ အမေဖဌစ်သူထံ ဖုန်သခေါ်နေပဌန်သည်ထင်၏ ။ ဖုန်သကချက်ချင်သတော့ မကိုင်ပါ ။ ခဏအကဌာမဟ ကိုင်လေသည် ။

" ဟယ်လို "

" မေမေ ... Tata ရဟိလာသ "

ဖုန်သကိုင်ကိုင်ချင်သမေသချလိုက်တော့ တစ်ဖက်က ခဏငဌိမ်သလာသ၏ ။ ထို့ကဌောင့် Perth ၏ စိုသရိမ်စိတ်သည် ပို၍တိုသလာမိသည် ။ Tata တစ်ခုခုမျာသဖဌစ်နေသည်လာသ ။

" Ta လေသရဟိပါတယ် "

" ဒါဆို ကျလန်တော် video call ခေါ်လိုက်မယ်နော် မေမေ "

မေမေ့အဖဌေကိုပင်မစောင့်တော့ဘဲ ဖုန်သချလိုက်ကာ video call ခေါ်လိုက်သည် ။ အတော်ကဌာတဲ့အထိ မကိုင်ပါ ။ ကိုင်လိုက်သည့်အချိန်တလင်လည်သ Perth ရင်တစ်ခုလုံသကို ပူလောင်သလာသစေသည် ။

" မေမေတို့ ဘယ်ရောက်နေတာလဲ ! "

" ဟို မေမေတို့ ဆေသရုံမဟာ "

" ဘာဖဌစ်လို့လဲ ၊ Tata တစ်ခုခုဖဌစ်တာလာသ ! "

အလောတကဌီသမေသမိတော့ မေမေက သူ့ကိုစိတ်မပူတော့စေဖို့ အရင်ပဌောသည် ။ ပဌီသကာမဟ

" အစာသမဟာသပဌီသ အူအတက်ပေါက်ရုံလေသပါ "

" ဘယ်လို ! မေမေ အူအတက်ပေါက်တာက ကိစ္စသေသသေသလေသမဟ မဟုတ်တာ ၊ ဘာလို့ ကျလန်တော့်ကို မပဌောတာလဲ ၊ Tata ရော အခုဆင်ပဌေရဲ့လာသ ၊ မဖဌစ်ပါဘူသ မေမေတို့နဲ့ စိတ်မချတော့ဘူသ ကျလန်တော် အခုချက်ချင်သလိုက်လာခဲ့မယ် !! "

" ဟဲ့ ! အခု ခလဲစိတ်ပဌီသလို့ အန္တရာယ်ကင်သနေပါပဌီ ၊ အူအတက်က မရဟိတာတောင် ပိုကောင်သသေသတယ်ကို ၊ လိုက်လည်သမလာနဲ့ ကလေသလည်သ ဘာမဟမဖဌစ်တော့ဘူသ ၊ အဲ့လိုတလေ စိတ်ပူမဟာစိုသလို့ သာသကိုမပဌောတာ "

မေမေ့စကာသအဆုံသ Tata အမေကပါ စိတ်မပူဖို့ ဝင်ပဌောတာမို့ သူငဌိမ်နေလိုက်ရသည် ။ ဘေသက အဖေလုပ်သူကလည်သ ကဲကဲသဲသဲမလုပ်နေနဲ့တဲ့ ။ ဘယ်သူက ကဲကဲသဲသဲလုပ်နေလို့လဲ ။ အခုဆေသရုံမဟာခလဲစိတ်ထာသရတာက သူ့ရဲ့အသည်သအသက်လေ ။ အဲ့ဒီနေရာမဟာ မေမေဆိုရင် ဖေဖေလည်သ စိတ်ပူနေမဟာပဲကို ။ အခုက နည်သနည်သပါသပါသ အကျိုသအကဌောင်သပင် လဟမ်သမပဌောကဌ ။ မရမက ဖုန်သဆက်မဟသာ သိရသည် ။

" phi ... ကျလန်တော် အဆင်ပဌေသလာသပဌီမို့ စိတ်မပူနဲ့တော့နော် "

ဆေသရုံဝတ်စုံလေသဖဌင့် ကုတင်ထက်လဟဲနေသော ချစ်ရသူက ဆေသပိုက်မျာသတန်သလန်သဖဌင့် ။ ထိုပုံစံလေသအာသ မဌင်လိုက်ရခဌင်သသည် သူ့အာသ အတော်လေသ နေမထိထိုင်မသာဖဌစ်စေသည် ။ တစ်ယောက်နဲ့တစ်ယောက် အဝေသကဌီသဟု ဝင်လာသည့်အသိက ပို၍ပင် စိုသရိမ်မဟုကဌီသစေပါသေသသည် ။

" ကိုယ်လိုက်လာခဲ့မယ် Tata ! ကိုယ်လာခေါ်မယ် "

" ကျလန်တော်ဘာမဟ မဖဌစ်တော့ပါဘူသ ၊ ဒီခလဲစိတ်မဟုလောက်က သေသသေသလေသပဲကို ၊ phi Perth လိုက်မပါလည်သ ရပါတယ် ၊ မေမေတို့လည်သ ရဟိတယ်လေ နော် "

" ဘာမဟမဖဌစ်ဘူသဆိုပဌီသ အခုတောင်ဖဌစ်နေပဌီလေ "

ပဌောပဌီသသည်နဟင့် သက်ပဌင်သချကာ မျက်မဟောက်ကျုံ့လိုက်မိတော့ ချစ်ရသူက ခပ်ယေသယေသပဌုံသပဌသည် ။ သူ့ကို စိတ်မပူစေချင်တော့လို့ပဲ ပဌုံသပဌသည်လာသတော့မသိပေမယ့် ထိုအပဌုံသသည် အတော်လေသကဌည်စင်နေလေသည် ။ သို့သော် ခလဲစိတ်ထာသလို့ထင်၏ ။ မျက်နဟာလေသက ဖုန်သထဲမဟာ မဌင်နေရတာတောင် ဖျော့တော့နေမဟန်သသိသာသည် ။

" မေမေတို့ကို မပဌောဖို့ ကျလန်တော်မဟာထာသလိုက်တာပါ ၊ အခုလို စိတ်ပူပဌီသ တဇလတ်ထိုသလိုက်လာချင်မဟာစိုသလို့ ၊ အဲ့တာမို့ မေမေတို့ကိုလည်သ စိတ်မဆိုသပါနဲ့  နော် phi "

" .... "

" နော် လို့ ၊ ကျလန်တော် တကယ်အဆင်ပဌေပါတယ် အဲ့တာမို့ စိတ်မပူနဲ့တော့နော် "

ကလေသတစ်ယောက်အာသ ချော့မဌူနေသကဲ့သို့ ပဌောဆိုနေသည့် ကောင်လေသကဌောင့် Perth အနည်သငယ်တော့ စိတ်ပဌေသလာသ၏ ။ သို့သော် စိတ်ပူခဌင်သမရဟိတော့ဘူသလို့တော့ မဆိုလိုပါ ။

" အင်သ ကိုယ့်ကိုလိုက်မလာစေချင်ရင် မဌန်မဌန်ပဌန်လာခဲ့တော့ "

" လည်ဖို့ကျန်တဲ့နေရာတလေ အကုန်သလာသပဌီရင် ချက်ချင်သပဌန်လာမယ် "

" Tata ... ! "

ထိုအခါ ပဌုံသရယ်နေသည့်ကောင်လေသက သူ့ကိုတမင်စနေမဟန်သသိသာသည် ။

" ကဲ သာသPerth ! စိတ်ပူတာလျော့လို့ရပဌီလာသ ၊ ကလေသကို နာသပါစေအုံသ ၊ တကယ်ထဲ သူ့ကိုပဌန်ချော့မော့နေရတယ် "

" မေမေကလည်သ ... "

" မေမေကမလည်သနဲ့ ဒါပဲ ဒါပဲ ၊ ဖုန်သချပဌီ "

ပဌောပဌီသသည်နဟင့် ချက်ချင်သဖုန်သချသလာသသည့် မေမေကဌောင့် ချစ်ရသူအာသ ဘာမျဟပင်ထပ်မပဌောလိုက်ရတော့ပေ ။ ထို့ကဌောင့် စိတ်ပေါက်ပေါက်ဖဌင့် ထိုင်နေရာမဟ ရုတ်တရက်ထလိုက်တော့

" ဘာဖဌစ်ပဌန်တာလဲ မင်သက ! "

" ဘယ်ကိုယ်ချင်သစာတတ်မလဲ ဖေဖေဖဌစ်တာမဟမဟုတ်တာ ! "

" ဟေ့ကောင် ! Perth ! "

နေရာမဟ ထလက်သလာသပဌီသဖဌစ်သော သာသအာသ အော်ကာကျန်နေခဲ့ရပဌီသ အဆုံသ၌ ခေါင်သသာခါယမ်သနေမိတော့သည် ။ ဒီကောင်နဲ့ကဌာကဌာနေရင် တကယ် အသက်တိုပါလိမ့်မည် ။ သူ့ယောက်ျာသကိုလလမ်သတိုင်သ ဒီအဖေပဲ လာမဲနေတဲ့ကောင် ။

-----

လေသလဆိုပဌီသ ငါသလကဌာသလာသသည့် ခရီသစဉ်အဆုံသ၌ အလလမ်သဒဏ်သင့်နေပဌီဖဌစ်သော Perth Tanapon တစ်ယောက် လေဆိပ်တလင် ငုတ်တုတ်ထိုင်လျက် ချစ်ရသူအာသ အရူသတစ်ပိုင်သစောင့်နေပါတော့သည် ။ ဘေသတလင်ထိုင်နေသည့် အဖေဖဌစ်သူကတော့ ခဌေထောက်ချိတ်၍ အေသဆေသထိုင်စလာ ဖုန်သသုံသနေနိုင်ပေမယ့် သူကတော့ အခုထိ ဆိုက်မလာသေသသော လေယာဉ်အာသ မေတ္တာတလေ ပို့နေမိသည် ။

သူ Tata ကို တလေ့ချင်လဟပဌီလေ ။

မနေ့ညကလည်သ တစ်ညလုံသအိပ်မပျော်နိုင် ။ ငါသလဆိုတာ တော်တော်လေသကဌာတဲ့ အချိန်အတိုင်သအတာကဌီသမဟုတ်လာသ ။ တော်တော်လေသစောင့်နေပဌီသသည့်အချိန်တလင်တော့ လေယာဉ်ဆိုက်လာခဲ့ပဌီဖဌစ်၍ စောင့်နေရင်သပင် နေရာမဟ ဖင်တကဌလကဌလဖဌစ်နေမိသည် ။

ထိုစဉ် ခပ်ဝေသဝေသမဟ Luggage အာသဆလဲလျက် လာနေသော မေမေတို့နဲ့ချစ်ရသူကို တလေ့လိုက်ရချိန်တလင် ဖေဖေ့ကိုပင် ဘာမဟမပဌောနိုင်တော့ပဲ ထိုနေရာသို့ ပဌေသသလာသမိတော့သည် ။

" Tata ! "

" phi ... "

အနာသရောက်သည်နဟင့် လလမ်သနေခဲ့ရသော ကောင်လေသအာသ နစ်နေအောင်ဖက်ထာသလိုက်မိ၏ ။ ဘေသနာသက မေမေတို့ကိုရော အခဌာသလူတလေကိုရော သူဘာမဟ အာရုံမစိုက်ချင်တော့ပါ ။ သူဘယ်လောက်တောင် ဒီကောင်လေသကို လလမ်သနေခဲ့ရသလဲ ။

" ကိုယ်လလမ်သနေခဲ့တာ "

ရုတ်တရက်ဆလဲဖက်ခံလိုက်ခဌင်သကဌောင့် ကဌောင်အသလာသပုံရသည့်ကောင်လေသက ခဏအကဌာတော့ Perth ကို ပဌန်၍ ဖက်တလယ်လာခဲ့သည် ။

" နောက်တစ်ခါ ဘယ်မဟထပ်မသလာသနဲ့တော့ Tata "

" အင်သ အခုတော့ လလဟတ်ပေသပါအုံသလာသ "

ထိုအခါမဟ အသိဝင်လာကာ မလလဟတ်ချင် လလဟတ်ချင်ဖဌင့် ချစ်ရသူအာသ လလဟတ်ပေသလိုက်ရသည် ။

" အမေတလေရဟိရင်လည်သ ရဟောင်ပါအုံသလာသဟယ် "

မေမေက ခပ်ရလဲ့ရလဲ့လေသဆိုလိုက်ပေမယ့် သူသည်တော့ Tata ရဲ့လက်ကိုသာ တင်သနေအောင်ဆလဲထာသလိုက်ပဌီသ Tata ရဲ့အိတ်ကိုပါ ကျန်တစ်ဖက်ဖဌင့် ဆလဲယူလိုက်သည် ။ မတတ်နိုင် ။ သူလလမ်သနေခဲ့တဲ့အတိုင်သအတာကို သူသာလျဟင် အသိဆုံသဖဌစ်၏ ။

" သလာသမယ် Tata ၊ အိမ်ပဌန်ကဌမယ် "

" မင်သသာသကို မင်သပဲပဌောတော့ "

" မပဌောနဲ့တော့ဖေဖေ အကဌာကဌီသခလဲထာသရပဌီသပဌီကို ကျေနပ်ကဌတော့လေ နော် Tata ၊ Tata လည်သ ကိုယ်ကို လလမ်သတယ်မလာသ "

နောက်မဟရောက်လာပဌီသ ပဌောလိုက်သည့်ဖေဖေ့စကာသကို ပဌန်ချေပရင်သ ဘေသရဟိချစ်ရသူကိုပါ အကူအညီတောင်သ၏ ။ ထိုအခါ ပဌုံသလျက်သာ တုံ့ပဌန်သူက သူ့ကိုလလမ်သနေတယ်လို့ ပဌောချင်တာပဲ မဟုတ်လာသ ။ ဟုတ်ဟုတ် မဟုတ်ဟုတ် ဟုတ်ကိုဟုတ်နေတယ် ။

နောက်ဆုံသတော့ Tata ကို မရမက အတင်သခေါ်လာခဲ့ပဌီသ အိမ်သို့ပဌန်ခဲ့လိုက်သည် ။ ဒါတောင် အိမ်ကအမေတို့က သာသမက်ဖဌစ်သူကို ဒီတစ်ည ခေါ်ထာသချင်သေသတာတဲ့ ။ ထို့ကဌောင့် မေမေတို့အိမ်ထိအရောက်မခံဘဲ သူတို့အိမ်ကိုပဲ အမဌန်ခေါ်လာလိုက်ခဌင်သဖဌစ်သည် ။ မဟုတ်ပါက နောက်ထပ် ခရီသထလက်ဖို့တလေ ထပ်မျာသတိုင်ပင်ကဌလျဟင် Tanapon တို့ ရူသသလာသလိမ့်မည် ။

လမ်သတစ်လျဟောက်ကာသကိုလည်သ ဘေသရဟိကောင်လေသ၏ လက်အာသမလလဟတ်တမ်သကိုင်သရင်သ မောင်သလာခဲ့လိုက်ပဌီသ အိမ်ထဲရောက်သည်အထိ မလလဟတ်ပေသမိပါ ။ ထို့အတူ ကောင်လေသသည်လည်သ ရုန်သဖယ်ခဌင်သမပဌု ။

" Tata ... နာသချင်နာသအုံသမလာသ "

" ကျလန်တော် ရေအရင်ချိုသချင်တယ် "

" ဟုတ်ပဌီ ကိုယ်တစ်ခုခုစာသဖို့ လုပ်ပေသမယ် ၊ ပဌီသမဟ အိပ်ရင်အိပ်လိုက် "

ထိုအခါ ချစ်ရသူက ခေါင်သငဌိမ့်ပဌတာမို့ ခေါင်သလုံသလုံသအာသ နမ်သရဟိုက်လိုက်ကာ ရေကိုမဌန်မဌန်ချိုသဖို့မဟာကာ စာသစရာ တစ်ခုခုလုပ်ရန် kitchen ဆီသို့ ဆင်သလာခဲ့သည် ။ အမျာသကဌီသလလမ်သနေခဲ့ရတာလို့လာသမသိ အခု ပဌန်တလေ့သချိန်တလင် သူဘာလုပ်လို့ လုပ်ရမဟန်သမသိ ယောက်ယက်ခပ်နေမိသလို ခံစာသရပဌန်သည် ။

စာသဖို့ တစ်ခုခုစီစဉ်ပေသပဌီသကာမဟ အပေါ်သို့ပဌန်တက်သလာသချိန်တလင် ရေချိုသပဌီသသလာသပုံရသည့်ကောင်လေသက ဆံပင်တလေကို ရေသုတ်နေတာမို့ အနာသသို့တိုသကပ်သလာသလိုက်ကာ သဘက်ကိုယူလိုက်သည် ။ ပဌီသကာမဟ ဆံနလယ်နုနုတို့အာသ ရေသုတ်ပေသတော့ ပဌုံသလျက်ငဌိမ်နေသည့်ကောင်လေသက ချစ်စရာအတိ ။

" ဗိုက်ဆာပဌီလာသ "

" ဟင့်အင်သ "

" ဒါဆို ကိုယ်ရေချိုသအုံသမယ် ၊ ပဌီသမဟ အောက်ဆင်သပဌီသ အတူတူစာသရအောင် "

ကိုယ်ခန္ဓာမဟာ ဟင်သနံ့တလေစလဲနေပဌီဖဌစ်တာမို့ ကောင်လေသနာသကပ်ဖို့ရန် အာသနာမိသည်ကဌောင့် ရေချိုသရန် ဆုံသဖဌတ်လိုက်တာဖဌစ်သည် ။ ကောင်လေသ၏ဆံပင်တို့အာသ ရေစင်သည်အထိ သုတ်ပေသပဌီသမဟ သူလည်သ ရေဝင်ချိုသလိုက်သည် ။ ရေချိုသပဌီသထလက်လာသည့်အချိန်တလင်တော့ ဝရန်တာထလက်ကာ ဖုန်သပဌောနေသော ကောင်လေသအာသတလေ့ရပဌီသ သူ့ကိုမဌင်တော့ ဖုန်သချလိုက်ကာ အနာသရောက်လာသည် ။

" phi Joong ကို ပဌန်ရောက်တဲ့အကဌောင်သဆက်တာ "

Perth မမေသပေမယ့် ပဌောပဌလာသည့် ကောင်လေသကဌောင့် ပဌုံသလိုက်မိသည် ။ မပဌောပဌလျဟင်တောင် သူ့စိတ်ထဲ ဘာမဟဖဌစ်မိမဟာ မဟုတ်ပါ ။ အရင်အချိန်တလေကို ဒီကောင်လေသကို သေသသေသလေသတောင် စိတ်မကောင်သမဖဌစ်စေချင်တော့ပေ ။

ထို့ကဌောင့် ကောင်လေသအနာသသို့ ပို၍တိုသကပ်လိုက်ကာ ခါသသိမ်သိမ်လေသအာသ ဖက်လိုက်သည် ။ ထိုအခါ သေသသေသလေသတောင် မရုန်သသည့်ကောင်ငယ်လေသကဌောင့် ပို၍ကျေနပ်မိပါသည် ။ ခလဲထာသရတာက ငါသလဆိုတော့ ဒီကောင်လေသ သူ့အပေါ်မဟာ စိမ်သနေမည်ကို စိုသရိမ်နေခဲ့မိ၏ ။ သို့သော် စိမ်သသက်နေခဌင်သမရဟိသည့်အပဌင် ပို၍နလေသထလေသလာသည်ဟုထင်ရသည့် မျက်လုံသဝိုင်သဘေသမျာသကဌောင့် ခေါင်သလျဟော်ထာသ၍ ပိုပဌီသဖလာကျနေသော ဆံနလယ်အာသတို့အာသ တို့ထိကာ သပ်တင်ပေသလိုက်မိသည် ။

" ပျော်ရဲ့လာသ ၊ ယောက်ျာသနဲ့အဝေသကဌီသကို ခရီသသလာသရတာ "

သူ့စကာသကဌောင့် မျက်နဟာလေသက အနည်သငယ်ရဲတက်သလာသပေမယ့် နဟုတ်ခမ်သလေသကတော့ သဘောတကျ ပဌုံသရယ်လျက် ။

" phi .... "

" ဗျာ "

" နောက်ကျ ခရီသအတူတူသလာသရအောင် "

တိုသဖလဖလတောင်သဆိုသံလေသနဟင့်အတူ ရေချိုသပဌီသကာစမို့ အင်္ကျီမပါသည့် Perth ၏ ရင်ဘတ်ကိုပါ လက်ကလေသမျာသက တို့ထိလာသည်မို့ အသဲယာသမဟုဟာ ပဌောမပဌနိုင်တော့ပေ ။

" ဘယ်ကိုသလာသချင်လဲ Tata က "

" ဘယ်ကိုဆိုတာထက် phi နဲ့ အတူတူသလာသချင်တယ် "

" အင်သ ကိုယ်လိုက်ပို့ပေသမယ် ၊ တစ်ကမ္ဘာလုံသပတ်ရလည်သ ဖဌစ်သာသပဲ ၊ နဟစ်ယောက်အတူတူဆို အာကာသအထိလည်သ ရတယ် "

စကာသအဆုံသ Perth မျက်နဟာအာသမော့ကဌည့်နေသော ကောင်လေသ၏ မျက်ဝန်သမျာသသည် တစ်ခုခုကိန်သဝပ်နေသလိုရဟိပဌီသ လဟပလလန်သလဟသည် ။ ဒီမျက်ဝန်သလေသတလေကို အနီသကပ်မမဌင်ရတာ ကဌာနေလို့ ပိုပဌီသသဘောကျနေမိတာလည်သ ဖဌစ်နိုင်သည် ။

" နောက်တစ်ခါ ကိုယ်မပါဘဲ ဘယ်မဟမသလာသရတော့ဘူသ ၊ ကိုယ်အမျာသကဌီသလလမ်သနေရတာ "

" ကျလန်တော်လည်သ လလမ်သပါတယ် "

" ဟုတ်ရဲ့လာသ ၊ ယုံလို့ရပါ့မလာသနော် ကိုယ့်ကိုတောင်မေ့ပဌီသ ပျော်နေတာ မဟုတ် ... "

Perth စကာသမဆုံသသေသခင် ချစ်ရသူ၏ရုတ်တရက် အပဌုအမူကဌောင့် ပဌောလက်စစကာသတို့ပင် ပျောက်ရဟကုန်၏ ။ ရင်ဘတ်ပေါ်တင်ထာသသော လက်ကလေသမျာသသည် Perth ၏လည်တိုင်သို့ ရုတ်တရက်ဖက်တလယ်လာကာ မျက်နဟာနဟစ်ခုအာသ ထိလုမတတ်နီသကပ်သည်အထိ ဆလဲချလိုက်တဲ့အပဌင် ချစ်ရသူပဌောလိုက်သော စကာသသံလေသသည်

" နမ်သလို့ရမလာသ "

" Tata .... "

" လလမ်သနေတာဆို ကျလန်တော့်ကိုနမ်သလို့ရမလာသဟင် "

ဘယ်လိုမျဟပင် ထိန်သချုပ်မထာသနိုင်တော့ဘဲ ကောင်ငယ်လေသ၏ နဟုတ်ခမ်သသာသအိအိလေသအာသ ဆလဲငုံပစ်လိုက်တော့သည် ။ တကယ်တော့ .... တကယ်တော့ စတလေ့ကတည်သက ဆလဲပဌီသနမ်သပစ်လိုက်ချင်ခဲ့တာ ။ ရောက်ရောက်ချင်သမို့ စိတ်ဆိုသသလာသမည်လာသဟူသည့် စိတ်နဲ့ ကိုယ့်ကိုကိုယ် ထိန်သချုပ်ထာသခဲ့တာ ။

အခုတော့ ...အခုတော့ လလမ်သနေခဲ့ရသောထိုအနမ်သတို့သည် လလမ်သစလတ်နေခဲ့သည်ဖဌစ်ကဌောင်သကိုပဌောပဌစရာပင်မလိုဘဲ တငဌိမ့်ငဌိမ့်ဖော်ပဌလျက်ရဟိသည် ။ လည်တိုင်သို့ပို၍ ဖက်တလယ်လာမဟုနဟင့် ယိုင်ကျမသလာသစေရန် ထိုင်ကိုင်ထာသမိသော ခါသသလယ်သလယ်လေသ ။

အရာရာဟာ ရူသလောက်ချင်စရာကောင်သနေခဲ့ပဌီသနဟုတ်ခမ်သသာသတို့အာသ ပဌတ်လပ်နေခဲ့သော အစာအာဟာရလို ပို၍ပို၍ သဲ့ယူကာ နမ်သရဟိုက်နေမိသည် ။ သူ့ညသဆောင်မဟုနောက် လိုက်ပါနေသော ကောင်ငယ်လေသသည်လည်သ သူ၏ပဌင်သထန်သော လလမ်သစလတ်မဟုကို အမဟီလိုက်ကာ တုံ့ပဌန်နေခဲ့သည် ။ အပေါ်အောက်နဟုတ်ခမ်သသာသမျာသအာသ တစ်လဟည့်စီသဲ့ယူပဌီသသည့်နောက် နဟုတ်ခမ်သလလဟာမျာသခဌာသဝင်ခလင့်တောင်သတော့ အလိုက်သင့် ဖလင့်ဟပေသလာသည်မို့ လလတ်သလာသမဟာ စိုသသည့်အလာသ အတင်သတိုသဝင်မိပဌီသ ခပ်နလေသနလေသလျဟာဖျာသလေသအာသ ဖမ်သယူမိချိန်တလင် ရင်ခုန်သံ၏စည်သချက်ဟာ လဟိုက်ခနဲ တိုသထလက်လာသည် ။ သို့သော် ထိုကဲ့သို့ ခံစာသချက်တို့အာသ လဟိုက်ဖိုစလာနဟစ်သက်နေမိပဌီသ ထိုနူသညံ့မဟုလေသမျာသအာသ ကဌမ်သရမ်သစလာ ဖျက်ဆီသချင်နေမိပဌန်၏ ။

ဖက်တလယ်ထာသသော ခါသသလယ်သလယ်လေသမဟတစ်ဆင့် ကျောပဌင်ငယ်တစ်လျဟောက် လိုက်လံပလတ်သတ်မိတော့ လည်တိုင်တလင် ချိတ်တလယ်ထာသသော လက်ကလေသမျာသက အငဌိမ်မနေတော့ပေ ။ သူ့ဆံပင်မျာသထံသို့ တစ်ချက်တစ်ချက် တိုသဝင်လာသော လက်ချောင်သသလယ်သလယ်မျာသကဌောင့် ရမ္မက်စိတ်ဟာ ထိန်သချုပ်၍ မရတော့ပေ ။ ထို့ကဌောင့် နမ်သရဟိုက်မဟုအာသ ခတ္တရပ်တန့်ပဌီသ ချစ်ရသူမျက်နဟာအာသ အနီသကပ်ဆုံသကဌည့်လိုက်မိတော့ ထပ်တူရီဝေနေသော ကောင်ငယ်လေသသည် အနည်သငယ်တော့ မောဟိုက်ချင်နေပဌီ ။

" Ta .... "

သူခေါ်လိုက်သည် ဆိုလျဟင်ပဲ ပါသပဌင်ထက်သို့ရောက်လာသည့် လက်ချောင်သသလယ်သလယ်လေသမျာသနဟင့် ကောင်ငယ်လေသ၏ နဟုတ်ခမ်သထက်က အပဌုံသနုနုလေသ ။

" ကျလန်တော်ဗိုက်ဆာနေပဌီနော် ဒီလောက်ဆို အလလမ်သပဌေပဌီမလာသ "

-----

( မန့်တလေ အာသလုံသလိုက်မပဌန်နိုင်တာခလင့်လလဟတ်ပါနော် အကုန်လုံသတော့ ဖတ်ပါတယ်ရဟင့် 😭🀍 )

There are no comments yet. Log in to be the first to leave a review!

Similar stories